نامَه اَفسوسی کلیسارا 4:7 - کتاب مقدس به زبان تالشی شمالی

⁷ امّا هَر کمیله اَمَه را مسیح بَخشِشی قَدَر، فیض بَخشِستَه بییَه.

کتاب مقدس به زبان تالشي - گویش مرکزی

⁷ ولی اَمه هر کِرَمیرا مسیح بخشِشی اَندازَ، فِیضِشون بخشِستیَه.

نامَه اَفسوسی کلیسارا 4:7 Iomraidhean Croise

مَتّی 25:15

هَر نوکری چَیی توانایی قَدَر آدوشَه، ایی نفری پینج قنطار یعنی ایلَه کاریگری صد سالی دَسمُزدی قَدَر، اَ ایلَه، دِ قنطار یعنی ایلَه کاریگری چهل سالی دَسمُزدی قَدَر، اَ ایلَه، ایی قنطار یعنی ایلَه کاریگری بیست سالی دَسمُزدی قَدَر آدوشَه، و دومله شَه سفر.

یوحنا 3:34

کسی که خِدا طرفی نَه ویسا آبَه، خِدا کلامی بَواتی، چوم خِدا اِشتَن روح، بی اَندازه عَطا بَکَردی.

رومی کلیسارا نامه 12:3

چوم فیضی واسطه نَه که بَه مِن آدوعَه بییَه، شِمَه هَر کمیله نَه بَواتیم که اِشتَن اَ چیی کا که اِستیرونه، وِرتَر مَزونه، بَلکَم هَر کمیله اَ ایمانی اَندازه که خِدا، شِمَه بَخشِستَشه، دُرست قِضاوت بِکَرَه.

دوومین نامه قرنتیانیرا 6:1

بَس اَ چیونی کا که خِدا همکارونیمونه، شِمَه کا خواهیشت بَکَردیمون که خِدا فیضی بیخودی بِه دَس مَواَرَه.

نامَه اَفسوسی کلیسارا 3:2

بیدون شَک شِمَه اِم جریانی درباره دَرَسَرونه که خِدا فیضی نظارت شِمَه خِدمتی واسی بَه مِن آدوعَه بییَه.

نامَه اَفسوسی کلیسارا 3:8

هَر چَن که از گِردِ مقدّسون دیلَه کا گِردی کا کَمترینیمَه، اِم فیض بَه مِن آدوعَه بَه تا مسیح بَرکَه گنجون خَوَری غیریهودیون را اِعلام بِکَرِم،

نامَه، عِبرانیه نَتاجَه مسیحیونرا 2:4

هَتَه که خِدا نی، جور بَه جورَه نیشونَه و عجیب غریبَه مُعجزه اون، و روح القدسی عَطیَه اون که طبق اِشتَن اِراده آدَه، اَ نجاتی را شهادتی دوشَه.

پطروسی اوّلین نامَه 4:10

شِمَه هَر کَمیله طبق اَ عَطیه ای که ویگِتَرونَه، اَیی یَندی خدمَت کَردِه را بِه کار بِگرَه، ایلَه خِدمتکاری شیوار که خِدا جور بَه جورَه فیضی را خِدمت بَکَردی.