نامَه اَفسوسی کلیسارا 5:26 - کتاب مقدس به زبان تالشی شمالی

²⁶ تا اَیی خِدا کلامی آوی نَه پاک آکَرِه و اِنتَه کلیسا تقدیس بِکَرِه،

کتاب مقدس به زبان تالشي - گویش مرکزی

²⁶ تا بَی خدا کلامی آوینَه پاجا آکَرِ و اِنترَکه کلیسا تقدیس بکرِ،

نامَه اَفسوسی کلیسارا 5:26 Iomraidhean Croise

یوحنا 13:10

عیسی اَیی نَه واتِشه: «اَ کسی که حَموم کَردَشه چَیی پا اون غِیِراز جِگایی شوشتِه اِحتیاج نیشَه، چوم که سَرتاپا پاکَه. شِمَه نی پاکیرونَه امّا نِه گِردِ شِمَه.»

یوحنا 15:3

شِمَه حِسَه اَ کلامی واسی که شِمَه نَه واتَمه، پاکی رونَه.

یوحنا 15:8

چِمِن دَده شکوه و جلال اِنتَه آشکار بَبی که شِمَه میوه وِر بواَرَه؛ و اِنتَه ثابت بَکَردیرون چِمِن شاگِردیرونَه.

یوحنا 17:7

حِسَه اَوِن بَزنین که هَر چِه که بَه مِن بَخشِستَره، اِشتِه طرفی نَه یَه.

یوحنا 3:5

عیسی جَواو دوشَه: «حقیقتن، تِنَه بَواتیم، تا کسی آو و خِدا روح کا دنیا ما، نیمَشا خِدا پاُتشایی دیلَه دَشو.

رَسولون اَعمال 22:16

حِسَه چِه چیی منتظریش؟ پِرِز و چَیی نومی دَخون و غُسل تعمید بِگه، اِشتِه گناه اون کا پاک آبو!“

رَسولون اَعمال 26:18

تا چَوون چِمون آکَری، جوری که تاریکی کا نوری را، و شیطانی قدرتی کا آگَردِن خِدا طرف، تا چَوون گناه اِن بَخشِسته بِبون، و اَ ایمانی واسی که بَه مِن هِستِشونَه، کسونی دیلَه کا که مقدّس بَیینه، جِگا بِدارِن.“

رومی کلیسارا نامه 10:8

ولی اَ چِه بَواتی؟ اِم که «اِم کلامْ اِشتِه نِزدیکی کا، اِشتِه گَ کا، و اِشتِه دیلی کایَه.» اِم هَ ایمانی کلامَه که اَمَه اِعلام بَکَردیمون،

اوّلین نامَه قورَنتیانیرا 6:11

بعضی شِمَه کا پیشتری اِنتَه بیرونه. امّا عیسایِ مسیحِ خِداوندی نومی کا و چَمَه خِدا روح واسطه نَه شوشتَه بیرونه، تقدیس بیرونَه و صالح حساب بَییرونَه.

دوومین نامه قرنتیانیرا 11:2

چوم که از شِمَه را غیرت هِستِمَه و اِم غیرت خِدا کایَه، چوم که از شِمَه ایلَه مِردی نَه، یعنی مسیح نَه، پِیوَندی کَردِمَه، تا شِمَه، ایلَه پاکَه باکِرَه ایی شیوار دَسپارِم چَیی دَس.

نامَه اَفسوسی کلیسارا 6:17

نجاتی کلاهخودی شِمَه سَری کا پِنَیَه و روح شمشیری که خِدا کلامَه، دَسی کا بِگِرَه.

نامَه کُولُسی کلیسا را 3:16

مَسیح کلام، فَت و فراوون شِمَه دیلَه کا بومونِه؛ تَمون حِکمتی نَه یَندی پَند و تعلیم بِدییَه، مزامیر، سرودون و آوازونی نَه که خِدا روح کا یَه، شُکرکَردِه نَه و صِدق دیلی نَه خِدا را بوخونَه.

نامَه تیتوسیرا 2:14

که اِشتَن جانی چَمَه راه کا آدوشَه، تا هَر شِرارتی کا اَمَه رهایی بِدَه و اِشتَرا پاکَه مردمی وَج آکَرِه که چَیی اِشتَن شِن بِبون که چاک کارون را غِیرت بِدارِن.

