نامه غلاطیَه کلیسارا 1:7 - کتاب مقدس به زبان تالشی شمالی

⁷ البته که ایلَه دییَر اِنجیلی نییَه، امّا کَسونی اِستینه که شِمَه پریشون بَکَردین و پیستِشونَه که مسیح اِنجیلی کا دَس بِبَرِن.

کتاب مقدس به زبان تالشي - گویش مرکزی

⁷ اَلبَت دیَرَ اِنجیلی وِجود نِدارِ، ولی کَسِنی هِستینَه کن بَشِمَه تَفشیش دَنَّفَند و اَپیشونَه کن مَسیح اِنجیلیکا دَست بِبَن.

نامه غلاطیَه کلیسارا 1:7 Iomraidhean Croise

مَتّی 24:24

چوم دروعَه مسیح اِن و دروعَه پیغمبرِن بومَین، و اِنتَه یالَ نیشونه اونی بواَردین و معجزه اونی بَکَردین که اَگم بِشان، حتی اَ کسونی که اِنتخاب بَیینَه نی گمراه بِکَرِن.

رَسولون اَعمال 13:10

«اِی اِبلیسی خِردَن، تِه اِی گِردِ چاکیون دِشمن، اِی که مَکر و حیلّه کا پوریش! چیرا خِداوندی راستَه راه اون کَج آکَردِه کا دَس نِپِگِری؟

رَسولون اَعمال 15:24

دَرَسَمونَه که کَسونی چَمَه میانه کا، بی اِم که دستوری اَمَه کا بِدارِن، اومَینَه و شِمَه، اِشتَن گفون نَه تَشویش کَردَشونَه، و باعیث بَه اینَه شِمَه فیکر پَریشون آبو.

رَسولون اَعمال 20:30

حتی شِمَه اِشتَن دیلَه کا کسونی پِرِزن که حقیقتی آگاردِنِن تا شاگِردون بِکَشونِن اِشتَن دومله و اَوون راه کا بَرکَرِن.

دوومین نامه قرنتیانیرا 11:13

چوم اِنتَه رَه کسونی، دوروعی نَه رسولِن و دَقَلبازَه کارگرونی اِستینه که اِشتَن مسیح رسولون شیوار وَج آکَرِن.

دوومین نامه قرنتیانیرا 2:17

چوم که اَمَه اَ آدَمون شیوار نیمونه که منفعتی را خِدا کلامی خِرَشِن، بَلکَم اَمَه خِدا چِمی پیشی کا، مسیح کا گف ژَنَم. اَ آدَمونی شیوار که خالِصَه نیَّتون دارِن و خِدا طرفی کا ایینه.

دوومین نامه قرنتیانیرا 4:2

بَلکَم نِینَکی راه اون کا و شرم آوَرَه راه اون کا دوری کَردَمونه و کلاهبرداری نَه ناری را نِشییَم و خِدا کلامی دَستکاری نِکَرَم بَلکَم حَقیقَتی واضِح بَواتیمون، تقّلا بَکَردیمون خِدا حضوری کا گِردی وجدانی کا تصدیق بِبییَم.

نامه غلاطیَه کلیسارا 1:6

از تعجب بَکَردیم که شِمَه اِنتَه اَلبَحَل اَ کسی کا که مسیح فیضی واسطه نَه شِمَه دعوت کَردَشه، آگَردَه ایرونه، و شِمَه دیمی ایلَه دییَر اِنجیلی طرفی را آگاردِنییَرونه.

نامه غلاطیَه کلیسارا 2:4

اِم نگرانی اَ دوروعَه بِرااونی واسی بَه که نِینَکی چَمَه دیلَه کا رَخنَه کَردِشونه تا اَ آزادی که مسیحْ عیسی کا هِستِمونه جاسوسی بِکَرِن و اَمَه بِبَرِن بَردِگی را.

نامه غلاطیَه کلیسارا 4:17

اَوِن شِمَه را غیرت هِستِشونه، امّا نِه چاکَه نیّتی نَه. اَوِن پیستِشونَه شِمَه جِدا آکَرِن تا چَوون را غیرت بِدارَه.

نامه غلاطیَه کلیسارا 5:10

از خِداوندی کا شِمَه کا اِطمینان دارِم که شِمَه ایلَه دییَر نظری قبول نِکَرَه؛ و اَ کسی که شِمَه پریشون بَکَردی، هَر کسی که بِبو، اِشتَن اَعمالی جَزا آرَستِه.

نامه غلاطیَه کلیسارا 5:12

کَشکی کسونی که شِمَه پریشون بَکَردین، اِشتَن اَختَه بِکَرین!

نامه غلاطیَه کلیسارا 6:17

چِمی پَش هیچکس مِن عذاب مَدَه، چوم اَز چِمِن بَدَنی کا داغونی هِستِمَه که نیشون بَدای از عیسی نوکریمَه.

