نامَه اَفسوسی کلیسارا 4:9 - کتاب مقدس به زبان تالشی شمالی

⁹ اِم گفی معنی که ’شَه کفا‘، چَه، اِمی غِیراز که زمینی پست تَرین جِگااون را جیر اومَه بَه؟

کتاب مقدس به زبان تالشي - گویش مرکزی

⁹ اِم گَف کن «اَ کفارا شَه»، معنی چِه چییَه، غَیرَاز اِمکن زَمینی پست ترین جِگا اونرا بِن ویرمَه بَه؟

نامَه اَفسوسی کلیسارا 4:9 Iomraidhean Croise

مَتّی 12:40

چوم هَتَه كه یونس سه روز و سه شَو ایلَه یالَ مایی اِشکمی کا مَندَه، اِنسانی زوعَه نی سه روز سه شَو زمینی دیلی دیلَه کا بَمَندی.

یوحنا 20:17

عیسی اَیی نَه واتِشه: «بَه مِن دَس مَژَن، چوم حَلا دَده وَر کفا را شَه نیمَه. امّا بِش چِمِن بِرا اون وَر و اَوون نَه بوآج که چِمِن دَده وَر و شِمَه دَده وَر، چِمِن خِدا وَر و شِمَه خِدا وَر بَشیم کفا.»

یوحنا 3:13

هیچکس کَفا شَه نییَه آسِمون، مَگم اَ کسی که آسِمونی نَه اومَه بِبو جیر، یعنی اِنسانی زوعَه[که آسِمونی کایَه].

یوحنا 6:33

چوم خِدا نون، اَ کسی یَه که آسِمونی کا نازل بییَه، و بِه دنیا زندگی بَبخشِستی.»

یوحنا 6:38

چوم اَز آسِمونی نَه اومَیمه جیر، نِه اِمی واسی که چِمِن پیستَه اَنجام بِدم، بَلکَم اومَیمه تا چِمِن ویسا آکَردَه پیستَه اَنجام بِدم.

یوحنا 6:41

اَ موقع یهودییِن دَمندینَه چَیی واسی غُرغُر کَرده، چییرا که واتَش بَه: «اَزیمَه اَ نونی که آسِمونی نَه اومَیمه.»

یوحنا 6:51

نونی که زندگی بَبخشِستی اَزیمَه که آسِمونی کا اومَیمَه. هَر کسی اِم نونی کا بَردی، تا اَبَد زِنده بَمندی. نونی که اَز آدَم تا دنیا مردم زندگی بِدارِن، چِمِن بَدنَه.»

یوحنا 6:58

اِمَه اَ نونی که آسِمونی کا اومَه؛ نِه اَ نونی شیوار که شِمَه اَجداد هَردِشونَه، و با اِم حال مَردی نَه؛ بَلکَم هر کسی اِم نونی کا بَردی، تا اَبَد زِنده بَمَندی.»

یوحنا 6:62

بَس اَگم بِوینَه اِنسانی زوعَه بَشی کفا جِگایی را که اوّل اِستبَه، چِه بَکَردیرون؟

یوحنا 8:14

عیسی چَوون جَواوی کا واتِشه: «حتی اَگم اَز درباره اِشتَن شهادتی بِدم، چِمِن شهادتی اِعتبارِش اِستَه، چوم بَزنیم کیاکا اومَیمَه و کییا بَشیم. امّا شِمَه نیمَزنه از کییاکا اومَیمَه و کییا بَشیم.

نامَه، عِبرانیه نَتاجَه مسیحیونرا 2:7

ته اَیی روکَته زَمان، ملائیکه اون کا پَست تَر کَردِره، جَلال و اِفتخاری تاجی چَیی سَری کا پِنورَه،

نامَه، عِبرانیه نَتاجَه مسیحیونرا 2:9

امّا اَمَه اَیی که روکَتِه زمان، ملائیکه اون کا پَست تَر بَه بَویندیمون، یعنی عیسی، که مرگی عذابی واسی، جلال و حُرمتی تاج چَیی سَری کا نوعَه بَه، تا خِدا فیضی واسطه نَه گِردی واسی مرگی مَزَه بِچَشِه.