نامه غلاطیَه کلیسارا 4:9 - کتاب مقدس به زبان تالشی شمالی

⁹ امّا حِسَه که خِدا آزونَه، یا چاکتَر بوآجِم، خِدا شِمَه آزونِه، چِنتَه یَه که هَنی آگَردَه اِم دنیا سُست و بی‌ اِرزشَ قانونون طرفی را؟ یعنی پیستِرونه اَز نو چَوون نوکری بِکَرَه؟

کتاب مقدس به زبان تالشي - گویش مرکزی

⁹ اَمّا ایسَه کن خدا آزنَه یا بِیتَر بِواجِم، خدا بَشِمَه آرَزنِست، چِنتَه یَه کن اِم دِنیا، سِست و بی اَرزِشَه قانونون طَرَف هَنی آگَردَ؟ یعنی بَپیرون هَنی چَوون وَزییَر آبَه؟

نامه غلاطیَه کلیسارا 4:9 Iomraidhean Croise

مَتّی 11:27

چِمِن آسِمونی یَه دَده گِردِ چیون بَه مِن دَسپاردَشَه. هیچکس دَده غِیراز زوعَه آنِزونِه، و هیچکس زوعَه غیراز دَده آنِزونِه، و اَ کسونی که زوعَه پیستِشَه دَده اَوون را آشکار آکَرِه.

انجیل لوقا 5:38

بَلکَم تازه شَراوی بَسی تازه مَشکون کا دَکَرَم.

یوحنا 10:14

اَز چاکَه شوونَه ایمَه. اَز چِمِن گوسَندون آزونِم و چِمِن گوسَندِن مِن آزونِن،

یوحنا 10:27

چِمِن گوسَندِن چمِن سَسی دَرَسِن؛ اَز اَوون آزونِم و اَوِن چِمِن دومله بومَین.

یوحنا 17:3

و اَبَدی یَه زندگی اِمَه که، اَوِن فقط تِه که خِدای یگانه حقیقییش، و عیسایِ مسیحی که تِه اَیی ویسا آکَردَرَه، آزونِن.

رومی کلیسارا نامه 8:29

چوم کسونی که خِدا پیشتَری آزونِستَشه، پیشتر، اَوون مُعیین کَردِشه تا چَیی زوعَه شیوار بِبون، تا اَتَه مسیح، اِشتَن وِرَه بِرااون دیلَه کا، اَوّلین خِردَن بِبو.

رومی کلیسارا نامه 8:3

چوم که شریعت اَ چیی، اِمی واسی که آدَمی جِسم ضعیفَه، نِشاستِشه اَنجام بِدَه، خِدا اَنجام دوشَه. اَ اِشتَن زوعَه، ایلَه گناه کارَه جِسمی شیوار ویسا آکَردِشه تا ’گناه را قِربونی‘ بِبو، و اِنتَه جِسمی دیلَه کا، گناه محکوم کَردِشه.

اوّلین نامَه قورَنتیانیرا 13:12

چوم اَ چیی که حِسَه بَویندیمون، ایلَه تارَه عکسی شیوارَه آواینَه دیلَه کا؛ امّا موقعی آرَستِه که دیمادیس بَویندیمون. حِسَه چِمِن دانایی ناچیزَه؛ امّا موقعی آرَستِه که کامل بَزنیم، هَتَه که خِدا چِمِن درباره همه چی کامل بَزنی.

اوّلین نامَه قورَنتیانیرا 15:34

اِم بیخودی یَه گفون کا که چَوون مَست آبَه ایرونه بِه اِشتَن بایَه و دِ گناه مَکَرَه؛ چوم بعضی اِن اِستینه که خِدا آنِزونِن. اِمی بَواتیم تا شرمَنده بِبییَه.

اوّلین نامَه قورَنتیانیرا 8:3

امّا اَ کسی که خِدا نَه خِشَه، خِدا اَیی آزونِه.

دوومین نامه قرنتیانیرا 11:20

چوم که اَگم ایی نفر شِمَه اِشتَن نوکر وَج آکَرِه، یا شِمَه ویبَرِه، یا شِمَه کا سوءاِستفاده بَکَرِه، یا اِشتَن شِمَه کا سَرتَر بِزونه، یا شِمَه دیمی کا سیله بِژَنه، تاو بواَردیرون.

دوومین نامه قرنتیانیرا 4:6

چوم هَ خِدایی که واتِشَه: «نور تاریکی دیلَه کا دَتاوِه،» اِشتَن نوری چَمَه دیلون کا دَتاوِستِشه تا خِدا جلالی آزونِستِه نَه مسیح دیمی کا، اَمَه نورانی آکَرِه.

نامه غلاطیَه کلیسارا 3:3

یعنی هِندی نادونیرونه؟ شِمَه که روح نَه شروع کَردِرونه و حِسَه پیستِرونه جِسمی نَه کامل آبییَه؟

نامه غلاطیَه کلیسارا 4:3

چَمَه درباره نی اِنتَه یَه: تا وختی که خِردَن بیمونه، اِم دنیا قانونون نوکر بیمونه.

نامَه اَفسوسی کلیسارا 1:17

تا چَمَه خِداوند عیسایِ مسیح خِدا، اَ پُر جلال دَده، حکمت و مکاشفه روح آدَه شِمَه، تا اَیی آزونَه،

دِوُّمین نامَه تیموتائوسیرا 2:19

با اِم حال، اَ مُحکمَه پاکاری که خِدا نوعَشه، پابَرجایَه و اِمی نَه مُهر بییَه که: «خِداوند اِشتَن آدَمون آزونِه،» و «هَر‌ کسی خِداوندی نومی اِقرار بِکَرِه، بَسی نادُرستی کا دوری بِکَرِه.»

نامَه، عِبرانیه نَتاجَه مسیحیونرا 7:18

چوم ایی طرفی کا اَ اوّلین حکم اِمی واسی که ضعیف و بی فایده بَه کنار نوعَه بَه،

پطروسی دومین نامه 2:20

چوم اَگم اَوِن که خِداوند و چَمَه نجات‌دهندۀ عیسایِ مَسیح آزونِستِه پَش، دنیا فِسادی کا جیوَشته اینَه، اَگم هَنی اَ چییون گیرفتار بِبون و شکست بَرِن، چَوون آخِرعاقب اوّلی کا بَدتر بَبی.

یوحنا اوّلین نامَه 5:20

هِنته نی بَزنیمون که خدا زوعَه اومَه و بَمون فهم آدوعَشه تا اَیی که حقیقتَه آزونَم، و اَمَه اَیی کا ایمونه که حقیقتَه، یعنی چَیی زوعَه، عیسی مسیح کا. اَ، خِدای حقیقی و اَبَدی یَه زندگی اِستَه.