نامه غلاطیَه کلیسارا 4:4 - کتاب مقدس به زبان تالشی شمالی

⁴ امّا هِنتَه که اَ مُعیَن بییَه وخت تمام کمال آرَستَه، خِدا اِشتَن زوعَه ویسا آکَردِشه که ایلَه ژِنی کا دنیا اومَه و شریعتی جیری کا دنیا اومَه،

کتاب مقدس به زبان تالشي - گویش مرکزی

⁴ اَمّا اَ تَیین بَه وقت، کامیل آرستَه، خدا اِشتَن زوعَه رَونَه آکردِشَه کن ایلَه ژِنیکا دِنیا آمه و شَریعَتی بنیکا دِنیا آمَه،

نامه غلاطیَه کلیسارا 4:4 Iomraidhean Croise

مَتّی 1:23

«دَیِس، ایلَه باکِره کِلَه ایی حامیله بَبی، زوعَه ایی دنیا بواَردی، و چَیی نومی عِمانوئیل پِنَن،» ‌ عِمانوئیل، یعنی ’خِدا اَمَه نَه‘ اِستَه.

مَتّی 3:15

امّا عیسی جَواو دوشَه: «بِدا حِسَه اِنتَه بِبو، چوم اَمَه را مناسِب اِمَه، اَ چیی که درست اِستَه اَنجام بِدییَم.» بَس یحیی راضی آبَه.

مَتّی 5:17

«فیکر مَکَرَه اَز اومَیمَه که تورات و پیغمبرون نیویشتَه اون باطل آکَرِم؛ اومَه نیمَه که اَوون باطل آکَرِم، بَلکَم اومَیمَه تا اَوون تمام کمال اَنجام بِدَم.

مَرقُس 1:15

و بَواتی: «چَیی وخت آرَستَه و خِدا پاُتشایی نِزدیک آبَه. توبَه بِکَرَه و اِم خوشَ خَوَری ایمان بواَرَه.»

انجیل لوقا 1:31

دَیِس، تِه حامیله بَبیش، ایلَه زوعَه ایی دنیا بواَردیش و چَیی نومی عیسی پِنَی.

انجیل لوقا 1:35

مَلائیکه جَواو دوشَه: «روح القدس بَه تِن نازِل بَبی و خِدای متعالی قدرت بَه تِن سا دَرَفنِه. اِمی واسِی اَ خِردَنی نَه، مقدّس و خِدا زوعَه بَواتین.

انجیل لوقا 2:7

و مریم اِشتَن اوّلین خِردَنی که زوعَه بَه دنیا وَردِشه. اَیی قِنداقی کا دَپیچیستِشه و آخوری کا خِساووندِشه، چوم مِهمونخونَه کا اَوون را جِگا نِبه.

انجیل لوقا 20:44

اَگم، داوود اَیی نَه ’خِداوند‘ بَواتی، بَس چِنتَه بَبی که مسیح داوودی زوعَه بِبو؟»

یوحنا 1:14

و کَلمه، اِنسان آبَه و چَمَه دیلَه کا ساکن آبَه. اَمَه چَیی شکوه و جلالی ویندِمونَه، شکوه و جلالی که اَ زوعَه یِ یِگانه شَئنی کایَه، که دَده طرفی نَه اومَه، فیض و حقیقتی نَه پُور.

یوحنا 10:36

چِنتَه بَشایرون کسی نَه که دَده اَیی وقف کَردَشه و ویسا آکَردَشَه بِه دنیا، بوآجَه ”کُفر بَواتیش،“ فقط اِمی واسی که واتِمَه خِدا زوعَه ایمَه؟

یوحنا 3:16

«چوم خِدا دنیا مردمی نَه هَدَه خِش بَه که اِشتَن ایلَه زوعَه فیدا کَردِشه تا هَر کسی که اَیی ایمان بواَره هلاک مَبو، بَلکَم اَبَدی یَه زندگی بِداره.

یوحنا 6:38

چوم اَز آسِمونی نَه اومَیمه جیر، نِه اِمی واسی که چِمِن پیستَه اَنجام بِدم، بَلکَم اومَیمه تا چِمِن ویسا آکَردَه پیستَه اَنجام بِدم.

یوحنا 8:42

عیسی اَوون نَه واتِشه: «اَگم خِدا شِمَه دَده بِبی، مِنَه خِش بَبیرون، چوم اَز خِدا طرفی کا اومَیمَه و حِسَه اییا کا ایمَه. اَز چِمِن طرفی نَه اومَه نیمَه، بَلکَم اَ مِن ویسا آکَردَشَه.

