نامه غلاطیَه کلیسارا 2:9 - کتاب مقدس به زبان تالشی شمالی

⁹ بَس یعقوب و پطرس و یوحنا که به نظر بومَی کلیسا سُتون بینَه، اَ فیضی که چِمِن نَصیب بییَه بَه، ویندِشونَه، و مِن و بَرنابا نَه دَس رفاقت آدوشونه تا اَمَه بِشَم غیریهودیون وَر و اَوِن بِشون یَهودیون وَر.

کتاب مقدس به زبان تالشي - گویش مرکزی

⁹ پس یعقوب و کِیفا و یوحنا کلیسا سِتون بَه نَظَر آین، و اَ فیضی کن چمن نَصیب آبَه بَه ویندِشون، و بَمن و بَرنابا نَه دَست رَفاقَت آداشون تا اَمه غَیرِ یهودیون وَر بِشَم و اَیِن یَهودیون وَر.

نامه غلاطیَه کلیسارا 2:9 Iomraidhean Croise

مَتّی 16:18

اَز نی تِنَه بَواتیم که تِه پطرس اِستیش، یَعنی صَخره سِنگ و اَز اِم صخره سِنگی سَری کا چِمِن كلیسا بینا بَکَردیم و مرگی قدرت هرگز نیمَشا کلیسا نابود بِکَرِه.

انجیل لوقا 22:8

بَس عیسی، پطرس و یوحنا ویسا آکَردِشه، و واتِشه: «بِشَه و پِسَخ عیدی سوری اَمَه را آمادَه آکَرَه تا بَرَم.»

یوحنا 1:42

و شمعونی بَردِشه عیسی وَر. عیسی شمعونی دَیشتَه و واتِشه: «تِه شمعونْ یونا زوعَه ایش، امّا ”کیفا“ دَخونده بَبیش (که چَیی معنی صَخره ی سِنگَه).»

رَسولون اَعمال 12:17

پطرس اِشتَن دَسی اِشارۀ نَه، اَوون ساکت آکَردِشه و تعریف کَردِشه که چِنتَه خِداوند اَیی زندانی کا نِجات دوعَشَه، و واتِشه: «یعقوب و دییَر بِرااون نی اِم ماجرا کا خَوَر دار بِکَرَه.» دومله اوآ نَه شَه دییَر جِگایی را.

رَسولون اَعمال 15:13

وختی که چَوون گَفِن تَمون آبینَه، یعقوب واتِشه: «اِی بِرااِن، چِمِن گفون گوش بِدییَه.

رَسولون اَعمال 15:7

وِر بحث کَردِه پَش، آخِرسَر پطرس پِرِشته و اَوون نَه واتِشه: «اِی بِرا اِن، شِمَه بَزنیرون که اوّلین روزون کا، خِدا شمَه دیلَه کا مِن اِنتخاب کَردِشه تا غیریهودییِن چِمِن زوونی کا اِنجیلی پَیغومی دَرَسِن و ایمان بواَرِن.

رَسولون اَعمال 4:36

یوسف نی که لاوی قبیله کا و قِپرِسی بَه، رسولِن اَیی بَرنابا لقب دوعَشون بَه، که چَیی معنی ’تشویقی زوعَه‘ یَه.

رومی کلیسارا نامه 1:5

خِدا مسیح واسطه نَه اَمَه فیض دوشَه تا چَیی رسولون بِبییَم و گِردِ قومون راهنمایی بِکَرَم که مسیح نومی ایمان بواَرِن و اَیی کا اِطاعت بِکَرِن.

رومی کلیسارا نامه 12:3

چوم فیضی واسطه نَه که بَه مِن آدوعَه بییَه، شِمَه هَر کمیله نَه بَواتیم که اِشتَن اَ چیی کا که اِستیرونه، وِرتَر مَزونه، بَلکَم هَر کمیله اَ ایمانی اَندازه که خِدا، شِمَه بَخشِستَشه، دُرست قِضاوت بِکَرَه.

رومی کلیسارا نامه 15:15

ولی چَن گِله جریانی درباره وِرَه جسارت کَردِمَه، شِمَه را نیویشتِمَه تا اَوون شِمَه را ویر بواَرِم، چوم خِدا اِم فیضی بَه مِن آدوعَشَه،

اوّلین نامَه قورَنتیانیرا 15:10

اِمی که الان بَویندیرون اِستیمَه خِدا فیضی واسی یَه که اِستیمَه و اَ فیض بَه مِرا بی فایدَه نِبَه. بَرعکس، از چَوون گِردی کا چَتینتَر کار کَردِمَه، امّا نِه اِشتَن، بَلکم خِدا فیضی واسی که مِنه یَه.

