نامه غلاطیَه کلیسارا 5:6 - کتاب مقدس به زبان تالشی شمالی

⁶ چوم مسیحْ عیسی کا نِه خَتنه بییِه مُهمَه نِه خَتنه‌ نِبییِه، بَلکَم مُهم اَ ایمانی یَه که محبتی واسطه نَه کار بَکَردی.

کتاب مقدس به زبان تالشي - گویش مرکزی

⁶ اِمی خونه کن مَسیح عیسی دِلَکا، نِه سِنَت بِه موهیمَه نِه سِنَت نِبِه، بَسکَم موهیم اَ ایمانیَه کن محبَتی واسیطنَه کار بَکَی.

نامه غلاطیَه کلیسارا 5:6 Iomraidhean Croise

انجیل لوقا 7:5

چوم چَمَه میلّتی نَه خِشَه و اِم مِرد هَ کسی یَه که اَمَه را عبادتگاه وَج آکَردَشَه.»

اوّلین نامَه قورَنتیانیرا 13:13

بَس حِسَه، اِم سِه گِله چی باقی بَمَندی: ایمان، اُمید و محبت. امّا چِمون دیلَه کا محبت یالتَرینَه.

اوّلین نامَه قورَنتیانیرا 7:19

چوم که خَتنه بییِه یا نِبییِه مهم نییَه، بَلکَم خِدا حُکمون اَنجام دییِه مُهِمَه.

دوومین نامه قرنتیانیرا 5:14

چوم که مسیح محبت اَمَه کنترل بَکَردی، چوم فَهمِستمونه که ایی نفر گِردی واسی مَردَه، بَس گِرد مَردی نَه.

نامه غلاطیَه کلیسارا 3:26

چوم که مسیحْ عیسی کا، شِمَه گِرد، ایمانی واسطه نَه، خِدا زوعَه اِن اِستیرونه.

نامه غلاطیَه کلیسارا 3:28

دِ نِه یَهودی مَعنی هِستِشه نِه یونانی، نِه نوکَر نِه آزاد، نِه مِرد نِه ژِن، چوم شِمَه گِرد مسیحْ عیسی کا ایلَه ایرونه.

نامه غلاطیَه کلیسارا 6:15

چوم نِه خَتنَه چیی اِستَه و نِه خَتنَه‌ نِبییِه؛ اَ چی که مُهمَه تازه خِلقَتَه.

نامَه اَفسوسی کلیسارا 6:23

خِدای دَده طرفی کا و عیسایِ مسیحِ خِداوندی طرفی کا، بِرااون را صُلح و سلامتی و محبت، ایمانی نَه بِبو.

نامَه کُولُسی کلیسا را 1:4

چوم که اَمَه شِمَه ایمانی درباره مسیحْ عیسی کا و محبتی که گِردِ مقدّسون را هِستِرونه، دَرَسَمونه.

نامَه کُولُسی کلیسا را 3:11

اِم تازَه آدَمی کا، یونانی و یَهودی، خَتنه‌ بییَه و خَتنه‌ نِبییَه، بَربَر و سَکایی، نوکر یا آزاد دِ معنی نیشه، بَلکَم مَسیح گِردِ چیی یَه و گِردی دیلَه کایَه.

اوّلین نامَه تَسالونیکی کلیسا را 1:3

شِمَه کار که ایمانی کایَه و زحمتی که محبتی کا کَشَه و شِمَه پایداری اُمید که چَمَه خِداوند عیسایِ مسیح کایَه، خِدا و چَمَه آسمونی یَه دَده پیشی کا، ویر بَواَردیمون.

نامَه، عِبرانیه نَتاجَه مسیحیونرا 11:8

ایمانی نَه بَه که وختی اِبراهیم دعوت بَه، اِطاعَت کَردِشه و رایی بَه، شَه اَ جگایی که بَسی بِه ارث بِبَری، و بیدون اِمکه بِزونِه کییا کارا بَشی رایی بَه.

پطروسی اوّلین نامَه 1:8

با اِمکه شِمَه عیسی مسیح ویندَه نیرونَه، اَیی نَه خِشیرونه؛ و هَر چَن حِسَه اَیی نِوینَه، اَیی ایمان هِستِرونه و خوشحالی بَکَردیرون اَ شادی نَه که نییَب واتِه و جلالی کا پورَه،