نامَه اَفسوسی کلیسارا 6:12 - کتاب مقدس به زبان تالشی شمالی

¹² چوم که چَمَه جنگ جسم و خونی نَه یعنی آدَمی نَه نییَه، بَلکَم اَمَه رئیسون ضِد، قدرتون ضِد، و اَ تاریکی نیرواون ضِد که اِم دنیا سَری کا حاکمی نَه، شَریری روحانی یَه قُشونی ضِد، که آسِمونی یَه جِگا اون کا اینه، بَجَنگِستیمون.

کتاب مقدس به زبان تالشي - گویش مرکزی

¹² اِمی خونه کن چَمه جَنگِستِه جندَک و خونینَه یعنی اینسانینَه نیَه، بَسکم اَمه ریاسَتون زرَبَرا، زبقون زرَبرا، و اَ ظلَماتی اینجاری زرَبرا کن اِم دِنیا سَردِرِ حاکیمینَه، و آوشَری روحانیَه لَشکری زربَرا، کن آستامونییَه جگا اونکا ینَه، بَجَنگِستیمون.

نامَه اَفسوسی کلیسارا 6:12 Iomraidhean Croise

مَتّی 16:17

عیسی واتِشه: «اِی شَمعون، یونا زوعَه! خَسَه تِه بِبو! چوم اِنسان، اِمی بَه تِرا آشکار آکَردَه نیشَه، بَلکَم چِمِن آسِمونی یَه دَده اِمی بَه تِرا آشکار آکَردِشه.

مَرقُس 4:19

امّا اِم دنیا نِگرانی اِن و مال دنیا وسوسه و دییَر چییون هَوس، چَوون دیلی دیلَه دَشو و خِدا کلامی خَفه بَکَردی و بی‌ثَمر بَکَردی.

انجیل لوقا 13:24

«بَرک تَقَّلا بِکَرَه تا تَنگه بَری نَه بایَه دیلَه، چوم شِمَه نَه بَواتیم، وِر کَسِن تَقَّلا بَکَردین تا دیلَه دَشون، امّا نیمَشان.

انجیل لوقا 22:53

اَ موقع که اَز هَر روز معبدی کا شِمَه نَه بیمَه، شِمَه مِن دَس نِژَندِرونَه. امّا حِسَه شِمَه وختَه، تاریکی قدرتی وخت.»

یوحنا 12:31

حِسَه اِم دنیا داوری موقع یَه؛ حِسَه اِم دنیا رَئیس، شیطان، بِرون فِر آدوعَه بَبی.

یوحنا 14:30

وِر وخت مَندَه نییَه که شِمَه نَه گَف بِژَنِم، چوم اِم دنیا رَئیس، که شیطان بِبو، کارا بومَی. اَ هیچ اِدعایی چِمِن سَری کا نیشَه؛

یوحنا 16:11

و داوری واسی، چوم اِم دنیا رئیس، مَحکوم بییَه.

رَسولون اَعمال 26:18

تا چَوون چِمون آکَری، جوری که تاریکی کا نوری را، و شیطانی قدرتی کا آگَردِن خِدا طرف، تا چَوون گناه اِن بَخشِسته بِبون، و اَ ایمانی واسی که بَه مِن هِستِشونَه، کسونی دیلَه کا که مقدّس بَیینه، جِگا بِدارِن.“

رومی کلیسارا نامه 8:38

چوم مُطمئنیمَه که نِه مرگ و نِه زِندگی، نِه ملائیکه اِن و نِه رئیسِن، نِه چییِنی که حِسَه اِستینه و نِه چییِنی که آینده کا اینه، نِه هیچ قدرتی،

اوّلین نامَه قورَنتیانیرا 15:50

اِی بِرااِن، اِمی شِمَه نَه بَواتیم که: جسم و خون نیمَشا خِدا پاُتشایی وارث بِبو و اَ چیی که از بِین بَشی، نیمَشا اَ چیی وارث بِبو که از بِین نِشو.

دوومین نامه قرنتیانیرا 11:14

و اِم عجیب نییَه، چوم که شیطان نی اِشتَن نوری ملائیکه شیوار وَج آکَرِه.

دوومین نامه قرنتیانیرا 4:4

اِم دورَه خِدا، بی ایمانون فیکری کور کَردَشه تا مسیح اِنجیلی جلالی نوری که خِدا دیمَه، مَوینِن.

نامه غلاطیَه کلیسارا 1:16

اِشتَن زوعَه بَه مِن کا آشکار آکَرِه تا غیریهودیون دیلَه کا اَیی اِعلام بِکَرِم، اَ موقع از جسم و خونی نَه مشورت نِکَردِمه،

نامَه اَفسوسی کلیسارا 1:21

که هَر ریاست، اِقتدار و قوّتی و فرمانروایی کا، کفاتَرَه و کَفاتَر هَر نومی کا، نِه فقط اِم دورَه زمانه کا بَلکَم آینده زمانه کا نی هَتَه.

نامَه اَفسوسی کلیسارا 1:3

مُتوارک بِبو خِدا و چَمَه خِداوند عیسایِ مسیح دَده، که اَمَه مسیح کا هَر بَرکت روحانی نَه،آسِمونی یَه جِگا اون کا بَرکت دوعَشَه.

نامَه اَفسوسی کلیسارا 2:2

و زمانی چَوون دیلَه کا زِندگی بَکَردیرون، اَ موقع که اِم دنیا راه اون کا و قدرت هوا رئیسی کا یعنی اِبلیسی کا اِطاعت بَکَردیرون، هَ روحی کا که حِسَه نی نافرمونی خِردَنون کا کار بَکَردی.

نامَه اَفسوسی کلیسارا 3:10

تا کلیسا واسطه نَه، خِدا جور بَه جور حِکمت، رئیسِن و قدرتِن، آسمونی یَه جِگا اون کا آشکار آبو.

نامَه کُولُسی کلیسا را 1:13

اَ، اَمَه تاریکی قدرتی کا رهایی دوشَه و ویسا آکَردِشَه اِشتَن عزیزَه زوعَه پاُتشایی دیلَه.

نامَه کُولُسی کلیسا را 2:15

اَ، رئیسون و قدرتون سِلاحون ویگِتِشه، و صلیبی نَه، اَوون اَفجور بَه و اَوون گِردی پیشی کا رِسوا کَردِشَه.

دِوُّمین نامَه تیموتائوسیرا 2:5

ایلَه پهلَوونی تاج آنِدَن مَگم اِم که، طبق مسابقه قانونون عمل بِکَرِه.

نامَه، عِبرانیه نَتاجَه مسیحیونرا 12:1

بَس چوم اِنتَه رَه شاهِدونی ایلَه یالَ خِری شیوار اَمَه دور آکَردَشونَه، بایَه اَمَه نی هَر بار و هَر گناهی که بَرک چَمَه دَس و پا کا دَپیچِستَه، اِشتَن کا دور آکَرَم و مقاومتی نَه اِم مسابقه‌ای کا که چَمَه ناری کا نوعَه، بیرویجَم.

نامَه، عِبرانیه نَتاجَه مسیحیونرا 12:4

شِمَه حَلا گناه ضِد جوری مقاومت نِکَرَه،که شِمَه خون ویبو.

پطروسی اوّلین نامَه 3:22

هَ عیسایِ مسیح که شَه آسِمون و حِسَه خِدا راستَ دَسی کایَه و ملائیکَه اِن و قدرتِن و قوّتِن چَیی مطیع بَیینَه.