نامَه اَفسوسی کلیسارا 4:14 - کتاب مقدس به زبان تالشی شمالی

¹⁴ بَس دِ خِردَنون شیوار نِبییَم که موجون نَه هَر طرفی را فِر آدوعَه بِبییَم و جور بَه جور تَعلیمون وا نَه و آدَمون مَکر و حیلَّۀ نَه اَ نخشه اونی کا که گمراهی را بَکَشتین، اَمَه اِم طرف و اَ طرفی را بِبَرِه.

کتاب مقدس به زبان تالشي - گویش مرکزی

¹⁴ پس دِ هنته خِردَنون شیوار آنیمونَب، کن موجون نَّه اَمه هر طَرَفیرا ویدارِن و موختلیفَه آموجن و آدَمون مکر و حیلَه وا، اَ نقشَه اونیکا کن چَمَه گومرا کردِرا بَکشتین، اَمه اِم وَر اَ وَریرا ببَرِ.

نامَه اَفسوسی کلیسارا 4:14 Iomraidhean Croise

مَتّی 11:7

هَتَه که یحیی شاگِردِن کارا بَشین، عیسی، دَمندَه یحیی درباره مردمی نَه گَف ژَندِه و واتِشه: «چیکی ویندِه را شَه ایرونَه وییاوون؟ مِردی ویندِه را که لَلَه ایی شیوارَه که وختی وا وَزِه هَر وَری را تکان بَردی؟

مَتّی 24:11

وِر دوروعَه پیغمبرِن بومَین، وِر کَسون گمراه بَکَردین.

مَتّی 24:24

چوم دروعَه مسیح اِن و دروعَه پیغمبرِن بومَین، و اِنتَه یالَ نیشونه اونی بواَردین و معجزه اونی بَکَردین که اَگم بِشان، حتی اَ کسونی که اِنتخاب بَیینَه نی گمراه بِکَرِن.

رَسولون اَعمال 23:21

ولی مَرزِن اَوِن تِه اِم کاری را قانع بِکَرِن، چوم چِل نفری کا نی وِرتَر اَوون کا، پولسی کمینی کا نِشتینَه. اَوِن قَسَّم هَردَشونَه که تا پولسی مَکِشِن، نِه چیی بَرِن و نِه چیی بِنجِن. حِسَه آمادَه اینَه، و فَقَط منتظرینه شِمَه چَوون درخواستی قبول بِکَرَه.»

اوّلین نامَه قورَنتیانیرا 12:2

بَزنیرون وختی که بُت‌پرست بیرونه، گمراه بیرونه، و کَشیستَه بَبیرون لالَ بُتون طرفی را. هَر جور که بَبی شِمَه کَشونین.

اوّلین نامَه قورَنتیانیرا 14:20

اِی بِرااِن، فیکر کَردِه کا خِردَنون شیوار مَبییَه، بَلکَم بَدی کَردِه کا خِردَنون شیوار بِبییَه. ولی فیکر کَردِه کا یالَه آدَم بِبییَه.

اوّلین نامَه قورَنتیانیرا 3:19

چوم که اِم دنیا حِکمت، خِدا نظری کا نادونی یَه. هَتَه که ایوبی کیتابی کا نیویشته بییَه که: «حَکیمَ آدَمون چَوون اِشتَن فَنی نَه گیرفتار بَکَردی.»

دوومین نامه قرنتیانیرا 2:17

چوم که اَمَه اَ آدَمون شیوار نیمونه که منفعتی را خِدا کلامی خِرَشِن، بَلکَم اَمَه خِدا چِمی پیشی کا، مسیح کا گف ژَنَم. اَ آدَمونی شیوار که خالِصَه نیَّتون دارِن و خِدا طرفی کا ایینه.

دوومین نامه قرنتیانیرا 4:2

بَلکَم نِینَکی راه اون کا و شرم آوَرَه راه اون کا دوری کَردَمونه و کلاهبرداری نَه ناری را نِشییَم و خِدا کلامی دَستکاری نِکَرَم بَلکَم حَقیقَتی واضِح بَواتیمون، تقّلا بَکَردیمون خِدا حضوری کا گِردی وجدانی کا تصدیق بِبییَم.

نامه غلاطیَه کلیسارا 3:1

اِی نادونَه غَلاطیِین، کی شِمَه جادو کَردَشه؟ عیسایِ مسیح مَرگ هِندی شِمَه را آشکارا واتَه بَه که اِنگاری اَ شِمَه چِمون پیشی کا مصلوب بَه.

نامَه اَفسوسی کلیسارا 6:11

خِدا اَسلحۀ تَمام کمال دَکَرَه تا بِشایَه اِبلیسی حُقّه اون پیشی کا بومونه.

