نامه غلاطیَه کلیسارا 6:1 - کتاب مقدس به زبان تالشی شمالی

¹ اِی بِرااِن، اَگم کسی ایلَه خطایی بِکَرِه، شِمَه که خِدا روح هِستِرونه بَسی ملایم روح نَه اَیی راستَه راه را آگاردِنه. اِشتِه هَواس جمع بِبو که اِشتَن نی وسوسه مَبی.

کتاب مقدس به زبان تالشي - گویش مرکزی

¹ اَی برا اِن اَگَم کَسی خَطایی بَکرِ، شِمَه کن خدا روح شمَکارَ، پی، بی مُلامِیَتینه راستَه راه را ویگاردِنَه. اِشتَنکا هواسِر ببو، کن ته نی وَسوَسَه دَنِه گِنی.

نامه غلاطیَه کلیسارا 6:1 Iomraidhean Croise

مَتّی 11:29

چِمِن یوغی شِمَه دوشی کا بِگِرَه و بَه مِن کا تعلیم بِگِرَه، چوم از ملایمی مَه و دیلی نَه فروتنی مَه، و شِمَه جانون کا راحتی بَگتیرون.

مَتّی 26:69

اَ موقع پطرس بِرونی کا، سِرا کا نِشت بَه، که خاتَکی چَیی وَر اومَه واتِشه: «تِه نی عیسایِ جلیلی هَمراه بیش!»

مَتّی 26:75

اَ موقع پطرس، عیسی گفون ویر وَردِشه که بَیی نَه واتَش بَه: «سوکی خَندِه پیش تِه سِه کَرَه مِن هاشا بَکَردیش.» بَس پطرس شَه بِرون، های های دادِش کَردَه.

مَتّی 9:13

بِشَه و اِم نیویشتَه مَعنی درک بِکَرَه که: ”چِمِن دیلی پیستَه رَحمتَه، نِه قِربونی.“ چوم اَز اومَیمَه گناه کارون دعوت بِکَرِم توبَه بِکَرِن نِه کسونی که صالِحی نَه.»

رومی کلیسارا نامه 14:1

کسی که چَیی ایمان ضَعیفَه، شِمَه دیلَه کا راه بِدییَه، ولی نِه اِمی واسی که چَیی عقیدَه اون درباره اَیی نَه جروبحث بِکَرَه.

رومی کلیسارا نامه 15:1

اَمَه که قوی ایمونَه، بَسی کسونی که ضَعیفی نَه تحمل بِکَرَم و چَمَه خوشحال بییِه دومله مَبییَم.

رومی کلیسارا نامه 8:6

چوم اَ آدَمی عاقبت که اِشتَن فیکری اَ چیونی را بَنای که جِسمانی اینه، مَرگَه، ولی اَ فیکری که خِدا روح دومله یَه زِندگی و سلامتی یَه.

اوّلین نامَه قورَنتیانیرا 10:12

بَس، اَ کسی که خَیال بَکَردی پابَرجایَه، چَیی هواس جمع بِبو که مَبَلَکِه!

اوّلین نامَه قورَنتیانیرا 14:37

اَگم ایی نفر خَیال بَکَردی که ایلَه پِیغمبرَه یا ایلَه آدَمی یَه که خِدا روح هِستِشه، اَ بَسی تصدیق بِکَرِه که اَ چی که شِمَه را بَنیویشتیم ایلَه حُکمی یَه خِداوندی طرفی نَه.

اوّلین نامَه قورَنتیانیرا 2:15

کسی که خِدا روح هِستِشَه، گِردِ چییون درباره داوری بَکَردی، ولی هیچکس نیمَشا چَیی درباره داوری بِکَرِه.

اوّلین نامَه قورَنتیانیرا 3:1

امّا اِی بِرااِن، از نِشاستِمَه کسونی شیوار گف بِژَنِم که خِدا روح چَوون دیلَه کایَه، بَلکَم کسونی شیوار گف ژَنِم که جِسمانی اینه، یعنی کسونی شیوار که مسیح کا تَرَه خِردَنی نَه.

اوّلین نامَه قورَنتیانیرا 4:21

کَمیلَه پیستِرونه؟ لِسی نَه بام شَمَه وَر یا ایلَه آروم روح و محبتی نَه؟

اوّلین نامَه قورَنتیانیرا 7:5

یَندی بی نصیب مَکَرَه، مَگم اِمکه یَندی رضایتی نَه و روکَتِه زمان، تا شِمَه وختی دعا را بِنییَه. امّا دومله هَنی یَندی نَه بِبَه، نَبادا که شیطان اِمی واسی که نیمَشایَه شِمَه پیشی بِگِرَه شِمَه وسوسه بِکَرِه.

