نامَه اَفسوسی کلیسارا 6:19 - کتاب مقدس به زبان تالشی شمالی

¹⁹ بَه مِرا نی دعا بِکَرَه، تا هَر موقع که چِمِن گَ آکَرِم گف بِژَنِم، بَه مِن اَ کلامی قدرت آدوعَه بِبو تا اِنجیلی سِرّی دیل و جرئتی نَه اِعلام بِکَرم،

کتاب مقدس به زبان تالشي - گویش مرکزی

¹⁹ مِرا نی دِوا بکرَ، تا هر موقه گف ژِرا اِشتَن گَوی آج آمکَرد، اَ کلامی زبقی بمِن آدَن، تا انجیلی رازی جورئَتینه اییلام بکَم،

نامَه اَفسوسی کلیسارا 6:19 Iomraidhean Croise

رَسولون اَعمال 13:46

پولس و بَرنابا جرئتی نَه واتِشونَه: «لازِم بَه خِداوندی کلام گِردی پیش شِمَه را واتَه بِبی. امّا چوم اَیی رَد آکَردِرونَه و اِشتَن اَبَدی یَه زندگی لایق نِزونِستِرونَه، بَس حِسَه اَمَه بَشیمون غِیریهودیون طرفی را.

رَسولون اَعمال 14:3

بَس پولس و بَرنابا وِرَه زمانی اوآ کا مَندینَه و جرئتی نَه خِداوندی را گَف ژَندِشونَه، خِداوندی که اَوون قوّت بَبَخشستی تا علامت و معجزه اون اَنجام بِدَن و اِنتَه، اِشتَن فیض بَخشَه پَیغومی تأیید بَکَردی.

رَسولون اَعمال 18:26

آپولس، یهودیون عِبادتگاه کا دَمَندَه جرئتی نَه گَف ژَندِه. ولی وختی پْریسکیلا و آکیلا چَیی گَفون دَرَسِشونَه، اَیی بَردِشونَه ایلَه گوشه اییرا و خِدا راه دقیقتر اَیی آموتِشونَه.

رَسولون اَعمال 19:8

دومله پولس شَه یهودیون عِبادتگاه، اوآ کا سِه مانگ جرئتی نَه گَف ژَنی و دلیل بواَردی و خِدا پاُتشایی درباره اَوون قانع بَکَردی.

رَسولون اَعمال 2:4

دومله گِرد روح القدسی کا پُور آبینَه و هَتَه که خِدا روح اَوون قدرت بَدای گف بِژَنِن، دَمندینَه دییَر زَوونون نَه گَف ژَندِشونَه.

رَسولون اَعمال 28:31

پولس خِدا پاُتشایی اِعلام بَکَردی و جُرئتی نَه و بیدون اِم که کسی چَیی پیشی بگِرِه عیسایِ مسیحِ خِداوندی درباره تعلیم بَدای.

رَسولون اَعمال 4:13

وختی اَوِن پطرس و یوحنا جرئتی ویندِشونَه و زونِستِشونَه که بیسواد و معمولی یَه آدَمونی اِستینَه، تعجب کَردِشونَه و زونِستِشونَه که عیسی همراه بینَه.

رَسولون اَعمال 4:29

حِسَه، اِی خِداوند، چَوون تهدیدون دَرَس و اِشتِه خادِمون لطف بِکَه تا گِردِ اِشتَن دیل و جرئتی نَه اِشتِه کلامی بوآجِن،

رَسولون اَعمال 4:31

چَوون دعا کَردِه پَش، جِگایی که اَیی کا جمع آبَه بینَه لَرزِستَه و گِرد روح القدسی کا پُور آبینَه، و خِدا کلامی دیل و جرئتی نَه بَواتین.

رَسولون اَعمال 9:27

امّا بَرنابا، شائولی پِگِتِشه وَردِشه رَسولون وَر، و واتِشه که چِنتَه دَمِشقی راه کا خِداوَندی ویندَشه و خِداوند چِنتَه شائولی نَه گَف ژَندَشه و اَ چِنتَه دَمِشقی کا جرئتی نَه عیسی نومی نَه تعلیم دوعَشَه.

رَسولون اَعمال 9:29

اَ یهودیونی نَه که چَوون زوون یونانی‌ بَه، گَف ژَنی و بَحث بَکَردی، ولی چَوون نیّت اِم بَه که شائولی بِکِشِن.

رومی کلیسارا نامه 15:30

اِی بِرااِن، چَمَه خِداوند عیسایِ مَسیح واسی و مُحبتی که روح القدوسی کایَه، شِمَه کا خواهِیشت بَکَردیم که همیشه بَه مِرا خِدا درگاه کا دعا بِکَرَه، و اِم کاری نَه چِمِن خِدمتی کا شریک بِبییَه.

رومی کلیسارا نامه 16:25

حِسَه جَلال اَیی بِبو که، بَشای طبق چِمِن اِنجیل و عیسی مسیح موعظه، شِمَه تقویت بِکَرِه- یعنی طبق ایلَه سِرّی آشکار آبییِه که وِرَه زمانون نِین بَه،

اوّلین نامَه قورَنتیانیرا 1:5

چوم شِمَه مسیح کا هَر چیی کا، گِردِ کلامی کا و گِردِ دانایی کا غَنی بَییرونه

اوّلین نامَه قورَنتیانیرا 2:7

بَلکم اَمَه خِدا حِکمتی کا که ایلَه نِینَ سِرّی یَه گف ژَنَم. اَ حِکمتی که خِدا، دنیا خَلق کَردِه پیش، چَمَه جلالی را معّین کَردِشه.

