نامه غلاطیَه کلیسارا 2:16 - کتاب مقدس به زبان تالشی شمالی

¹⁶ اَمَه بَزنیمون که هیچکس شریعتی اَعمالی نَه صالِح نییَب، بَلکَم ایمان بِه عیسایِ مسیح واسطه نَه صالح بَبی. بَس اَمَه اِشتَن نی بِه مسیحْ عیسی ایمان وَردِمونه تا ایمان بِه مسیح نَه صالح بِبییَم و نِه شریعتی اَعمالی نَه، چوم که هیچ آدَمی شریعتی اَعمالی نَه صالح نییَب.

کتاب مقدس به زبان تالشي - گویش مرکزی

¹⁶ اَمه بَموستیمون کن اینسان شَریعَتی اَعمالینَه صالِح بَحیساب نا، بَسکَم عیسی مَسیح ایمانینَه صالح بَحیساب آ. پس اَمه اِشتَن نی مَسیح عیسی سَر ایمان وَردِمون تا مَسیح سَر ایمان داشتِه نَه صالح بَحیساب بِرَم، نِه شَریعَتی اَعمالینَه، اِمی خونِه کن هیچ اینسانی شَریعتی اَعمالینَه صالح بَحیساب نا.

نامه غلاطیَه کلیسارا 2:16 Iomraidhean Croise

یوحنا 20:31

امّا اِمِن نیویشته بینَه تا باوَر بِکَرَه که عیسی هَ مسیح موعودَه، عیسی خِدا زوعَه یَه، و تا اِم باوَری نَه چَیی نومی کا زندگی بِدارَه.

رَسولون اَعمال 4:12

چَیی غِیراز هیچکسی دیلَه کا نِجات نییَه، چوم آسِمونی جیری کا دییَر نومی آدَمون آدوعَه بَه نییَه تا بَیی نَه نِجات پِیدا بِکَرَم.»

رومی کلیسارا نامه 1:17

چوم اِنجیلی کا، اَ صالح بییِه ای که خِدا کایَه آشکار آبو، که اوّلی نَه تا آخِر، ایمانی سَر پابَرجایَه. هَتَه که حَبَقوق پیغمبری کیتابی کا نیویشتَه بییَه که: «صالحَ آدَم ایمانی نَه زِندگی بَکَردی.»

رومی کلیسارا نامه 3:30

چوم فقط ایلَه خِدا وجود دارِه، و اِم خِدا خَتنه‌ بییَه اون بَر طبق ایمان و خَتنه‌ نِبییَه اون نی بَر طبق هَ ایمان، صالِح بِه حساب بواَردی.

رومی کلیسارا نامه 4:2

چوم اَگم اِبراهیم اِشتَن اَعمالی واسی صالح بِه حساب اومَه بَه، اِفتخار کَردِه را ایی چیی داری؛ امّا نِه خِدا وَری کا.

رومی کلیسارا نامه 4:24

بَلکَم چَمَه را نی نیویشته بَه، تا اَمَه را نی حساب بِبو، اَمَه که اَیی ایمان هِستِمونه که چَمَه خِداوند عیسی، مَردَه اون دیلَه کا زِنده آکَردِشه.

رومی کلیسارا نامه 8:3

چوم که شریعت اَ چیی، اِمی واسی که آدَمی جِسم ضعیفَه، نِشاستِشه اَنجام بِدَه، خِدا اَنجام دوشَه. اَ اِشتَن زوعَه، ایلَه گناه کارَه جِسمی شیوار ویسا آکَردِشه تا ’گناه را قِربونی‘ بِبو، و اِنتَه جِسمی دیلَه کا، گناه محکوم کَردِشه.