دوومین نامه قرنتیانیرا 10:1

از، پولُس، اِشتَن مسیح نرمی و میهروونی نَه شِمَه مَنَت بَکَردیم، اَزی که، وِر کَسِن شِمَه کا بَواتین وختی که شِمَه وَری کاایمَه سَر بِه جیریمَه و اَ موقعی که شِمَه وَری کا نیمَه جَسوریمَه!

دوومین نامه قرنتیانیرا 2:7

بَس دِ بَسی اَئی بِبَخشَه و اَیی دیلداری بِدییَه، نَبادا وِرَه غورصه اَیی از پا بَروَرِه.

دوومین نامه قرنتیانیرا 2:8

بَس، شِمَه کا خواهیشت بَکَردیم، اَئی شِمَه محبتی کا مطمئن بِکَرَه.

نامه غلاطیَه کلیسارا 5:23

ملایمت و نَفسی پیشی گِتِه یَه. هیچ شریعتی چِمون ضِد نییَه.

نامه غلاطیَه کلیسارا 6:18

اِی بِرااِن، چَمَه خِداوند، عیسایِ مسیح فیض شِمَه روح نَه بِبو! آمین!

اوّلین نامَه تَسالونیکی کلیسا را 4:1

آخِرسَر بَس، اِی بِرااِن، اَمَه خِداوند عیسی کا شِمَه کا پیستِمونَه و مِنت بَکَردیمون، هَتَه که اَمَه کا شِمَه را آرَستَه که چِنتَه بَسی زِندگی بِکَرَه و خِدا راضی آکَرَه، هَتَه که کارا اَنجام بَدایرون، اِم کاری وِرتَر و وِرتَر بِکَرَه.

دوّمین نامَه تَسالونیکی کلیسا را 3:15

ولی اَئی دِشمن مَزونَه، بَلکَم ایلَه بِرایی شیوار اَیی هُشدار بِدییَه.

دِوُّمین نامَه تیموتائوسیرا 2:25

بَسی کسونی که مخالفی نَه، نرمی نَه اِصلاح بِکَرِه، شاید خِدا اَوون توبه عطا بِکَرِه، تا حقیقتی آزونِن،

نامَه، عِبرانیه نَتاجَه مسیحیونرا 12:13

شِمَه پااون را، راه اون هَموار بِکَرَه، تا شِلَه پا جیمَوَزِه، بَلکَم شفا بِگِرِه.

نامَه، عِبرانیه نَتاجَه مسیحیونرا 13:3

کسونی که زِندانی کا اینَه ویر بَمَرکَرَه، هِنتَه که اِنگاری شِمَه اِشتَن نی اَوون نَه زِندانی کا ایرونَه؛ و کَسونی که عذاب کَشِن ویر بَمَرکَرَه، چوم که شِمَه نی بَدنی کا عذاب بَکَشدیرون.

یعقوبی نامَه 3:13

شِمَه دیلَه کا حکیم و عَقلمَند کییَه؟ بِدارَه اَیی اِشتَن چاکه زندگی نَه نیشون بِدَه، اَ، اَعمالی که فروتنی نَه اِستَه و حکمتی کا سَرچشمه بَگتی.

یعقوبی نامَه 3:2

چوم که اَمَه گِرد وِر راهون کا خَطا بَکَردیمون. اَگم کسی اِشتَن گَف ژَندِه کا خَطا مَکَرِه، کامِلَ اِنسانی اِستَه و بَشای گِردِ اِشتَن بَدَنی پیشی بِگِرِه.

پطروسی اوّلین نامَه 3:15

بَلکَم شِمَه دیلی کا مَسیح خِداوندی مقدّس بِزونَه و اَیی اِحترام بِنییَه و هَمیشه حاضر بِبییَه تا هَر کی اَ اُمیدی دلیلی دَفَرسِه که شِمَه دیلَه کایَه، چَیی جَواوی بِدییَه، البته نرمی و اِحترامی نَه.

یوحنا اوّلین نامَه 5:16

اَگم ایی نفر بِوینه چَیی برا گناهی بَکَردی که مرگی را ختم نییَب، دعا بِکَرَه و خِدا بَیی زندگی بَبَخشِستی. اِمی کسی درباره بَواتیم که چَیی گناه مَرگی را ختم نییَب. گناهی اِستَه که مَرگی را ختم بَبی. از اِنتَه رَه گناهی درباره نِواجِم که بَسی دعا بِکَرَه.