نامَه اَفسوسی کلیسارا 4:28 - کتاب مقدس به زبان تالشی شمالی

²⁸ دِزد دِ دِزدی مَکَرِه، بَلکم زحمت بِکَشِه، و اِشتَن دَسون نَه صِداقتی نَه کار بِکَرِه، تا بِشا نیازمَندون نی ایی چیی آدَه.

کتاب مقدس به زبان تالشي - گویش مرکزی

²⁸ پِتارچی دِ مَپِتارِ، بَسکم زَمَت بکَشِه، و اِشتَن بالونَّه صیداقَتینَه کار بکَرِ، تا بشا دَسدَریسون نی چیی ایی بدرِ.

نامَه اَفسوسی کلیسارا 4:28 Iomraidhean Croise

انجیل لوقا 19:8

زَکّا پِرِشتَه و عیسایِ خِداوندی نَه واتِشه: «آقا دَیِس، چِمِن دارایی نِصبی آدَم فَقیرون. و اَگم کسی کا چیی ناحَق ویگِتَمَه، چار برابر بَیی آگاردِنِم.»

انجیل لوقا 3:8

شِمَه اَعمالی نَه نیشون بِدییَه که توبَه رون کَردَه و اِشتَن نَه مَواجَه که: ”اَمَه اِبراهیم پیغمبری نَسلی کا ایمونَه.“ چوم که شِمَه نَه بَواتیم خِدا قادِرَه اِم سِنگون کا اِبراهیمی را خِردَنونی خَلق بِکَرِه.

یوحنا 12:6

یهودا اِمی واتِشه نِه اِمی واسی که فَقیرون فیکری کا بَه، بَلکَم اِمی واسی بَواتی که دِزد بَه؛ گروه خرجی پوله کیسه چَیی وَری کا بَه و یهودا اَ پولی کا اِشترا نی پِگِری.

یوحنا 13:29

بعضی خَیال کَردِشونَه که چوم، گروه خرجی پول کیسه یهودا دَسی کا بَه، عیسی اَیی نَه بَواتی چییونی که عیدی را لازم دارَم بِخِرِه، یا اِم که چیی آدَه فَقیرون.

رومی کلیسارا نامه 12:13

مُقدّسون نیازون برطرف کَردِه کا شریک بِبییَه و میهمون‌ نواز بِبییَه.

اوّلین نامَه قورَنتیانیرا 4:12

چَمَه اِشتَن دَسی نَه کار بَکَردیمون و زحمت کَشَم. وختی اَمَه نیفرین بِکَرِن، چَوون را خیر دعا بَکَردیمون؛ و وختی اَمَه اَذیت آزار بِکَرِن، تاو بواَردیمون.

دوومین نامه قرنتیانیرا 8:12

چوم اَگم ذوق و شوق بِبو، اَ آدَمی هدیه مُطابق اَ چی که دارِه قَبول بَبی، نِه مطابق اَ چی که نیشَه.

دوومین نامه قرنتیانیرا 8:2

چوم که اَوِن مصیبتی واسی، بَرک آزمایش بینَه، ولی بی حَد و اَندازه شادی نَه و با اِم که وِر فقیری نَه، ولی دَس دیل بازی نَه.

نامه غلاطیَه کلیسارا 6:10

بَس تا فرصت هِستِمونه گِردِ مردمی را چاکی بِکَرَم، اَلَلخصوص کَسونی را که بِه مسیح ایمان هِستِشونه.

اوّلین نامَه تیموتائوسیرا 6:18

اَوون دستور بِدَه که چاکی بِکَرِن و چاکَه کارون دیلَه کا دولتمند بِبون، دَس و دیل باز و بَخشندَه بِبون.

نامَه تیتوسیرا 3:14

بِدا چَمَه مردم باموجِن اِشتَن، اِحتیاجاتی برطرف کَردِه واسی چاکَ کارون را وَقف بِکَرن و بی‌ ثمر مَبون.

نامَه تیتوسیرا 3:8

بَبی اِم گَفی اِعتماد کَردِه. و تِکا پیستِمَه که اِم چییون را اِصرار بِداری، تا کسونی که خِدا ایمان وَردَشونه، هَواسِشون جمع بِبو که اِشتَن وقف چاکَ کاروون بِکَرِن. اِم چیی اِن مردمی را چاک و فایدَه داری نَه.