نامَه اَفسوسی کلیسارا 5:2 - کتاب مقدس به زبان تالشی شمالی

² و محبتی نَه رفتار بِکَرَه، هَتَه که مسیح اَمَه محبت کَردِشه و اِشتَن جانی چَمَه راه کا، ایلَه قِربونی و خوشبویَه هدیه‌ای شیوار خِدا تقدیم کَردِشه.

کتاب مقدس به زبان تالشي - گویش مرکزی

² و موحبتینه رفتار بکرَ، هته کن مسیح نی اَمَش موحبَت کردَ و اِشتَن جانی، هنته ایلَه قِربونی و عَطرینَه خَلایی شیوار خدارا تقدیم کردش.

نامَه اَفسوسی کلیسارا 5:2 Iomraidhean Croise

مَتّی 20:28

حتی اِنسانی زوعَه نی اومَه نییَه تا اَیی خدمت بِکَرِن، بَلكَم اومَه تا مردمی خدمت بِکَرِه و اِشتَن جانی وِر کَسون آزادی را فیدا بِکَرِه.»

یوحنا 13:34

ایلَه تازه حُکمی آدَم شِمَه، و اَ اِمَه که یَندی نَه خِش بِبییَه. هَتَه که اَز شِمَه نَه خِش بیمَه، شِمَه نی بَسی یَندی نَه خِش بِبییَه.

یوحنا 6:51

نونی که زندگی بَبخشِستی اَزیمَه که آسِمونی کا اومَیمَه. هَر کسی اِم نونی کا بَردی، تا اَبَد زِنده بَمندی. نونی که اَز آدَم تا دنیا مردم زندگی بِدارِن، چِمِن بَدنَه.»

رومی کلیسارا نامه 15:16

که مسیحْ عیسی نوکر، غیریهودیون را بِبوم و خِدا اِنجیلی خدمت کَردِه را کاهِنَتی بِکَرِم، تا غیریهودیِن خِدا درگاه کا قابِلِ قبولَ هدیه ای بِبون که روح القدسی واسطه نَه تَقدیس بییَه.

رومی کلیسارا نامه 4:25

اَ که چَمَه گناه اون واسی مرگی تسلیم بَه و چَمَه صالِح حساب بییِه واسی، مَردَه اون دیلَه کا زِنده آبَه.

رومی کلیسارا نامه 8:3

چوم که شریعت اَ چیی، اِمی واسی که آدَمی جِسم ضعیفَه، نِشاستِشه اَنجام بِدَه، خِدا اَنجام دوشَه. اَ اِشتَن زوعَه، ایلَه گناه کارَه جِسمی شیوار ویسا آکَردِشه تا ’گناه را قِربونی‘ بِبو، و اِنتَه جِسمی دیلَه کا، گناه محکوم کَردِشه.

رومی کلیسارا نامه 8:37

نِه، گِردِ اِم کارون کا اَمَه کسونی کا که پیروزی نَه سَرتریمونه، چَیی واسطه نَه که اَمَه محبت کَردِشه.

اوّلین نامَه قورَنتیانیرا 16:14

شِمَه کارِن گِرد محبتی نَه بِبون.

اوّلین نامَه قورَنتیانیرا 5:7

اِشتَن کَنه خمیرَه مایَه کا پاک آکَرَه تا، تازه خمیر بِبییَه، چوم که راس راسی نی بیدون خمیرمایَه ایرونه. چوم مسیح، چَمَه پِسَخَ عِیدی وَرَه، قِربونی بَه.

دوومین نامه قرنتیانیرا 2:14

امّا خِدا را شُکر که، همیشه مسیح کا، اَ اِشتَن پیروزی کا اَمَه راهنمایی بَکَردی و چَیی دانای یَه عطری چَمَه واسطه نَه گِردِ جِگاکا پخش آکَرِه.

دوومین نامه قرنتیانیرا 2:15

چوم که اَمَه خِدا را، مسیح خوشبوعَه بو ایمونَه، چَه کسونی دیلَه کا که نجات پیدا کَردَشونه، چِه کسونی دیلَه کا که هَلاک بَبین.

