نامه غلاطیَه کلیسارا 2:7 - کتاب مقدس به زبان تالشی شمالی

⁷ بَلکَم بَر عکس، اَوِن زونِستشونَه که اِنجیلی خوشَ خَوری اِعلام کَردِه، غیریهودیون را بَه مِن دَسپاردَه بییَه بَه، هَتَه که اِنجیلی خوشَ خَوری اِعلام کَردِه یهودیون را دسپاردَه بییَه بَه پِطرسی.

کتاب مقدس به زبان تالشي - گویش مرکزی

⁷ بَسکَم بَر عَسکیرا، اَیِن سَر آگِنینَه کن غَیرِ یَهودیونرا اِنجیلی خشَه خبَری اییلام کردِ چمن دَست دوعَشونه، هَتَه کن اِنجیلی خشَه خبَری اییلام کردِ یهودیونکا پِطروسی دَست دوعَشونَه.

نامه غلاطیَه کلیسارا 2:7 Iomraidhean Croise

رَسولون اَعمال 15:12

دومله جماعتْ گِرد ساکت آبینَه و بَرنابا و پولسی گفون گوش دوشونَه. اَوِن علامت و معجِزه اونی که خِدا چَوون واسطه نَه غِیریهودیون دیلَه کا کَردش بَه، هَنی بَواتین.

رَسولون اَعمال 18:6

امّا وختی یهودییِن، پولسی نَه مخالفَت کَردِشونَه و عیسی فَش دوشونَه، پولس اَ شهری خاک و خُلی اِشتَن خَلااون کا چَوون ضِدّ تَکان دوشَه و اَوون نَه واتِشه: «شِمَه خون شِمَه گَردن بِبو! اَز تقصیر کار نیمَه. چِمی پَش، بَشیم غیریهودیون وَر.»

رَسولون اَعمال 28:28

«بَس بِزونَه که خِدا نِجات غیریهودیون وَر ویسا آبَه و اَوِن گوش بَداین!»

رَسولون اَعمال 9:15

ولی خِداوند حَنانیا نَه واتِشه: «بِش، چوم که اِم مِرد وسیله ای یَه که از اَیی انتخاب کَردَمه تا چِمِن نومی، غیریهودیون و چَوون پاُتشااون و یهودی مردمی را اِعلام بِکَرِه.

رومی کلیسارا نامه 1:5

خِدا مسیح واسطه نَه اَمَه فیض دوشَه تا چَیی رسولون بِبییَم و گِردِ قومون راهنمایی بِکَرَم که مسیح نومی ایمان بواَرِن و اَیی کا اِطاعت بِکَرِن.

رومی کلیسارا نامه 11:13

حِسَه، شِمَه غیریهودیون نَه کارا گف ژَنِم. اوآنه که از غیریهودیون رسولی مَه، چِمِن خِدمتی را وِر اِفتخار بَکَردیم.

اوّلین نامَه قورَنتیانیرا 9:17

چوم اَگم چِمِن مِیلی نَه اِم کاری اَنجام بَدایم، چِمِن پاداشی ویگِرِم؛ ولی اَگم چِمِن مِیلی نَه مَبو، فقط چِمِن وظیفه اَنجام بَدایم.

نامه غلاطیَه کلیسارا 1:16

اِشتَن زوعَه بَه مِن کا آشکار آکَرِه تا غیریهودیون دیلَه کا اَیی اِعلام بِکَرِم، اَ موقع از جسم و خونی نَه مشورت نِکَردِمه،

نامه غلاطیَه کلیسارا 1:18

دومله سه سالی پَش، شیمَه اورشلیم تا کیفا بِوینِم، و پونزده روز چَیی وَری کا مَندیمَه.

نامه غلاطیَه کلیسارا 1:6

از تعجب بَکَردیم که شِمَه اِنتَه اَلبَحَل اَ کسی کا که مسیح فیضی واسطه نَه شِمَه دعوت کَردَشه، آگَردَه ایرونه، و شِمَه دیمی ایلَه دییَر اِنجیلی طرفی را آگاردِنییَرونه.

نامه غلاطیَه کلیسارا 2:11

امّا هِنتَه که پطرس اومَه اَنطاکیه، چَیی پیشی کا مَندیمونه، چوم چَیی حَق بَه.

نامه غلاطیَه کلیسارا 2:14

ولی از هِنتَه که ویندِمَه اَوِن اِنجیلی حقیقتی راستی کا قدم نِنَن، گِردی پیشی کا کیفا نَه واتِمه: «اَگم تِه، که یَهودییش، غیریهودیون شیوار زِندگی بَکَردیش نِه یَهودیون شیوار، چِنتَه یَه که غیریهودیون وادار بَکَردیش که یَهودیون شیوار زندگی بِکَرِن؟»

نامه غلاطیَه کلیسارا 2:9

بَس یعقوب و پطرس و یوحنا که به نظر بومَی کلیسا سُتون بینَه، اَ فیضی که چِمِن نَصیب بییَه بَه، ویندِشونَه، و مِن و بَرنابا نَه دَس رفاقت آدوشونه تا اَمَه بِشَم غیریهودیون وَر و اَوِن بِشون یَهودیون وَر.

اوّلین نامَه تَسالونیکی کلیسا را 2:4

بَلکَم هَتَه که خِدا اَمَه تصدیق کَردِشه تا اِنجیلی کاری اَنجام بِدییَم، بَس چَمَه گف ژَندِه، آدَمون راضی آکَردِه واسی نییَه، بَلکَم خِدا راضی آکَردِه واسی یَه، که چَمَه دیلون آزمایش بَکَردی.

اوّلین نامَه تیموتائوسیرا 1:11

اَ تعلیمی که طبق خِدای متِوارکی پُرجلالَ اِنجیل، بَه مِن دَسپَرده بییَه.

اوّلین نامَه تیموتائوسیرا 2:7

چوم که اَز اِمی واسی مُعَین بیمَه تا غیر یهودیون را ایلَه تعلیم دَهنده و ایلَه رسول و ایلَه ایمانی معلّم حقیقتی کا بِبوم- حقیقتی بَواتیم و دوروع نِواجِم.

دِوُّمین نامَه تیموتائوسیرا 1:11

که اَز اَیی را مُعین بیمَه تا اِم اِنجیلی رسول و معلّم بِبوم و موعظه بِکَرِم.

پطروسی دومین نامه 3:15

و چَمَه خِداوندی صَبری نجات بِزونِه، هَتَه که چَمَه عَزیزگِرامی یَه بِرا پولُس نی مطابق اَ حکمتی که بَیی آدوعَه بَه، شِمَه را نیویشتِشه.