دِوُّمین نامَه تیموتائوسیرا 2:18

که حقیقتی کا آگَردَه اینَه و بَواتین: اَ روزی که مَردَه اِن زِندَه آبون، حِسَه یَه و اِنتَه بَعضییون ایمانی از بِین بَبَردین.

یوحنا اوّلین نامَه 2:26

اَز اِمون کسونی دربارَه شِمَه را نیویشتِمَه که تقّلا بَکَردین شِمَه گمراه بَکَرِن.

یوحنا اوّلین نامَه 4:1

اِی عَزیزِن، هَر روحی باوَر مَکَرَه، بَلکَم روحون آزمایش بِکَرَه که خِدا کا اینه یا نِه. چوم وِر دروعَه پیغمبرونی دنیا کا اِستینه.

یوحنا دوّمین نامَه 1:10

اَگم کسی بومَی شِمَه وَر و اِم تعلیمی مَواَرِه، اَئی شِمَه کَ کا راه مَدییَه و اَیی نَه موآجَه خِش اومَیش؛

یوحنا دوّمین نامَه 1:7

چوم دنیا کا وِر حُقه بازِن اِستینه، که اِقرار نِکَرِن که عیسایِ مسیح آدَمی جسمی کا اومَه بِه اِم دنیا. اِنتَه رَه آدَمِن هَ حُقه بازِن و ضِدّ مسیح اِستینه.

یهودا نامه 1:4

چوم مردمونی که قدیمی نَه چَوون محکومیت تعیین بییَه، نِینَکی شِمَه دیلَه کا رَخنه کَردَشونه. اِمِن بی دینونی اِستینه که چَمَه خِدا فیضی تبدیل بِه عَیاشی بَکَردین و عیسایِ مسیح، تنها ارباب و چَمَه خِداوندی، هاشا بَکَردین.

یوحنا موکاشیفَه 12:9

و یالَ اِژدها فِرآدوعَه بَه جیری را، یعنی هَ قدیمی یَه نَلتی که اِبلیس یا شیطان دَخوندَه بَبی و گِردِ دِنیا گمراه بَکَردی. اَ فِرآدوعَه بَه زمینی سَر و چَیی ملائیکه اِن نی اَیی نَه فِرآدوعَه بینَه جیر.

یوحنا موکاشیفَه 13:14

و علامتون و معجزه اون واسی که اِجازه داری اَ اوّلین وَحشی یَه حَیوونی عَوض بِه کار بگِرِه، کسونی که زمینی سَری کا اینَه گول ژَندِشَه و اَوون نَه واتِشه ایلَه مجسمه اَ وَحشی حَیوونی کا وَج آکَرَه که شمشیری نَه زخمی بییَه، ولی با اِم حال زِنده مَندَه.

یوحنا موکاشیفَه 19:20

و اَ وحشی یَه حَیوون گیرفتار آبَه و اَیی نَه، اَ دوروعی نَه پیغمبر که اَ وحشی یَه حَیوونی پیشی کا علامت و معجزه اون انجام بَدای تا کسونی گول بِژَنِه که اَ وحشی یَه حَیوونی نیشونَه قبول کَردَشون بَه و چَیی مجسمه پرستش بَکَردین. اَوِن هَر دِگِله زِنده زِنده، آتشی دریاچه دیلَه کا دَرَفَندَه بینَه که گوگِردی نَه بَسیستی.

یوحنا موکاشیفَه 2:2

اِشتِه کارون بَزنیم و اِشتِه مقاومت و عذابون کا خَوَر داریمَه و بَزنیم که نیمَشای شَرورَه آدَمون تاو بواَری بَلکَم کسونی که اِشتَن رسول بَزنین ولی نینَه، اَوون اِمتحان کردَرَه و فَهمِستَرَه دروعَه واجی نَه.

یوحنا موکاشیفَه 2:20

امّا بَه تِه کا اِم شکایتی هِستِمَه، اَ ژِنَکی را که چَیی نوم ایزابلَ و اِشتَن پیغمبر بَزنی، راحت گِری. اَ که چِمِن نوکرون تعلیم بَدای و اَوون راه کا بَرکَرِه تا بی‌عفتی بِکَرِن و اَ غذا اونی کا که بُتون را تقدیم بَبی، بَرِن.

یوحنا موکاشیفَه 2:6

ولی اِم ایلَه چاکی هِستِرَه که نیکولاییون دارو دَسته کارون کا بیزاریش، هَتَه که از نی بیزاریمَه.

یوحنا موکاشیفَه 20:3

و اَئی دَرَفَندِشَه هاویَه چاه دیلَه کا و چَیی بَری دَوَستِشَه و مُهرو موم کَردِشَه، تا دِ میلّتون گول مَژَنِه تا چَیی هَزار سال تَمون آبو. دومله اَ بَسی روکَتِه زمان آزاد آبو.