دوومین نامه قرنتیانیرا 8:9

چوم چَمَه خِداوند عیسایِ مسیح فیضی کا خَوَر دارَه که هَر چَن دولتمند بَه، شِمَه واسی نَدار آبَه تا شِمَه چَیی نَداری کا دولتمند بِبییَه.

نامه غلاطیَه کلیسارا 1:4

که اِشتَن جانی چَمَه گناه اون راه کا آدوشَه، تا اَمَه، خِدا اِراده نَه و چَمَه دَده، اِم شَرَه دورانی کا رهایی بِدَه.

نامه غلاطیَه کلیسارا 2:20

از مسیح نَه صلیبی سَری کا مصلوب بیمَه، و اِم دِ از نیمَه که زِندگی بَکَردیم، بَلکَم مسیح اِستَه که چِمِن دیلَه کا زندگی بَکَردی؛ و اِم زِندگی که حِسَه جِسمی کا بَکَردیم، خِدا زوعَه ایمانی نه یَه که مِنَه خِش بَه و اِشتَن جانی چِمن واسی فیدا کَردِشه.

نامَه اَفسوسی کلیسارا 1:4

چوم دنیا خَلق بییِه پیش، اَمَه مسیح دیلَه کا اِنتخاب کَردِشه تا چَیی حضوری کا مقدّس و بی‌عیب بِبَیم. محبتی کا،

نامَه اَفسوسی کلیسارا 3:17

تا ایمانی واسطه نَه، مسیح شِمَه دیلون دیلَه کا بومونِه و محبتی کا بِنَه بِژَنَه، پابَرجا بِبییَه،

نامَه اَفسوسی کلیسارا 3:19

و مسیح محبتی که بَشَری یَه معرفتی کا کَفاتَرَه، آزونَه- تا خِدا تمام کمالَ پُوری کا لِبالِب بِبییَه.

نامَه اَفسوسی کلیسارا 4:15

بَلکَم حقیقتی واتِه محبتی نَه، هَر لحاظی کا چَیی قَدَر که سَر اِستَه، یعنی مسیح، رُشد بَکَردیمون.

نامَه اَفسوسی کلیسارا 4:2

فروتنی و ملایمت کاملی نَه؛ و صبر و محبتی نَه یَندی تحمل بِکَرَه.

نامَه اَفسوسی کلیسارا 5:15

بَس، شِمَه هَواس وِر جمع بِبو که چِنتَه رفتار بَکَردیرون، دانایون شیوار رفتار بِکَرَه نِه نادونون شیوار.

نامَه اَفسوسی کلیسارا 5:25

اِی مِردَکِن، شِمَه ژِنَکون نَه خِش بِبَیه، هَتَه که مسیح نی کلیسا نَه خِش بَه و اِشتَن جانی اَیی را فیدا کَردِشَه،

نامَه فیلیپی کلیسا را 4:18

شِمَه کُمکِن کامل آرَستینَه چِمِن دَس و چِمِن اِحتیاجی کا نی وِرتَر هِستِمه. حِسَه که شِمَه کمکی که اِپافْرودیتوسی واسطه نَه بَه مِرا ویسا آکَردَرونَه، ویگتَمَه، حسابی تامینیمَه، شِمَه هدیه خوشبویَه عطر و مَقبولَه قِربونی یَه که خِدا راضی بَکَردی.

نامَه کُولُسی کلیسا را 3:14

و چِمون گِردی سَری کا مُحبتی خَلا دَکَرَه که گِردِ چییون یَندی نَه ایلَه تمام کمالَ اِتحادی نَه پیوند بَدای.

اوّلین نامَه تَسالونیکی کلیسا را 4:9

حِسَه بِرااونَه محبتی درباره شِمَه نیازی نیرونَه کسی چیی شِمَه را بینیویسِه، چوم که شِمَه اِشتَن خِدا واسطه نَه آموتَرونه که یَندی نَه خِش بِبییَه،

اوّلین نامَه تیموتائوسیرا 2:6

اَ که اِشتَن جانی آدوعِه نَه، گِردِ آدَمون خون بَها آدوشَه. اِم حقیقتی را مِناسِبَ وختی کا شهادتی دوعَه بَه.