رَسولون اَعمال 1:7

عیسی جَواو دوشه: «لازم نییَه زمانون و فصلونی بِزونَه که آسِمونی یَه دَده اِشتَن قدرتی نَه مُعین کَردَشه؛

رومی کلیسارا نامه 1:3

چَیی زوعَه دربارَه، که از لحاظ جِسم داوود پاُتشا نسلی کا دنیا اومَه،

رومی کلیسارا نامه 15:8

چوم شِمَه نَه بَواتیم که مسیح، خَتنه بییَه اون خدمتکار بَه، تا خِدا راستی نیشون بِدَه، تا اَ وعده‌ اونی که خِدا چَمَه اَجدادی دوشَه، تصدیق بِکَرِه،

رومی کلیسارا نامه 5:6

چوم اَ موقع که اَمَه حَلا دَرموندَه بیمونه، مَسیح بِه موقع، بی‌ خِدا اون واسی جان دوشَه.

رومی کلیسارا نامه 8:3

چوم که شریعت اَ چیی، اِمی واسی که آدَمی جِسم ضعیفَه، نِشاستِشه اَنجام بِدَه، خِدا اَنجام دوشَه. اَ اِشتَن زوعَه، ایلَه گناه کارَه جِسمی شیوار ویسا آکَردِشه تا ’گناه را قِربونی‘ بِبو، و اِنتَه جِسمی دیلَه کا، گناه محکوم کَردِشه.

رومی کلیسارا نامه 9:5

و جَدِن نی چَوون شِنی اینه، و مسیح نی از لحاظ جِسم چَوون نَسلی کایَه، خِدایی که گِردی کا کفاتَرَه، اَیی تا اَبَد شُکر بِبو. آمین.

نامَه اَفسوسی کلیسارا 1:10

خِدا نَخشه اِم بَه، هَتَه که اَ وخت آرَستِه گِردِ چییون، چِه آسِمونی کا و چِه زمینی سَری کا، یَندی نَه مسیح کا جمع آکَرِه.

نامَه کُولُسی کلیسا را 2:14

و اَ قَرضون سَنَدی که قانونون واسطه نَه چَمَه ضِد نیویشتَه بییَه بَه باطل آکَردِشه، صلیبی سَری کا مِخه کو کَردِشه و از بِین بَردِشَه.

اوّلین نامَه تیموتائوسیرا 2:6

اَ که اِشتَن جانی آدوعِه نَه، گِردِ آدَمون خون بَها آدوشَه. اِم حقیقتی را مِناسِبَ وختی کا شهادتی دوعَه بَه.

اوّلین نامَه تیموتائوسیرا 3:16

راس راسی که دینداری بَرک یالَه سِرّی یَه: اَ جِسمی دیلَه کا ظاهر آبَه، خِدا روح واسطه نَه تصدیق بَه، ملائیکه اِن اَیی ویندِشونَه، قومون دیلَه کا اِعلام بَه، دنیا دیلَه کا بَیی ایمان وَردِشونه، جلالی نَه، بَردَه بَه کَفا.

نامَه، عِبرانیه نَتاجَه مسیحیونرا 2:14

بَس اوآنَه که خِردَنِن جسم و خونی کا شریکی نَه، اَ اِشتَن نی اِم چیون دیلَه کا شریک بَه، تا مرگی راه دیلَه کا، اَیی که مرگی قوّتی هِستِشه یعنی اِبلیسی، نابود بِکَرِه.

نامَه، عِبرانیه نَتاجَه مسیحیونرا 9:10

بَلکَم اَوِن فقط هَردِه و هِنتِه و جور بَه جورَه غُسلون و قانونونی اِستینَه که بَدنی مربوط بَبی، و فقط تا اَ موقعی اِعتبار دارِن که خِدا تازَه تَرتیبی آدَه.

یوحنا اوّلین نامَه 4:14

و اَمَه ویندَمونه و شهادتی بَدایمون که دَده، اِشتَن زوعَه ویسا آکَردَشَه تا دنیا نجات دَهنده بِبو.

یوحنا اوّلین نامَه 4:2

خِدا روح، اِنتَه آزونَم: هَر روحی که اِقرار بِکَرِه عیسی مسیح آدَمی جِسمی دیلَه کا اومَه، خِدا کا یَه.