نامه غلاطیَه کلیسارا 4:3 - کتاب مقدس به زبان تالشی شمالی

³ چَمَه درباره نی اِنتَه یَه: تا وختی که خِردَن بیمونه، اِم دنیا قانونون نوکر بیمونه.

کتاب مقدس به زبان تالشي - گویش مرکزی

³ چَمَه خونِه نی هِنتَرَکِه یَه: تا زمانی کن اَمه گِچ بیمون، اِم دِنیا قانونون وَزییَر بیمون.

نامه غلاطیَه کلیسارا 4:3 Iomraidhean Croise

مَتّی 11:28

«بایَه چِمِن وَر، اِی کسونی کِه وِر زَحمت بَکَشتیرون و شِمَه بار وِر سنگینَه، اَز شِمَه راحتی بَدایم.

یوحنا 8:31

دومله عیسی یهودیونی نَه که اَیی ایمان وَردَشون بَه، واتِشه: «اَگَم چِمِن کلامی کا بومونَه، واقعا چِمِن شاگردی رونَه.

رَسولون اَعمال 15:10

بَس حِسَه چیرا خِدا آزمایش بَکَردیرون و شاگِردون گَردنی کا یوغی پِنَیه که نِه اَمَه بَشایمون اَیی پِگِرَم، نِه چَمه اَجداد؟

رومی کلیسارا نامه 7:14

چوم اَمَه بَزنیمون که شریعت روحانی یَه، امّا اَز جِسمانی یَه اِنسانیمَه و ایلَه بَردَه ای شیوار خِرَته بَییمَه بِه گِناه.

رومی کلیسارا نامه 8:15

چیرا که شِمَه بَردَگی روح بِه دَس وَردَه نیرونه تا هَنی بِتَرسه، بَلکَم شِمَه زوعَه اون مقامی کا فرزند خوندَگی روح بِه دَس وَردَرونه، که چَیی واسطه نَه خِلِع بَکَردیمون: «دَده، چِمِن دَده.»

دوومین نامه قرنتیانیرا 11:20

چوم که اَگم ایی نفر شِمَه اِشتَن نوکر وَج آکَرِه، یا شِمَه ویبَرِه، یا شِمَه کا سوءاِستفاده بَکَرِه، یا اِشتَن شِمَه کا سَرتَر بِزونه، یا شِمَه دیمی کا سیله بِژَنه، تاو بواَردیرون.

نامه غلاطیَه کلیسارا 2:4

اِم نگرانی اَ دوروعَه بِرااونی واسی بَه که نِینَکی چَمَه دیلَه کا رَخنَه کَردِشونه تا اَ آزادی که مسیحْ عیسی کا هِستِمونه جاسوسی بِکَرِن و اَمَه بِبَرِن بَردِگی را.

نامه غلاطیَه کلیسارا 3:19

بَس منظور شریعتی کا چِه بَه؟ شریعت تقصیرون واسی اِضافه آبَه، اَ نی فقط تا وختی که اَ ’نَسلی‘ که اَ وعده اَیی اِشاره بَکَردی با. شریعت ملائیکه اون واسطه نَه و ایلَه واسطه گری دَسی نَه برقرار بَه.

نامه غلاطیَه کلیسارا 4:2

و تا اَ وختی که چَیی دَده مُعیَن کَردَشه اِشتَن سرپرستون و وکیل وَصیون دَسَه جیرَه.

نامه غلاطیَه کلیسارا 4:24

اِمی بَبی ایلَه مَثَّلی شیوار بوآجَم: اِم دِ گِله ژِن، دِ گله عهدی نه. ایلَه سینا کوه کا، که خِردَنونی نوکری را دنیا بواَردی: اَ ژِن هاجَرَه.

نامه غلاطیَه کلیسارا 4:25

حِسَه هاجَر سینا کوه یَه، عربی دیاری کا، و اورشلیمی شهری نَه که حِسَه اِستَه برابری بَکَردی، چوم اِشتَن خِردَنون نَه نوکری دیلَه کایَه.

نامه غلاطیَه کلیسارا 4:31

بَس اِی بِرااِن، اَمَه خاتَکی خِردَنِن نیمونَه، بَلکَم اَ آزاده ژِنکی کا ایمونَه.

نامه غلاطیَه کلیسارا 4:8

چِمی بَه پیش، اَ وختی که خِدا آنِزونیرون، چیونی نوکر بیرونَه، که حقیقتَن خِدا اون نینَه.

نامه غلاطیَه کلیسارا 4:9

امّا حِسَه که خِدا آزونَه، یا چاکتَر بوآجِم، خِدا شِمَه آزونِه، چِنتَه یَه که هَنی آگَردَه اِم دنیا سُست و بی‌ اِرزشَ قانونون طرفی را؟ یعنی پیستِرونه اَز نو چَوون نوکری بِکَرَه؟

نامَه کُولُسی کلیسا را 2:20

اَگم شِمَه مَسیح نَه نسبت بِه دنیا اُصول مَردَه‌ ایرونَه، چیرا کَسونی شیوار که حَلا اِم دنیا شِنی نَه، چَیی قانونون اَنجام بَداریرون، اَ قانونونی که بَواتی:

نامَه کُولُسی کلیسا را 2:8

شِمَه هَواس جمع بِبو تا، هیچکس شِمَه فَلسفَه و پوچَ حُقّه نَه گیریفتار مَکَرِه، که نِه مَسیح سَری کا، بَلکَم آدَمون دَب و اِم دنیا اُصولی سَری کا پابَرجایَه.

نامَه، عِبرانیه نَتاجَه مسیحیونرا 5:12

چوم هَر چَن که شِمَه تا حِسَه بَسی معلم بِبیرون، اِحتیاج دارَه که ایی نفر خِدا کلامی اوّلین اُصولی هَنی شِمَه باموجِه. شِمَه حَلا شِت پیستِرونَه، نِه سَنگینَ غذا!

نامَه، عِبرانیه نَتاجَه مسیحیونرا 7:16

اَ نِه شریعتی اِم حُکمی کا که چَیی نَسلی مربوطَه، بَلکَم اَ زِندگی قوّتی کا که از بِین نِشو، کاهِن بَبی.