اوّلین نامَه تیموتائوسیرا 4:12

مَرزِن هیچکس اِشتِه جَوونی روک بِزونِه، بَلکَم گف ژندِه کا، کِرداری کا، محبتی کا، ایمانی کا و پاکی کا، گِردِ ایماندارون را سَرمشق بِبَش.

نامَه تیتوسیرا 2:14

که اِشتَن جانی چَمَه راه کا آدوشَه، تا هَر شِرارتی کا اَمَه رهایی بِدَه و اِشتَرا پاکَه مردمی وَج آکَرِه که چَیی اِشتَن شِن بِبون که چاک کارون را غِیرت بِدارِن.

نامَه، عِبرانیه نَتاجَه مسیحیونرا 8:3

چوم که هَر یالَ کاهِنی تعیین بَبی تا هدیه اون و قِربونی یون تقدیم بِکَرِه، اِمی واسی، بَس اِم کاهِن نی بَسی ایی چیی بِدارِه تقدیم بِکَرِه.

نامَه، عِبرانیه نَتاجَه مسیحیونرا 9:14

چِندی وِرتَر، مَسیح خون که اَ اَبَدی یَه روح واسطه نَه، اِشتَن بی‌عیب، خِدا را تقدیم کَردِشه. چَیی خون چَمَه وجدانی بیخودی یَه کارون کا پاک بَکَردی تا بِشایَم خدای زِنده خدمَت بِکَرَم!

نامَه، عِبرانیه نَتاجَه مسیحیونرا 9:23

بَس، بَسی اِم چییون که ایلَه نمونه آسِمونی یَه چیون کایَه، اِم قربونیون نَه پاک آبون، امّا آسمونی یَه چییِن اِشتَن اَ قِربونیونی نَه که اِمون کا چاکترَه، پاک بَبین.

نامَه، عِبرانیه نَتاجَه مسیحیونرا 9:26

چوم اِنتَه، مسیح بَسی دنیا خَلق بییِه موقع نَه، یِکسرَه عذاب کَشَش بِبو، امّا اِنتَه نِبَه، اَ حِسَه ایی کَرَه همیشه را آخِر زَمانون کا اومَه تا اِشتَن قِربونی کَردِه نَه، گناه از بِین بِبَرِه.

پطروسی اوّلین نامَه 4:8

گِردی کا مُهمتَر، یَندی نَه صِدق دیلی نَه خِش بِبییَه، چوم که خِش بییِه، وِرَه گناه اون پوشونِه.

یوحنا اوّلین نامَه 3:16

محبتی اوآنه یاد گِتِمونه که اَ، اِشتَن جانی چَمَه راه کا فیدا کَردِشه، و اَمَه نی بَسی چَمَه جانی چَمَه بِرا اون راه کا فیدا بِکَرَم.

یوحنا اوّلین نامَه 3:23

و چَیی حُکم اِمَه که چَیی زوعَه عیسای مسیح نومی ایمان بواَرَم و یَندی محبت بِکَرَم، هَتَه که بَمون دستور دوعَشَه.

یوحنا موکاشیفَه 1:5

و عیسایِ مسیح طرفی کا، اَ وفادارَه شاهِد و اوّلین کسی که مَردَه اون دیلَه کا زِنده آبَه و پاُتشااون حاکِم، زمینی سَری کا. اَ که اَمَه نَه خِشَه و اِشتَن خونی نَه، اَمَه چَمَه گناه اون کا رَهایی دوشَه،

یوحنا موکاشیفَه 5:9

و اَوِن تازَه سرودی خَندِشونَه که بَواتی: «تِه لایقیش که اَ طوماری ویگِری و چَیی مُهرون بِچاکِنی، چوم که تِه قربونی بیشَه، و اِشتِه خونی نَه مردمی، هَر طایفه و زَوون و مردم و میلّتی کا، خِدا را خِریرَه؛