نامَه اَفسوسی کلیسارا 4:21 - کتاب مقدس به زبان تالشی شمالی

²¹ البته اَگم گمون بِکَرَم که چَیی درباره دَرَسَرونَه و عِین اَ حقیقتی که عیسی کایَه، تعلیم گِتِرونَه.

کتاب مقدس به زبان تالشي - گویش مرکزی

²¹ البَت کن اَگَم گَمون بکرَم، کن چَی خونه درَستَرون و اَ حَییقتی سَردِرِ کن عیسی کا اَ، آموج گَتَرون.

نامَه اَفسوسی کلیسارا 4:21 Iomraidhean Croise

مَتّی 17:5

پِطرسی گَف حَلا تمون آبَه نِبَه كه ایلَه خِری چَوون سَری کا سا دَرَفَندِشه که شَفَق ژَنی و خِری کا سَسی اومَه که بَواتی: «اِم چِمِن عزیزَه زوعَه یَه كه از اَیی کا وِر راضی ایمه؛ چَیی گفون گوش بِدییَه.»

انجیل لوقا 10:16

«هَر کسی شِمَه گفون گوش بِدَه، چِمِن گفی گوش دوعَشَه؛ و هَر کسی شِمَه قبول مَکَرِه، مِن قبول کَردَه نیشَه؛ و هَر کسی مِن قبول مَکَرِه، کسی که مِن ویسا آکَردَشَه، قبول کَردَه نیشَه.»

یوحنا 1:17

چوم شریعت موسی واسطه نَه آدوعَه بَه، و فیض و حقیقت عیسی مسیح واسطه نَه اومَه.

یوحنا 10:27

چِمِن گوسَندِن چمِن سَسی دَرَسِن؛ اَز اَوون آزونِم و اَوِن چِمِن دومله بومَین.

یوحنا 14:17

یعنی روح حقیقت که دنیا نیمَشا اَیی قبول بِکَره، چوم که اَیی نِه بَویندی و نِه آزونِه. شِمَه اَیی آزونَه، چوم که اَ شِمَه نَه بَمَندی و شِمَه دیلَه کا بَبی.

یوحنا 14:6

عیسی اَیی نَه واتِشه: «اَز راه و حقیقت و زندگی اِستیمَه؛ هیچکس نیمَشا بِشو آسِمونی یَه دَده وَر مَگم چِمِن واسطه نَه.

رومی کلیسارا نامه 10:14

بَس چِنتَه ایی نفری دَخونِن که بَیی ایمان وَردَه نیشونه؟ و چِنتَه ایی نفری ایمان بواَرِن که چَیی درباره هَرگز چیی دَرَسه نیشونه؟ و چِنتَه دَرَسِن، اَگم ایی نفر چَوون را موعظه مَکَرِه؟

دوومین نامه قرنتیانیرا 1:20

چوم خِدا وعده‌ اِن گِرد، عیسایِ مسیح کا ’ها‘ اینه. اِمی واسی چَیی واسطه نَه یَه که اَمَه ’آمین‘ بَواتیمون، تا خِدا جلال بوینِه.

دوومین نامه قرنتیانیرا 11:10

مسیح اَ حقیقتی سَر قَسّم که چِمِن دیلَه کایَه، که هیچ‌کس اَخائیه منطقه کا چِمِن اِم اِفتخاری بَه مِن کا نِویگِرِه.

نامَه اَفسوسی کلیسارا 1:13

شِمَه نی اَیی کا، وختی که حقیقتی کلامی، که شِمَه هَ نجاتی اِنجیلَ دَرَسِرونَه و اَیی ایمان وَردِورنَه، روح‌ القدسِ موعودی نَه مُهر بیرونَه،

نامَه اَفسوسی کلیسارا 2:17

اَ اومَه و صُلح و سلامتی خوشَ خَوَری شِمَه را که دور بیرونه و کسونی را که نِزدیک بینَه، اِعلام کَردِشه.

نامَه کُولُسی کلیسا را 1:5

که اِمِن اَ اُمیدی کا سَرچشمه بَگتین که آسِمونی کا شِمَه را محفوظ اِستَه. اَ اُمیدی که پیشتری چَیی درباره، حَقیقَتی کلامی کا یعنی اِنجیل، دَرَسَرونه،

نامَه کُولُسی کلیسا را 1:6

اِنجیلی که شِمَه آرَستَه، هَتَه که دنیا سَرتاسَری کا نی آرَستَه، ثَمره بَدای و وِر آبو، هَتَه که شِمَه دیلَه کا نی، اَ روزی نَه که اَیی دَرَسِرونه و خِدا فیضی حقیقتی کا فَهمِستَرونه، کار کَردَشَه.

نامَه کُولُسی کلیسا را 2:7

اَیی کا بِنَه بِگِرِه و رُشد بِکَرَه، و ایمانی کا پابَرجا بِبییَه، و هَتَه که آموتَرونه، شُکر کَردِه کا لِبالِب بِبییَه.

یوحنا اوّلین نامَه 5:20

هِنته نی بَزنیمون که خدا زوعَه اومَه و بَمون فهم آدوعَشه تا اَیی که حقیقتَه آزونَم، و اَمَه اَیی کا ایمونه که حقیقتَه، یعنی چَیی زوعَه، عیسی مسیح کا. اَ، خِدای حقیقی و اَبَدی یَه زندگی اِستَه.