نامه غلاطیَه کلیسارا 3:11 - کتاب مقدس به زبان تالشی شمالی

¹¹ حِسَه مَعلومَه که هیچکس شریعتی واسطه نَه خِدا وَری کا صالح حساب نییَب، چوم «صالحَ آدَم ایمانی نَه زِندگی بَکَردی.»

کتاب مقدس به زبان تالشي - گویش مرکزی

¹¹ ایسَه معلومه کن هیچ کَس شَریعَتی واسیطنه خدا وَر صالح بَحیساب نا، چون «صالح ایمانینَه زندَگی بَکَیه.»

نامه غلاطیَه کلیسارا 3:11 Iomraidhean Croise

رومی کلیسارا نامه 1:17

چوم اِنجیلی کا، اَ صالح بییِه ای که خِدا کایَه آشکار آبو، که اوّلی نَه تا آخِر، ایمانی سَر پابَرجایَه. هَتَه که حَبَقوق پیغمبری کیتابی کا نیویشتَه بییَه که: «صالحَ آدَم ایمانی نَه زِندگی بَکَردی.»

نامه غلاطیَه کلیسارا 2:16

اَمَه بَزنیمون که هیچکس شریعتی اَعمالی نَه صالِح نییَب، بَلکَم ایمان بِه عیسایِ مسیح واسطه نَه صالح بَبی. بَس اَمَه اِشتَن نی بِه مسیحْ عیسی ایمان وَردِمونه تا ایمان بِه مسیح نَه صالح بِبییَم و نِه شریعتی اَعمالی نَه، چوم که هیچ آدَمی شریعتی اَعمالی نَه صالح نییَب.

نامَه، عِبرانیه نَتاجَه مسیحیونرا 10:38

امّا چِمِن صالِحَ آدَم، ایمانی نَه زِندگی بَکَردی. و اَگم بَه مِن کا دیم آگاردِنِه، چِمِن جان اَیی کا راضی نییَب.»

یعقوبی نامَه 1:27

پاک و خالصَه دینداری خِدای دَده نَظری کا اِمَه که، یَتیمون و ویوَه ژِنَکون مصیبتی کا چَوون دَسی بِگِرَم و اِم فاسِدَه دنیا کا اِشتَن دور غَم بَرَم.

یعقوبی نامَه 3:2

چوم که اَمَه گِرد وِر راهون کا خَطا بَکَردیمون. اَگم کسی اِشتَن گَف ژَندِه کا خَطا مَکَرِه، کامِلَ اِنسانی اِستَه و بَشای گِردِ اِشتَن بَدَنی پیشی بِگِرِه.

یوحنا موکاشیفَه 5:9

و اَوِن تازَه سرودی خَندِشونَه که بَواتی: «تِه لایقیش که اَ طوماری ویگِری و چَیی مُهرون بِچاکِنی، چوم که تِه قربونی بیشَه، و اِشتِه خونی نَه مردمی، هَر طایفه و زَوون و مردم و میلّتی کا، خِدا را خِریرَه؛