نامَه اَفسوسی کلیسارا 4:30 - کتاب مقدس به زبان تالشی شمالی

³⁰ خِدا قدوسَ روح که اَیی نَه آزادی روزی را مُهر بَه ایرونه، ناراحت آمَکَرَه.

کتاب مقدس به زبان تالشي - گویش مرکزی

³⁰ خدا موقدسَه روح کن اَینَه رخِستِه روجیرا مُهر بَه ایرون، برضَخ آنِکرَ.

نامَه اَفسوسی کلیسارا 4:30 Iomraidhean Croise

مَرقُس 3:5

عیسی، اَوونی که چَیی دور و بَری کا مَند بینَه غَضبی نَه دییَشته و چَوون سِنگدیلی کا ناراحت بَه. دومله اَ مِردی نَه واتِشه: «اِشتِه دَسی دِراز آکَه.» اَ مِرد اِشتَن دَسی دِراز آکَردِشه و چَیی دَس وَج آبَه.

انجیل لوقا 21:28

وختی اِم چیون اِتِفاق دَلَکِه شروع بَه، راست بومونَه و شِمَه سَرون کَفا بِگِرَه، چوم شِمَه آزادی نِزدیکه!»

یوحنا 3:33

هَر کسی که چَیی شهادتی قبول بِکَرِه، تائید بَکَردی که خِدا حقیقتَه.

رَسولون اَعمال 7:51

«اِی یاغی یَه مردم! ای کسونی که شِمَه دیلِن و شِمَه گوشِن خَتنه بَه نینَه! شِمَه نی شِمَه اَجدادی شیوار همیشه روح القدسی ضِد چَیی پیشی کا مُقاومت بَکَردیرون.

رومی کلیسارا نامه 8:11

اَگم روحی که عیسی مَردَه اون دیلَه کا زِنده آکَردِشه شِمَه دیلَه کا بومونِه، اَیی که مسیح عیسی مَردَه اون دیلَه کا زِنده آکَردِشه، اِشتَنِش روح واسطه نَه که شِمَه دیلَه کایَه، شِمَه مَردَه بَدَنون نی زِندگی آدَه.

رومی کلیسارا نامه 8:23

و نِه فقط خِلقت، بَلکَم اَمَه اِشتَن که خِدا روح نوبری هِستِمونه، چَمَه دیلی دیلَه کا ناله بَکَردیمون، هَتَه که اِشتیاقی نَه زوعَه اون مقامی کا، فرزند خوندَگی مُنتظریمونه، یعنی چَمَه بَدَنون رهایی.

اوّلین نامَه قورَنتیانیرا 1:30

چَیی واسی یَه که شِمَه مسیحْ عیسی کا ایرونه. اَ مسیحْ عیسی که خِدا طرفی کا اَمَه را حِکمت بییَه، یعنی صالحی، قدّوسیت و آزادی.

اوّلین نامَه قورَنتیانیرا 15:54

وختی که اِم بَدن که از بِین بَشی اَ بَدنی که از بِین نِشو دَکَرِه و بَدنی که فانی یَه بَدنی که فانی نییَه دَکَرِه، اَ موقع اِشعَیای پِیغمبری اَ نیویشته اِتِفاق دَلَکِه که بَواتی: «پیروزی، مرگی ویبَردَشه.»

اوّلین نامَه تَسالونیکی کلیسا را 5:19

خِدا روح آتشی مَدَکِشه؛

نامَه، عِبرانیه نَتاجَه مسیحیونرا 10:29

شِمَه خَیال بَکَردیرون اَ کسی حق که خِدا زوعَه پا جیر بِنَه، و اَ عهدی خون که اَیی را وقف بییَه بی حُرمت کَردَشَه، و فیضی روح بی عزّت کَردشَه، چِه چَتین تَرَه مجازاتی چَیی سَر بومَی؟

نامَه، عِبرانیه نَتاجَه مسیحیونرا 3:10

اِمی واسی، اَ نَسلی را خشمگین بیمَه و واتِمَه: ”اِمِن هَمیشه اِشتَن دیلی کا گمراهی نَه، و چِمِن راه اون آزونِستَه نیشونَه؛“

نامَه، عِبرانیه نَتاجَه مسیحیونرا 3:17

و چِه کَسونی را چِل سال خشمگین بَه؟ مَگم کسونی نِبینَه که گناه کَردِشونَه و چَوون جَنازه اِن ویاوونی کا دَلَکینه؟