نامه غلاطیَه کلیسارا 3:16 - کتاب مقدس به زبان تالشی شمالی

¹⁶ حِسَه، وعده‌ اِن بِه ابراهیم و چَیی نَسلی آدوعَه بییَه. نِواجِه «و بِه نَسلون،» اِنگاری که وِر کَسون درباره بِبو، بَلکَم بَواتی «اِشتِه نَسلی،» که منظور مسیحَ.

کتاب مقدس به زبان تالشي - گویش مرکزی

¹⁶ ایسَه، ابراهیم و چَی اودومی وَعدَ اون آداشون. نیَه وات «اودومونرا» اینگار کن خَیلیون خونه اَ، بَسکَم باتی «اِشتِه اودوم» کن چَی منظور مسیحَه.

نامه غلاطیَه کلیسارا 3:16 Iomraidhean Croise

مَتّی 1:1

عیسایِ مسیح شجره نومچَه که داوود پاُتشا و اِبراهیم پیغمبری نَسلی کا بَه، اِمَه.

انجیل لوقا 1:55

هَتَه که چَمَه اَجداد، یعنی اِبراهیم پیغمبر و چَیی نسلی، وعده دوعَش بَه که تا اَبَد اِنتَه بِکَرِه.»

رَسولون اَعمال 3:25

و شِمَه، پیغمبرون خِردَنونی رونَه. اَ عهدی وارثی رونَه که خِدا شِمَه اَجدادی نَه دَوَستِشه. اَ زمانی که اِبراهیمی نَه واتِشه: ”اِشتِه نَسلی واسطه نَه گِردِ مردمی که زمینی سَری کا اینَه بَرَکت بَگتین.“

رومی کلیسارا نامه 12:5

بَس اَمَه نی که وِریمونَه، مسیح کا ایلَه بَدنیمونَه و گِلَه گِلَه، یَندی اَعضا ایمونَه.

رومی کلیسارا نامه 4:13

چوم شریعتی راه نَه نِبَه که اِبراهیم و چَیی نَسلی وَعده دوعَه بَه که دنیا وارث بَبین، بَلکَم اَ صالِحی راه کایَه که ایمانی سَر پابَرجایَه.

رومی کلیسارا نامه 4:16

اِمی واسی، وعده، ایمانی واسطه نَه بومَی تا فیضی سَر استوار بِبو و اِبراهیمی نَسلی گِردی را ایلَه ضِمانت بِبو، یعنی نِه فقط کسونی را که شریعتی کا اِطاعت بَکَردین، بَلکَم کَسونی را نی اِستَه که اِبراهیمی ایمانی کا اِطاعت بَکَردین، که چَمَه گِردی دَده یَه.

رومی کلیسارا نامه 9:4

اَوِن اِسرائیلی‌ اینه، فرزند خوندَگی، جَلال، عَهدِن، شریعت اَوون آدوعَه بییَه، پرستش و وَعده‌ اِن، اِمِن گِرد چَوون شِنی نه،

اوّلین نامَه قورَنتیانیرا 12:12

چوم هَتَه که بَدَن ایلَه یَه و وِر عضو هِستِشَه؛ و گِردِ بَدنی اَعضا با اِم که وِری نَه، ایلَه بَدنی نَه. مسیح نی هِنتَه یَه.

اوّلین نامَه قورَنتیانیرا 12:27

اِنتَه، شِمَه مسیح بَدَنیرونه و گِلَه بِه گِلَه چَیی اَعضا ایرونه.

دوومین نامه قرنتیانیرا 11:22

اَوِن عِبرانی‌ اینه؟ از نی اِستیمَه! اَوِن اِسرائیلی‌ اینه؟ از نی اِستیمَه! اَوِن اِبراهیمی خِردَنی نه؟ از نی اِستیمَه!

نامه غلاطیَه کلیسارا 3:19

بَس منظور شریعتی کا چِه بَه؟ شریعت تقصیرون واسی اِضافه آبَه، اَ نی فقط تا وختی که اَ ’نَسلی‘ که اَ وعده اَیی اِشاره بَکَردی با. شریعت ملائیکه اون واسطه نَه و ایلَه واسطه گری دَسی نَه برقرار بَه.

نامه غلاطیَه کلیسارا 3:8

و مقدّس نیویشته پیشتری ویندِشَه که خِدا غیریهودیون ایمانی نَه صالح حساب بواَردی، اِمی واسی، نارنارِه خوشَ خَوَری اِبراهیمی را اِعلام کَردِشه و واتِشه: «گِردِ قومِن اِشتِه واسطه نَه بَرَکت بَگتین.»

نامَه اَفسوسی کلیسارا 5:32

اِم ایلَه بَرک یالَ سِرّی یَه- و اِمی که از بَواتیم مسیح و کلیسا درباره یَه.

نامَه کُولُسی کلیسا را 2:19

اِنتَه رَه آدَم دِ سَری وَصل نییَه، اَ سَری که تمون بَدَن اَیی نَه جان بَگَتی و مفصَلون و بَندون واسطه نَه یَندی نَه غَم هَردَه بَبی و هَتَه که خِدا پیستِشَه رُشد بَکَردی.

نامَه کُولُسی کلیسا را 3:11

اِم تازَه آدَمی کا، یونانی و یَهودی، خَتنه‌ بییَه و خَتنه‌ نِبییَه، بَربَر و سَکایی، نوکر یا آزاد دِ معنی نیشه، بَلکَم مَسیح گِردِ چیی یَه و گِردی دیلَه کایَه.