دوومین نامه قرنتیانیرا 11:5

راس راسی گَمون نِکَرِم از اَ ’یالَ رسولون‘ کا چیی کَم بِدارِم.

دوومین نامه قرنتیانیرا 12:11

از ایلَه نادون بیمَه! شِمَه مِن مَجبور کَردِرونه، چوم که بَسی بَه مِن کا تعریف بِکَریرون. چوم هَر چَن که هیچی نیمَه، امّا اَ ’یالَ رسولون‘ کا هچیی کم نیمَه.

دوومین نامه قرنتیانیرا 8:4

بیدون دِدیمی وِر اَمَه مِنت کَردِشونه و پیستِشونَه اِم خِدمتی کا که مُقدسون را یَه شریک بِبون.

نامه غلاطیَه کلیسارا 1:16

اِشتَن زوعَه بَه مِن کا آشکار آکَرِه تا غیریهودیون دیلَه کا اَیی اِعلام بِکَرِم، اَ موقع از جسم و خونی نَه مشورت نِکَردِمه،

نامه غلاطیَه کلیسارا 1:18

دومله سه سالی پَش، شیمَه اورشلیم تا کیفا بِوینِم، و پونزده روز چَیی وَری کا مَندیمَه.

نامه غلاطیَه کلیسارا 2:1

چاردَه سالی پَش، هَنی بَرنابا نَه شیمَه اورشلیمی شهری را و تیتوسی نی اِشتَن نَه بَردِمه.

نامه غلاطیَه کلیسارا 2:2

از ایلَه مکاشفه واسی بَه که شیمَه. و اِنجیلی که غیریهودیون دیلَه کا موعظه بَکَردیم اَوون نه در میون نومَه؛ البته خَلوَتَکی، و فقط کسونی را واتِمَه که چِمِن نظر با نفوذ بینَه، چوم نگران بیمَه که نَبادا بیخودی بیوریجِم.

نامه غلاطیَه کلیسارا 6:3

چوم اَگم ایی نفر اِشتَن چیی بِه حساب بواَرِه که نییَه، اِشتَن گول ژَنِه.

نامَه اَفسوسی کلیسارا 2:20

شِمَه اَ عِمارتی سَری کا که رسولِن و پِیغمبرِن چَیی پاکار بینَه بینا بیرونه،که مسیحْ عیسی اِشتَن اَ بینا، اَصلی یَه سِنگَه.

نامَه اَفسوسی کلیسارا 3:8

هَر چَن که از گِردِ مقدّسون دیلَه کا گِردی کا کَمترینیمَه، اِم فیض بَه مِن آدوعَه بَه تا مسیح بَرکَه گنجون خَوَری غیریهودیون را اِعلام بِکَرِم،

نامَه کُولُسی کلیسا را 1:29

اِمی واسی یَه که اَز زَحمت بَکَشتیم و تَمون چِمِن قوّتی نَه چَیی واسطه نَه که چِمِن دیلَه کا قوّتی نَه کار بَکَردی، تَقَّلا بَکَردیم.

اوّلین نامَه تیموتائوسیرا 3:15

اَگم چِمِن اومِه عَری آبَه، بِزونی که خِدا خانوادَه دیلَه کا، که خِدای زِنده کلیسا و ستون و حَقیقَتی پایَه یَه، چِنتَه بَسی رَفتار کَردِه.

یوحنا اوّلین نامَه 1:3

اَمَه اَ کلامی که ویندَمونه و دَرَسَمونه شِمَه را نی اِعلام بَکَردیمون تا شِمَه نی اَمَه نَه رَفاقَت بِکَرَه؛ حقیقتن نی که چَمَه رَفاقَت دَده و چَیی زوعَه نَه، عیسایِ مسیح نَه یَه.

یوحنا موکاشیفَه 3:12

هَر کسی که پیروز بِبو، چِمِن خِدا معبدی کا اَیی ایلَه ستونی بَکَردیم، و دِ هرگز آوا نَه نِشو. و از چِمِن خِدا نومی و چِمِن خِدا شهری نومی چَیی سَری کا بَنویشتیم یعنی تازَه اورشلیم که چِمِن خِدا طرفی کا آسِمونی کا بومَی، و چِمِن تازَه نومی نی چَیی سَری کا بَنویشتیم.