رومی کلیسارا نامه 9:30

بَس چِه بوآجَم؟ غیریهودیونی که صالِحی دومله نِبینَه، اَیی بِه دَس وَردِشونه، یعنی اَ صالِحی که ایمانی نَه بِه دَس بومَی؛

اوّلین نامَه قورَنتیانیرا 6:11

بعضی شِمَه کا پیشتری اِنتَه بیرونه. امّا عیسایِ مسیحِ خِداوندی نومی کا و چَمَه خِدا روح واسطه نَه شوشتَه بیرونه، تقدیس بیرونَه و صالح حساب بَییرونَه.

نامه غلاطیَه کلیسارا 4:5

تا کسونی که شریعتی جیری کا بینَه، آزاد آکَرِه، و اِنتَه اَمَه زوعَه اون مقامی کا، فرزند خوندگی حَق چَمَه نصیب بِبو.

نامه غلاطیَه کلیسارا 5:4

شِمَه مسیح کا جِدا آبیرونه، شِمَه که شریعتی واسطه نه پیستِرونه صالِح بِه حساب بایَه، شِمَه فیضی کا دور آبَییرونه.

نامَه فیلیپی کلیسا را 3:9

و چَیی دیلَه کا پیدا بِبوم، نِه چِمِن صالِحی نَه که شریعتی کا بومَی، بَلکم اَ صالِحی نَه که اَز راه ایمان بِه مسیح بِه دَس بومَی، اَ صالِحی که خِدا کایَه و طبق ایمانَه.

پطروسی اوّلین نامَه 1:2

کسونی را که طبق خِدای دَده پیشدانی و خِدا روح کاری واسطه نَه که تقدیس‌ بَکَردی، عیسایِ مَسیح اِطاعت کَردِه کا و چَیی خون که چَوون سَری کا پِشَندَه بَه، اِنتخاب بَیینه: فیض و صُلح و سلامتی فَت و فَراوون شِمه را با.

پطروسی اوّلین نامَه 2:24

مسیح اِشتَن چَمَه گناه اون اِشتَن بَدنی نَه صلیبی سَری کا بِه دوش کَشِشَه، تا اَمَه گناه را بِمِرَم و صالِحی را زِندگی بِکَرَم. چَیی زخمون نَه شفا گِتَرونَه.

پطروسی اوّلین نامَه 3:18

چوم که مَسیح نی ایی کَرَه گناه اون را عذاب کَشِشَه، یعنی اَ صالِح، کسونی را که صالِح نینَه، تا اَمَه بواَرِه خِدا وَر. اَ جِسمی کا کِشتَه بَه، امّا روح کا، زِنده آبَه،

پطروسی دومین نامه 1:1

شَمعون پطرسی طرفی نَه، عیسایِ مَسیح رسول و نوکر، کسونی را که خِدا عدالتی واسطه نَه و چَمَه نجات دَهنده عیسایِ مسیح، ایمانی چَمَه ایمانی شیوار چَوون نصیب بَه:

یوحنا اوّلین نامَه 1:7

امّا اَگم نوری کا زندگی بِکَرَم، هَتَه که خِدا نوری دیلَه کا یَه، یَندی نَه رَفاقَت اِستِمونه و چَیی زوعَه، عیسی خون، اَمَه گِردِ گناه اون کا پاک آکَرِه.

یوحنا موکاشیفَه 7:14

از جَواو دومَه: «اِی آقا، اِمی تِه بَزنیش.» و اَ مِنَه واتِشَه: «اِمِن هَ کسونی اِستینَه که اَ یالَ عذابی کا دوییَردَه اینَه و اِشتَن اَبااون وَرَه خونی دیلَه کا شوشتَشونَه و ایسبی آکَردَشونَه.

یوحنا موکاشیفَه 7:9

دومله دَیشتیمَه و دَیِس، ایلَه یالَه جماعتی که هیچکس نیمَشای اَیی بیشماری، هَر میلّتی کا و هَر طایفه کا و هَر قوم و هَر زَوونی کا، گِرد اَ تخت و وَرَه پیشی کا مَند بینَه، ایسبی یَه اَبا دَکَردَشون بَه و نخلی لاخه اون اِشتَن دسی کا دارین.