نامَه، عِبرانیه نَتاجَه مسیحیونرا 10:10

اَمَه عیسایِ مسیح بَدنی قِربونی کَردِه واسطه نَه، ایی کَرَه همیشه را، چَیی را وقف بیمونَه.

نامَه، عِبرانیه نَتاجَه مسیحیونرا 10:14

چوم ایلَه قِربونی نَه،کسونی که وقف بَبین تا اَبَد کامل کَردَشه.

نامَه، عِبرانیه نَتاجَه مسیحیونرا 10:22

بایَه صِدق دیلی نَه و کاملَه ایمانی نَه بِه خِدا نِزدیک آبییَم، و چَمَه دیلون بَدَه وِجدانی کا پاک آکَرَم و چَمَه بَدنی پاکَ آوی نَه بوشورَم.

نامَه، عِبرانیه نَتاجَه مسیحیونرا 10:29

شِمَه خَیال بَکَردیرون اَ کسی حق که خِدا زوعَه پا جیر بِنَه، و اَ عهدی خون که اَیی را وقف بییَه بی حُرمت کَردَشَه، و فیضی روح بی عزّت کَردشَه، چِه چَتین تَرَه مجازاتی چَیی سَر بومَی؟

نامَه، عِبرانیه نَتاجَه مسیحیونرا 13:12

هَتَه نی، عیسی نی شهری بَرنگاه بِرونی کا عذاب کَشِشَه تا اِشتَن خونی واسطه نَه، مردمی تَقدیس بِکَرِه.

نامَه، عِبرانیه نَتاجَه مسیحیونرا 4:12

چوم خِدا کلام، زِنده یَه و کار بَکَردی، و هَر دِ دَمَه شَمشیری کا تیجتَرَه، و جوری دَوِرِه که نفس و روح، و مَفصلون و مَزگ و اَستَه نی جِدا آکَرِه، و دیلی نیّتون و فیکرون تشخیص بَدای.

نامَه، عِبرانیه نَتاجَه مسیحیونرا 9:14

چِندی وِرتَر، مَسیح خون که اَ اَبَدی یَه روح واسطه نَه، اِشتَن بی‌عیب، خِدا را تقدیم کَردِشه. چَیی خون چَمَه وجدانی بیخودی یَه کارون کا پاک بَکَردی تا بِشایَم خدای زِنده خدمَت بِکَرَم!

یعقوبی نامَه 1:18

اَ، اِشتَن اِراده نَه کلامی حقیقتی نَه اَمَه خلق کَردِشه تا چَیی مخلوقاتی نوبَر بِبییَم.

پطروسی اوّلین نامَه 1:2

کسونی را که طبق خِدای دَده پیشدانی و خِدا روح کاری واسطه نَه که تقدیس‌ بَکَردی، عیسایِ مَسیح اِطاعت کَردِه کا و چَیی خون که چَوون سَری کا پِشَندَه بَه، اِنتخاب بَیینه: فیض و صُلح و سلامتی فَت و فَراوون شِمه را با.

پطروسی اوّلین نامَه 3:21

و اَ آو اَ غُسل تعمیدی نِمونه یَه که حِسَه شِمَه نجات بَدای، ایلَه تعمیدی که تَنی کثیفی را نییَه، بَلکَم ایلَه پاک وجدانی آرزویَه که پیستِشَه خِدا بِوینِه. اِم تعمید عیسایِ مَسیح زِندَه آبییِه واسطه نَه شِمَه نجات بَدای.

پطروسی دومین نامه 1:9

چوم هَر کَسی که اِم صِفتون نیشَه، هِندی کورَه که اِشتَن پا پیشی نی نِوینِه، و ویر بَرکَردَشه که اِشتَن قدیمَه گناه اون کا پاک آبییَه.

یوحنا اوّلین نامَه 5:6

اَ هَ کسی یَه که آو و خونی نَه اومَه، یعنی عیسایِ مسیح. نِه فقط آوی نَه، بَلکَم آو و خونی نَه؛ و خِدا روح اِستَه که شهادتی بَدای، چوم خِدا روح، حَقیقتَه.

یهودا نامه 1:1

یهودا طرفی کا، عیسی مسیح نوکر و یعقوبی بِرا، کسونی را که دعوت بَیینه و خِدای دَده کا عزیزگِرامی اینه، و کسونی که عیسایِ مسیح واسی حفظ بَیینه: