نامَه اَفسوسی کلیسارا 4:25 - کتاب مقدس به زبان تالشی شمالی

²⁵ بَس، دوروع واتِه بِنییَه کَنار، هَر کمیله شِمَه خَمسوعه نَه، راستی نَه گف بِژَنَه، چوم که اَمَه گِرد، یَندی نَه ایلَه اَعضا ایمونَه.

کتاب مقدس به زبان تالشي - گویش مرکزی

²⁵ پس، دِروو کا دس پِگِرَ، هر کِرَم شمَکا اِشتَن خَمسوعَنَه، راستَه گف بواجِه، چیرا کن اَمه گِرد، یَندِ ایلَه اَعضاایمون.

نامَه اَفسوسی کلیسارا 4:25 Iomraidhean Croise

یوحنا 8:44

شِمَه، شِمَه دَده اِبلیسی شِنیرونَه و چَیی پیستَه چییون اَنجام بَدایرون. اَ صِفته نَه آدَمکِش بَه و حقیقتی نَه کاریش نییَه، چوم هیچ حقیقتی اَیی کا نییَه. هَر موقع دوروع بَواتی، اِشتَن شخصیتی کا بَواتی؛ چوم که دروعه واج و دوروعه واجون دَده یَه.

رومی کلیسارا نامه 12:5

بَس اَمَه نی که وِریمونَه، مسیح کا ایلَه بَدنیمونَه و گِلَه گِلَه، یَندی اَعضا ایمونَه.

اوّلین نامَه قورَنتیانیرا 10:17

چوم که نون ایلَه یَه، اَمَه وِریمونه، ایلَه بَدَنیمونه، چوم که گِرد ایلَه نونی کا سهم بَبَردیمون.

دوومین نامه قرنتیانیرا 7:14

چوم که از چَیی وَری کا هَر نظری کا شِمَه را اِفتخار کَردِمَه و شِمَه مِن شرمنده نِکَردِرونه. بَلکَم هَر چیی که شِمَه نَه واتِمونَه دُرست بَه، ثابت بَه که چَمَه اِفتخار تیتوسی وَری کا بِه جا بَه.

نامَه اَفسوسی کلیسارا 4:15

بَلکَم حقیقتی واتِه محبتی نَه، هَر لحاظی کا چَیی قَدَر که سَر اِستَه، یعنی مسیح، رُشد بَکَردیمون.

نامَه اَفسوسی کلیسارا 4:22

تا شِمَه قدیمَه زِندگی رَوِشی یعنی اَ قدیمَه آدَمی که دوروعَه پیستَه اون واسطه نَه فاسِد بَه، شِمَه بَدَنی کا بَرورَه.

نامَه اَفسوسی کلیسارا 4:31

هَر جورَه تِلی، خشم، عصبانیت، خَرا خِلِع، بُختون و هَر جورَه بَدخواهی اِشتَن کا دور آکَرَه.

نامَه اَفسوسی کلیسارا 5:30

چوم که اَمَه، چَیی بَدنی اَعضا ایمونه.

نامَه کُولُسی کلیسا را 3:8

امّا حِسَه بَسی گِردِ اِمون بِنییَه کَنار: یعنی خَشم، غضب، بَدخواهی، بُختون و بِدَه گَفِن که شِمَه گَ کا بِرون بومَین.

نامَه کُولُسی کلیسا را 3:9

یَندی نَه دوروع مَواجَه، چوم شِمَه اَ قَدیمَ آدَمی چَیی کارون نَه شِمَه بَدنی کا بِرون بَروَردَرونه،

اوّلین نامَه تیموتائوسیرا 1:10

زناکارون و لَواط گَرون را؛ کسونی را که بَردَه خرید و فروش بَکَردین، دوروعَه واجون و کَسونی را که دوروعَه قَسَم بَردین، و هَر چیی که دُرستَ تعلیمی ضِدَه،

اوّلین نامَه تیموتائوسیرا 4:2

دروعَه واجِن و دِ دیمِن اِنتَه رَه تعلیمون بواَردین که چَوون وجدان مَردَه یَه.

نامَه تیتوسیرا 1:12

چَوون ایلَه پِیغمبرون کا واتَشه: «کْرِتی مردم گِرد دروعَه واجی نَه، شَرورَه وحشی یَه حَیوون و اِشکم پَرَست و تنبلی نَه.»

نامَه تیتوسیرا 1:2

اِم حقیقت اَبَدی یَه زِندگی اُمیدی نَه یَه که خِدایی که دوروع نِواجِه، صِفتَه نَه چَیی وَعده اَمَه دوشَه

نامَه، عِبرانیه نَتاجَه مسیحیونرا 12:1

بَس چوم اِنتَه رَه شاهِدونی ایلَه یالَ خِری شیوار اَمَه دور آکَردَشونَه، بایَه اَمَه نی هَر بار و هَر گناهی که بَرک چَمَه دَس و پا کا دَپیچِستَه، اِشتَن کا دور آکَرَم و مقاومتی نَه اِم مسابقه‌ای کا که چَمَه ناری کا نوعَه، بیرویجَم.

یعقوبی نامَه 1:21

بَس هَر جورَه فِساد و هَر جورَه شِرارتی اِشتَن کا دور آکَرَه و فروتنی نَه، کلامی که خِدا شِمَه دیلی دیلَه کا نِشا کَردَشه قبول بِکَرَه. اَ کلامی که بَشای شِمَه جانون نِجات بِدَه.

پطروسی اوّلین نامَه 2:1

بَس هَر جورَه بَدی، و هَر جورَه حیلّه و دِ دیمی و حسودی، و هَر اِفتِرایی اِشتَن کا دور آکَرَه.

یوحنا موکاشیفَه 21:8

ولی تَرسو اِن و بی ایمانِن و فاسِدِن و آدَمکِشِن و زِنا کارِن و جادوگرِن و بُت‌پرستِن و گِردِ دروعَه واجِن، چَوون گِردی سهم، دریاچه ای بَبی که گوگِرد و آتشی نَه وَش گِتَشه. اِم دوّمین مَرگَه.»

یوحنا موکاشیفَه 22:15

اِسبَه اِن و جادوگرِن و زنا کارِن و آدَمکِشِن و بُت‌پرستِن و گِردِ کسونی که دوروع نَه خِشی نَه و اَیی انجام بَداین، شهری بِرونی کا بَمَندین.