اوّلین نامَه قورَنتیانیرا 4:1

هَر کسی بَسی بَمون، مسیح خادِمون و مباشِرونی دیدی نَه دَیِسِن که خِدا سِرِن، امّانت دَسپَرده بَیینه بِه اَوون.

دوومین نامه قرنتیانیرا 1:11

شِمَه نی بَسی شِمَه دعااون نَه اَمَه کمک بَکَرَه، تا وِر کَسِن چَمَه واسی شُکر بِکَرِن، اَ بَرَکتی واسی که وِرکَسون دعا جواوی کا، اَمَه آدوعَه بَه.

دوومین نامه قرنتیانیرا 3:12

بَس چوم که اِنتَه رَه اُمیدی هِستِمونه، جُرئتی نَه گَف ژَنَم،

دوومین نامه قرنتیانیرا 6:11

اِی قُرِنتُسی شهری مردم، اَمَه، شِمَه نَه رُک گَف ژَندِمونه و چَمَه دیلی سِفرَه شِمَه را آکَردِمونه.

دوومین نامه قرنتیانیرا 7:4

از دیل و جرئتی نَه شِمَه نَه گف ژَنِم. بِه شِمَه وِر اِفتخار بَکَردیم. از وِر تَسَلی هِستِمَه. تمون مصیبتون دیلَه کا شادی کا پُوریمَه.

دوومین نامه قرنتیانیرا 8:7

ولی هَتَه که گِردِ چییون کا سَرتَریرونه- ایمانی کا، گَف ژَندِه کا، دانایی کا، دِ دیم نِبییِه کا، و شِمَه محبتی کا نسبت بِه اَمَه- بَس اِم خیرَه کاری کا نی گِردی کا سَرتَر بِبییَه.

نامَه اَفسوسی کلیسارا 1:9

اَ اِشتَن اِراده سِرّی بَمون آزونیشَه. بینا بَر اِشتَنِش پیستَه که مسیح کا آشکار آکَردِشه.

نامَه اَفسوسی کلیسارا 3:9

و گِردی را نیشون بِدَم که خِدا نَخشه چِنتَه انجام بَبی. خِدایی که گِردِ چییِون خلق کَردَشه، اِشتَن اِم سِرّی قدیمی کا، نِین غَم هَردِشَه.

نامَه کُولُسی کلیسا را 2:2

تا دیلگرم بِبون، و هَتَه که مُحبتی کا یَندی نَه متحدی نَه و اَ کاملَ اِطمینان و بی حد و اندازه پُوری کا، که فهمی کا بِه دَس بومَی بهره بِبَرَه و هِم راه کا، خِدا سِرّی، یعنی مَسیح آزونِن،

نامَه کُولُسی کلیسا را 4:3

هَمزمان اَمَه را نی دعا بِکَرَه، تا خِدا، کلامی را اَمَه را ایلَه بَری آکَرِه تا بِشایَم مَسیح سِرّی اِعلام بِکَرَم. اَ سِرّی که از چَیی واسی حِسَه زیندانی کا ایمَه.

اوّلین نامَه تَسالونیکی کلیسا را 2:2

بَلکَم هَر چَن پیشتَری، فیلیپی شهری کا عذاب کَشِمونه و اَمَه نَه بَدی کَردِشونه جوری که خجالت آور بَه، هَتَه که بَزنیرون، امّا اَمَه، چَمَه خِدا کمکی نَه جرئَت کَردِمونه تا خِدا اِنجیلی وِرَه مُخالفون دیلَه کا شِمَه را اِعلام بِکَرَم.

اوّلین نامَه تَسالونیکی کلیسا را 5:25

اِی بِرااِن، اَمَه را دعا بِکَرَه.

دوّمین نامَه تَسالونیکی کلیسا را 3:1

آخِرسَر، اِی بِرااِن، اَمَه را دعا بِکَرَه تا خِداوندی کلام تُند پیش بِشو و چَیی اِحترامی غَم بَرَه، هَتَه که شِمَه دیلَه کا هِنتَه بَه،

اوّلین نامَه تیموتائوسیرا 3:16

راس راسی که دینداری بَرک یالَه سِرّی یَه: اَ جِسمی دیلَه کا ظاهر آبَه، خِدا روح واسطه نَه تصدیق بَه، ملائیکه اِن اَیی ویندِشونَه، قومون دیلَه کا اِعلام بَه، دنیا دیلَه کا بَیی ایمان وَردِشونه، جلالی نَه، بَردَه بَه کَفا.

نامَه فیلیمونیرا 1:22

ضِمنَن، ایلَه اتاق بَه مِرا حاضیر آکَه، چوم اُمید دارِم خِدا شِمَه دعااون مستجاب بَکَردی و اِشتَن لُطفی نه مِن آگاردِنه شِمَه وَر.

نامَه، عِبرانیه نَتاجَه مسیحیونرا 13:18

اَمَه را دعا بِکَرَه، چوم مطمئنیمونَه که چَمَه وجدان پاکَه و پیستِمونَه هَر لحاظی کا سَربلند بِبییَم.