نامه غلاطیَه کلیسارا 1:4 - کتاب مقدس به زبان تالشی شمالی

⁴ که اِشتَن جانی چَمَه گناه اون راه کا آدوشَه، تا اَمَه، خِدا اِراده نَه و چَمَه دَده، اِم شَرَه دورانی کا رهایی بِدَه.

کتاب مقدس به زبان تالشي - گویش مرکزی

⁴ کن اِشتَن جانی چَمَه گِناخون راکا آداشَه تا خدا و چَمَه دَدَ ایرادنَه، اِم آوشَرَ زَمونَه کا بِراخنِه.

نامه غلاطیَه کلیسارا 1:4 Iomraidhean Croise

مَتّی 13:22

دونَه ایی که بِرّون دیلَه کا ویبَه، کسی یَه كه خِدا کلامی دَرَسِه، امّا دنیا نِگرانی اِن و مال دنیا وسوسه، خِدا کلامی خَفه بَکَردی و بی ثمَر بَکَردی.

مَتّی 20:28

حتی اِنسانی زوعَه نی اومَه نییَه تا اَیی خدمت بِکَرِن، بَلكَم اومَه تا مردمی خدمت بِکَرِه و اِشتَن جانی وِر کَسون آزادی را فیدا بِکَرِه.»

مَتّی 26:28

چوم اِم چِمِن خون اِستَه كه اِم تازه عَهدی، اَیی نَه مهر بَکَردیم. چِمِن خون ویبو تا وِرَه آدَمون گناه اِن بَخشِستَه بِبون.

مَتّی 26:42

عیسی دوّمین کَرَه شَه دعا کَردِشه، واتِشه: «اِی چِمِن دَده، اَگم هیچ رایی نییَه، جُز اِم کِه اَز اِم عَذابَ قَدره بِنجِم، بَس اِشتِه پیستَه هَر چییَه هَتَه بِبو.»

مَتّی 6:9

«بَس شِمَه اِنتَه دعا بِکَرَه: «اِی چَمَه آسِمونی یَه دَده، اِشتِه نوم مقدّس بِبو.

مَرقُس 10:45

چوم حتی اِنسانی زوعَه نی اومَه نییَه تا اَیی خدمت بِکَرِن، بَلكَم اومَه تا خدمت بِکَرِه و اِشتَن جانی وِر کَسون آزادی را فیدا بِکَرِه.»

انجیل لوقا 22:19

دومله نونی پِگِتِشه و شُکر کَردِه پَش اَیی ‌پَله کَردِشه و آدوشَه اَوون و واتِشه: «اِم چِمِن بَدنَه که شِمَه را آدوعَه بَبی؛ اِم کاری چِمِن یاد وَردِه را اَنجام بِدییَه.»

انجیل لوقا 22:42

واتِشه: «اِی دَده، اَگم اِشتِه اِراده یَه، اِم عَذابی قَدرَه بَه مِن کا دور آکَه، امّا حَلا نی اَ چیی که از پیستِمَه مَبو، بَلکَم اَ چیی که تِه پیستِرَه اَنجام بِبو.»

یوحنا 10:11

«اَز چاکَه شوونَه ایمَه. چاکَه شوونَه اِشتَن جانی گوسَندون راه کا بَنای.

یوحنا 12:31

حِسَه اِم دنیا داوری موقع یَه؛ حِسَه اِم دنیا رَئیس، شیطان، بِرون فِر آدوعَه بَبی.

یوحنا 5:30

اَز اِشتَن کا نیمَشام کاری بِکَرِم. بَلکَم بینا بَر چیی که دَرَسِم داوری بَکَردیم و چِمِن داوری عادلانَه یَه، چوم چِمِن اِراده اَنجام دوعِه دومله نیمَه، بَلکَم چِمِن ویسا آکَردَه اِراده اَنجام دوعِه دومله کاایمَه.

یوحنا 6:38

چوم اَز آسِمونی نَه اومَیمه جیر، نِه اِمی واسی که چِمِن پیستَه اَنجام بِدم، بَلکَم اومَیمه تا چِمِن ویسا آکَردَه پیستَه اَنجام بِدم.

رومی کلیسارا نامه 1:7

گِردِ کسونی را که رومی شهری کا اینه که خِدا اَوون نه خِشَه و دعوت بَیینه تا مقدّسون کا بِبون: فیض و صُلح و سلامتی چَمَه دَدَه، خِدا و عیسایِ مسیحِ خِداوندی طرفی کا، شِمَه را با.

رومی کلیسارا نامه 12:2

و دِ اِم دنیا شیوار مَبییه، بَلکَم شِمَه فیکری تازه آبییِه نَه عوض آبییَه. اَ موقع بَشایرون خِدا اِراده بِفَهمَه؛ خِدا دیلی باب و کاملَ اِراده.

رومی کلیسارا نامه 4:25

اَ که چَمَه گناه اون واسی مرگی تسلیم بَه و چَمَه صالِح حساب بییِه واسی، مَردَه اون دیلَه کا زِنده آبَه.

