نامه غلاطیَه کلیسارا 2:4 - کتاب مقدس به زبان تالشی شمالی

⁴ اِم نگرانی اَ دوروعَه بِرااونی واسی بَه که نِینَکی چَمَه دیلَه کا رَخنَه کَردِشونه تا اَ آزادی که مسیحْ عیسی کا هِستِمونه جاسوسی بِکَرِن و اَمَه بِبَرِن بَردِگی را.

کتاب مقدس به زبان تالشي - گویش مرکزی

⁴ اِم تفشیش اَ دِروعَه برا اون خونه بَه کن نونَکِه مَنظورینه چَمَه دِلَکا نِفوذ کَردِشون تا اَ آزادی ایی کن مَسیح دِلَکا دارَم جاسوسی بِکَرِن و اَمه وَزییَر گیری را بِبَن.

نامه غلاطیَه کلیسارا 2:4 Iomraidhean Croise

انجیل لوقا 5:38

بَلکَم تازه شَراوی بَسی تازه مَشکون کا دَکَرَم.

رَسولون اَعمال 15:1

امّا چَن نفر یهودیه ولایتی نَه اومینَه اَنطاکیَه را. اَوِن بِرا اون تعلیم بَداین و بَواتین که: «اَگم مطابق موسی دَب ختَنه مَبییَه، نیمَشایَه نِجات پِیدا بِکَرَه.»

رَسولون اَعمال 15:24

دَرَسَمونَه که کَسونی چَمَه میانه کا، بی اِم که دستوری اَمَه کا بِدارِن، اومَینَه و شِمَه، اِشتَن گفون نَه تَشویش کَردَشونَه، و باعیث بَه اینَه شِمَه فیکر پَریشون آبو.

رَسولون اَعمال 20:30

حتی شِمَه اِشتَن دیلَه کا کسونی پِرِزن که حقیقتی آگاردِنِن تا شاگِردون بِکَشونِن اِشتَن دومله و اَوون راه کا بَرکَرِن.

رومی کلیسارا نامه 8:15

چیرا که شِمَه بَردَگی روح بِه دَس وَردَه نیرونه تا هَنی بِتَرسه، بَلکَم شِمَه زوعَه اون مقامی کا فرزند خوندَگی روح بِه دَس وَردَرونه، که چَیی واسطه نَه خِلِع بَکَردیمون: «دَده، چِمِن دَده.»

دوومین نامه قرنتیانیرا 11:13

چوم اِنتَه رَه کسونی، دوروعی نَه رسولِن و دَقَلبازَه کارگرونی اِستینه که اِشتَن مسیح رسولون شیوار وَج آکَرِن.

دوومین نامه قرنتیانیرا 11:17

وختی از اِنتَه رَه اِطمینانی نَه چِمِن اِفتخاری کا بَواتیم، خِداوندی طرفی کا نِواجِم، بَلکَم نَفهمی کا بَواتیم.

دوومین نامه قرنتیانیرا 11:20

چوم که اَگم ایی نفر شِمَه اِشتَن نوکر وَج آکَرِه، یا شِمَه ویبَرِه، یا شِمَه کا سوءاِستفاده بَکَرِه، یا اِشتَن شِمَه کا سَرتَر بِزونه، یا شِمَه دیمی کا سیله بِژَنه، تاو بواَردیرون.

دوومین نامه قرنتیانیرا 11:26

اَ سَفرونی کا که پِشتِ سَرهم بَشیم، رِوارون خطری کا، دِزدون خطر؛ خطری که چِمِن اِشتَن قومی طرفی نَه داریم، غِیریَهودیون طرفی نَه خطر؛ خطر شهری کا، خطر ویاوونی کا، خطر دریا کا؛ خطری که دوروعَ واجَه بِرااون طرفی نَه داریم؛

دوومین نامه قرنتیانیرا 3:17

خِداوند، روح اِستَه و هَر جِگا که خِداوندی روح بِبو، اوآکا آزادی اِستَه.

نامه غلاطیَه کلیسارا 1:7

البته که ایلَه دییَر اِنجیلی نییَه، امّا کَسونی اِستینه که شِمَه پریشون بَکَردین و پیستِشونَه که مسیح اِنجیلی کا دَس بِبَرِن.

نامه غلاطیَه کلیسارا 4:25

حِسَه هاجَر سینا کوه یَه، عربی دیاری کا، و اورشلیمی شهری نَه که حِسَه اِستَه برابری بَکَردی، چوم اِشتَن خِردَنون نَه نوکری دیلَه کایَه.

نامه غلاطیَه کلیسارا 4:3

چَمَه درباره نی اِنتَه یَه: تا وختی که خِردَن بیمونه، اِم دنیا قانونون نوکر بیمونه.

نامه غلاطیَه کلیسارا 5:1

آزادی واسی بَه که مسیح اَمَه آزاد آکَردِشَه؛ بَس محکم بومونَه و هَنی اِشتَن نوکری یوغی گیریفتار مَکَرَه.

نامه غلاطیَه کلیسارا 5:10

از خِداوندی کا شِمَه کا اِطمینان دارِم که شِمَه ایلَه دییَر نظری قبول نِکَرَه؛ و اَ کسی که شِمَه پریشون بَکَردی، هَر کسی که بِبو، اِشتَن اَعمالی جَزا آرَستِه.

دِوُّمین نامَه تیموتائوسیرا 3:6

چوم که چَوون دیلَه کا کسونی اِستینه که مردمی کَ دیلَه کا رَخنَه بَکَردین، سَرسبُک‌َ ژِنکون اَسیر بَکَردین، ژِنَکونی که اِشتَن گناه اون باری جیری کا شَت آبَیینه و جور بَه جوره هَوَسِن اَوون بَبَردین هَر طرفی را.

یعقوبی نامَه 1:25

ولی اَ کسی که کامِلَه شریعتی، که آزادی شریعت اِستَه ذول ژَندَشه و دَرَسِه و اَیی ویر بَنِرکَرِه بَلکَم اَیی عَمَل بَکَردی، اَ، اِشتَن کاری کا بَرکت بَگتی.

پطروسی اوّلین نامَه 2:16

آزادَه مردمون شیوار زِندگی بِکَرَه، امّا شِمَه آزادی سَرپوشی مَکَرَه شِرارتی را، بَلکَم خِدا نوکرون شیوار زِندگی بِکَرَه.

پطروسی دومین نامه 2:19

اَوون آزادی وعده بَداین، چوم که هَر چیی که آدَمی سَر سِوارَه، آدَمی چَیی نوکر بَبی.

یوحنا اوّلین نامَه 4:1

اِی عَزیزِن، هَر روحی باوَر مَکَرَه، بَلکَم روحون آزمایش بِکَرَه که خِدا کا اینه یا نِه. چوم وِر دروعَه پیغمبرونی دنیا کا اِستینه.

یهودا نامه 1:4

چوم مردمونی که قدیمی نَه چَوون محکومیت تعیین بییَه، نِینَکی شِمَه دیلَه کا رَخنه کَردَشونه. اِمِن بی دینونی اِستینه که چَمَه خِدا فیضی تبدیل بِه عَیاشی بَکَردین و عیسایِ مسیح، تنها ارباب و چَمَه خِداوندی، هاشا بَکَردین.