اوّلین نامَه تیموتائوسیرا 3:6

و تازه ایمان وردَش مَبو، نَبادا مغرور بِبو و اِبلیسی شیوار محکوم بِبو.

دِوُّمین نامَه تیموتائوسیرا 1:15

بَزنیش که آسیا ایالتی مَردمِن، گِرد مِن وِل آکَردَشونه که چَوون دیلَه کا، فیگِلوس و هِرموگِنِس نی مَندینه.

دِوُّمین نامَه تیموتائوسیرا 3:13

امّا شرورَه آدَمِن و حُقَه بازِن بَدی کَردِه کا بدتَر بَبین؛ گول ژَنِن و گول بَردین.

دِوُّمین نامَه تیموتائوسیرا 4:3

چوم زمانی بومَی که مردم دُرستَ تعلیمون تاو نِوَرِن، بَلکَم معلمونی اِشتَن دور جمع آکَرِن تا اَ چیی دَرَسِن که چَوون گوش خِشَه دَرَسِه و چَوون هَواهَوسون نه جور دَر بومَی؛

نامَه، عِبرانیه نَتاجَه مسیحیونرا 13:9

جور بَه جور و عَجیبَه تعلیمون نَه راه کا بَمَرشَه؛ چوم اِم چاکَه که اِنسانی دیل، فیضی کا قوّت بِگِرِه، نِه اَ غذا اونی کا که کسونی را که چَوون دومله بَشین هیچ مَنفعی نیشَه.

یعقوبی نامَه 1:6

ولی اَ شخص بَسی ایمانی نَه بِپی، بیدون اِمکه شک بِکَرِه، چوم کسی که شَک بَکَردی، دریا موجی شیوار اِستَه که وا نَه اِم طرف اَ طرف بَشی.

یعقوبی نامَه 3:4

کَشتیون دَیِسه، هَر چَن اَوِن وِر یالی نَه و تِندَه وا اون نَه تَکان بَردین، ولی ایلَه روکَه سُکانی نَه هَر طرفی را که ناخدا پیستِشَه بَردَه بَبین.

پطروسی دومین نامه 2:18

چوم بِلندَه سَسی نَه گفونی بَواتین که خودخواهی و نفهمی کا پُورَه، کَسونی که سختی نَه بَدَه آدَمون چَنگی کا جیوَشتَه اینَه، اِشتَن هَواهَوسون، تَلَه کا دَرَفنِن.

یوحنا اوّلین نامَه 2:19

اَوِن چَمَه دیلَه کا شیینه بِرون، امّا اَمَه کا نِبینَه؛ چوم اَگم اَمَه کا بِبین، اَمَه نَه بَمَندین. ولی چَوون شییِه نیشون دوشَه که اَوِن هیچ کمیله اَمَه کا نِبینَه.

یوحنا اوّلین نامَه 2:26

اَز اِمون کسونی دربارَه شِمَه را نیویشتِمَه که تقّلا بَکَردین شِمَه گمراه بَکَرِن.

یوحنا اوّلین نامَه 4:1

اِی عَزیزِن، هَر روحی باوَر مَکَرَه، بَلکَم روحون آزمایش بِکَرَه که خِدا کا اینه یا نِه. چوم وِر دروعَه پیغمبرونی دنیا کا اِستینه.

یهودا نامه 1:12

اِمن، بی هیچ تَرسی شِمَه پُور محبتَ میهمونیون کا، شِمَه نه هَرِن و هِنجِن ولی اَ نِینَ صَخرَه اونی شیواری نَه که آوی جیری کا اینَه و نییَب اَوون ویندِه؛ اَوِن شوونَه اونی اِستینه که فقط اِشتَن فیکری کا اینه؛ بی وارِشَ خِرونی شیواری نَه که وا اَوون بَبَردی، و پایئزی آخِری بی میوه دارونی نَه که دِ کَرَه مَردَه ای نَه و بِنه نَه بَر اومَه اینه.

یوحنا موکاشیفَه 19:20

و اَ وحشی یَه حَیوون گیرفتار آبَه و اَیی نَه، اَ دوروعی نَه پیغمبر که اَ وحشی یَه حَیوونی پیشی کا علامت و معجزه اون انجام بَدای تا کسونی گول بِژَنِه که اَ وحشی یَه حَیوونی نیشونَه قبول کَردَشون بَه و چَیی مجسمه پرستش بَکَردین. اَوِن هَر دِگِله زِنده زِنده، آتشی دریاچه دیلَه کا دَرَفَندَه بینَه که گوگِردی نَه بَسیستی.