رومی کلیسارا نامه 8:27

و اَ که دیلون دیلَه بَگردِستی، روح فیکری بَزنی، چوم که روح، مطابق خِدا پیستَه، مقدّسون را شفاعت بَکَردی.

رومی کلیسارا نامه 8:3

چوم که شریعت اَ چیی، اِمی واسی که آدَمی جِسم ضعیفَه، نِشاستِشه اَنجام بِدَه، خِدا اَنجام دوشَه. اَ اِشتَن زوعَه، ایلَه گناه کارَه جِسمی شیوار ویسا آکَردِشه تا ’گناه را قِربونی‘ بِبو، و اِنتَه جِسمی دیلَه کا، گناه محکوم کَردِشه.

رومی کلیسارا نامه 8:32

اَ که اِشتَن زوعَه دریغ نِکَردِشه، بَلکَم اَیی، چَمَه گِردی راه کا فیدا کَردِشه، چِنتَه، اَ، دَس و دیل بازی نَه گِردِ چییون بَمون آنِدَه؟

اوّلین نامَه قورَنتیانیرا 15:3

چوم از مهمترین چیی که بَه مِن آرَستَه، شِمَه را اِعلام کَردَمَه: اِمکه مسیح چَمَه گناه اون واسی مَردَه هَتَه که مقدّس نیویشته اون دیلَه کا اومَه،

دوومین نامه قرنتیانیرا 4:4

اِم دورَه خِدا، بی ایمانون فیکری کور کَردَشه تا مسیح اِنجیلی جلالی نوری که خِدا دیمَه، مَوینِن.

نامه غلاطیَه کلیسارا 2:20

از مسیح نَه صلیبی سَری کا مصلوب بیمَه، و اِم دِ از نیمَه که زِندگی بَکَردیم، بَلکَم مسیح اِستَه که چِمِن دیلَه کا زندگی بَکَردی؛ و اِم زِندگی که حِسَه جِسمی کا بَکَردیم، خِدا زوعَه ایمانی نه یَه که مِنَه خِش بَه و اِشتَن جانی چِمن واسی فیدا کَردِشه.

نامه غلاطیَه کلیسارا 6:14

امّا خِدا مَکَرِه که اَز هَرگز، چَمَه خِداوند عیسایِ مسیح صلیبی غِیراز، چیی را اِفتخار بِکَرِم، که چَیی واسطه نَه، دنیا بَه مِرا مصلوب بَه و اَز دنیا را.

نامَه اَفسوسی کلیسارا 1:11

اَمَه چَیی دیلَه کا وارِثون بَیمونه، چوم بینا بَر چَیی پیستَه که گِردِ چییون مطابق اِشتَن اِراده اَنجام بَدای، پیشتری اِنتخاب بَه بیمونَه.

نامَه اَفسوسی کلیسارا 2:2

و زمانی چَوون دیلَه کا زِندگی بَکَردیرون، اَ موقع که اِم دنیا راه اون کا و قدرت هوا رئیسی کا یعنی اِبلیسی کا اِطاعت بَکَردیرون، هَ روحی کا که حِسَه نی نافرمونی خِردَنون کا کار بَکَردی.

نامَه اَفسوسی کلیسارا 5:16

اِم وختی قَدری بِزونه، چوم اِم روزِن بَدَه روزونی اِستینه.

نامَه اَفسوسی کلیسارا 5:2

و محبتی نَه رفتار بِکَرَه، هَتَه که مسیح اَمَه محبت کَردِشه و اِشتَن جانی چَمَه راه کا، ایلَه قِربونی و خوشبویَه هدیه‌ای شیوار خِدا تقدیم کَردِشه.

نامَه اَفسوسی کلیسارا 6:12

چوم که چَمَه جنگ جسم و خونی نَه یعنی آدَمی نَه نییَه، بَلکَم اَمَه رئیسون ضِد، قدرتون ضِد، و اَ تاریکی نیرواون ضِد که اِم دنیا سَری کا حاکمی نَه، شَریری روحانی یَه قُشونی ضِد، که آسِمونی یَه جِگا اون کا اینه، بَجَنگِستیمون.

نامَه فیلیپی کلیسا را 4:20

خِدا و چَمَه آسمونی یَه دَده تا هَمیشه و تا اَبَد جلال بِبو.آمین.

اوّلین نامَه تَسالونیکی کلیسا را 1:3

شِمَه کار که ایمانی کایَه و زحمتی که محبتی کا کَشَه و شِمَه پایداری اُمید که چَمَه خِداوند عیسایِ مسیح کایَه، خِدا و چَمَه آسمونی یَه دَده پیشی کا، ویر بَواَردیمون.

اوّلین نامَه تَسالونیکی کلیسا را 3:11

حِسَه خِدا، چَمَه دَده اِشتَن، و چَمَه خِداوند عیسی، چَمَه راه، شِمَه طرفی را کَشوندَشَه.

اوّلین نامَه تَسالونیکی کلیسا را 3:13

و شِمَه دیلون پابَرجا بِکَرِه، تا چَمَه خِداوند عیسی اومِه موقع اِشتَن گِردِ اِشتَن مقدّسون نَه، خِدا و چَمَه آسمونی یَه دَده پیشی کا، بی عیب و مقدّس بِبییَه.

دوّمین نامَه تَسالونیکی کلیسا را 2:16

حِسَه چَمَه خِداوند عیسایِ مسیح اِشتَن و چَمَه دَده، خِدا، که اَمَه نَه خِش بَه و فیضی واسطه نَه، اَمَه اَبَدی یَه تَسلی و چاکه اُمیدی آدوشَه،

اوّلین نامَه تیموتائوسیرا 2:6

اَ که اِشتَن جانی آدوعِه نَه، گِردِ آدَمون خون بَها آدوشَه. اِم حقیقتی را مِناسِبَ وختی کا شهادتی دوعَه بَه.

نامَه تیتوسیرا 2:14

که اِشتَن جانی چَمَه راه کا آدوشَه، تا هَر شِرارتی کا اَمَه رهایی بِدَه و اِشتَرا پاکَه مردمی وَج آکَرِه که چَیی اِشتَن شِن بِبون که چاک کارون را غِیرت بِدارِن.

نامَه، عِبرانیه نَتاجَه مسیحیونرا 2:5

چوم که خدا اَ، دنیایی که بومَی و اَمَه اَیی کا گَف ژَنَم، ملائیکَه اون مَطیع نِکَردِشه.

نامَه، عِبرانیه نَتاجَه مسیحیونرا 6:5

و خِدا کلامی مَزَه چاکی و آینده دورانی قُوَّتون مَزَه چَشَشونَه،

نامَه، عِبرانیه نَتاجَه مسیحیونرا 9:14

چِندی وِرتَر، مَسیح خون که اَ اَبَدی یَه روح واسطه نَه، اِشتَن بی‌عیب، خِدا را تقدیم کَردِشه. چَیی خون چَمَه وجدانی بیخودی یَه کارون کا پاک بَکَردی تا بِشایَم خدای زِنده خدمَت بِکَرَم!

یعقوبی نامَه 4:4

اِی زناکارِن، بَگم نیمَزنه دنیا نَه رَفاقَت کَردِه، خِدا نَه دِشمنی کَردِه اِستَه؟ بَس هَر کسی که دنیا نَه رَفاقت کَردِه دومله اِستَه، اِشتَن، خِدا دِشمِن بَکَردی.

پطروسی اوّلین نامَه 2:24

مسیح اِشتَن چَمَه گناه اون اِشتَن بَدنی نَه صلیبی سَری کا بِه دوش کَشِشَه، تا اَمَه گناه را بِمِرَم و صالِحی را زِندگی بِکَرَم. چَیی زخمون نَه شفا گِتَرونَه.

پطروسی اوّلین نامَه 3:18

چوم که مَسیح نی ایی کَرَه گناه اون را عذاب کَشِشَه، یعنی اَ صالِح، کسونی را که صالِح نینَه، تا اَمَه بواَرِه خِدا وَر. اَ جِسمی کا کِشتَه بَه، امّا روح کا، زِنده آبَه،

یوحنا اوّلین نامَه 2:2

عیسی چَمَه گناه اون را کَفارَه یَه، نِه فقط چَمَه گناه اون را، بَلکَم گِردِ دنیا گناه اون را.

یوحنا اوّلین نامَه 3:16

محبتی اوآنه یاد گِتِمونه که اَ، اِشتَن جانی چَمَه راه کا فیدا کَردِشه، و اَمَه نی بَسی چَمَه جانی چَمَه بِرا اون راه کا فیدا بِکَرَم.

یوحنا موکاشیفَه 1:5

و عیسایِ مسیح طرفی کا، اَ وفادارَه شاهِد و اوّلین کسی که مَردَه اون دیلَه کا زِنده آبَه و پاُتشااون حاکِم، زمینی سَری کا. اَ که اَمَه نَه خِشَه و اِشتَن خونی نَه، اَمَه چَمَه گناه اون کا رَهایی دوشَه،

یوحنا موکاشیفَه 5:9

و اَوِن تازَه سرودی خَندِشونَه که بَواتی: «تِه لایقیش که اَ طوماری ویگِری و چَیی مُهرون بِچاکِنی، چوم که تِه قربونی بیشَه، و اِشتِه خونی نَه مردمی، هَر طایفه و زَوون و مردم و میلّتی کا، خِدا را خِریرَه؛

یوحنا موکاشیفَه 7:9

دومله دَیشتیمَه و دَیِس، ایلَه یالَه جماعتی که هیچکس نیمَشای اَیی بیشماری، هَر میلّتی کا و هَر طایفه کا و هَر قوم و هَر زَوونی کا، گِرد اَ تخت و وَرَه پیشی کا مَند بینَه، ایسبی یَه اَبا دَکَردَشون بَه و نخلی لاخه اون اِشتَن دسی کا دارین.