نامَه اَفسوسی کلیسارا 4:13 - کتاب مقدس به زبان تالشی شمالی

¹³ تا وختی که گِرد ایمانی کا ایلَه بِبییَم و هَتَه نی خِدا زوعَه آزونِستِه کا ایلَه بِبییَم و اِنتَه ایلَه کامِلَ اِنسانی قَدَر یال بِبییَم، تا آرَستَم مسیح بِلَندَه قامتی قَدَر.

کتاب مقدس به زبان تالشي - گویش مرکزی

¹³ تا زمانی کن گرد ایمانیکا ایلَه آبَم و خدا زوعَه آزنِستِه کا ایلَه آبَم، تا اِنترَکه ایلَه کامیلَه اینسانی اَندازَ یال آبَم، تا مسیح برزَ قامتیکا آرَسَم.

نامَه اَفسوسی کلیسارا 4:13 Iomraidhean Croise

مَتّی 11:27

چِمِن آسِمونی یَه دَده گِردِ چیون بَه مِن دَسپاردَشَه. هیچکس دَده غِیراز زوعَه آنِزونِه، و هیچکس زوعَه غیراز دَده آنِزونِه، و اَ کسونی که زوعَه پیستِشَه دَده اَوون را آشکار آکَرِه.

یوحنا 1:16

چَیی پُوری کا اَمَه گِرد پُوری نَه ویگِتَمونَه، فیض فیضی سَر.

یوحنا 16:3

اِم کارون بَکَردین، چوم نِه دَده آزونِن، نِه مِن.

یوحنا 17:21

تا گِرد یَکی بِبون، هَتَه که اِی دَده تِه مِنَه اِستیش و اَز تِنَه. تا اَوِن نی اَمَه نَه بِبون، تا دنیا باوَر بِکَرِه که تِه مِن ویسا آکَردَرَه.

یوحنا 17:3

و اَبَدی یَه زندگی اِمَه که، اَوِن فقط تِه که خِدای یگانه حقیقییش، و عیسایِ مسیحی که تِه اَیی ویسا آکَردَرَه، آزونِن.

یوحنا 6:69

و اَمَه ایمان وَردَمونَه و بَزنیمون که تِه اَ قدّوس خِداییش.

رَسولون اَعمال 4:32

گِردِ ایماندارِن یَکدیل و یَک جان بینَه و هیچکس چیی اِشتَن مال و مَنالی کا اِشتَن شِن نیمَزنی، بَلکَم گِردِ چیون کا یَندی نَه شریک بینَه.

اوّلین نامَه قورَنتیانیرا 1:10

اِی بِرااِن، چَمَه خِداوند عیسایِ مسیح نومی واسی شِمَه کا خواهیشت بَکَردیم که یَندی نَه یَکدیل بِبییَه، و شِمَه دیلَه کا جِدایی مَبو، بَلکَم هَم فیکر کَردِه کا و هم رأی کا ایلَه بِبییَه.

اوّلین نامَه قورَنتیانیرا 14:20

اِی بِرااِن، فیکر کَردِه کا خِردَنون شیوار مَبییَه، بَلکَم بَدی کَردِه کا خِردَنون شیوار بِبییَه. ولی فیکر کَردِه کا یالَه آدَم بِبییَه.

اوّلین نامَه قورَنتیانیرا 2:6

با اِم حال، اَمَه یالَ آدَمون دیلَه کا حِکمتی بَواتیمون، امّا نِه حِکمتی که اِم دورَه زمونه شِن بِبو، یا اِم دوره زمونه حاکِمون شِن بِبو که بِه نابودی مَحکومینه،

دوومین نامه قرنتیانیرا 4:6

چوم هَ خِدایی که واتِشَه: «نور تاریکی دیلَه کا دَتاوِه،» اِشتَن نوری چَمَه دیلون کا دَتاوِستِشه تا خِدا جلالی آزونِستِه نَه مسیح دیمی کا، اَمَه نورانی آکَرِه.

نامه غلاطیَه کلیسارا 4:19

چِمِن عزیزَه خِردَنِن، کِه شِمَه را هَنی زَندِه داجی شیوار هِستِمَه تا اَ وختی که مسیح شِمَه دیلَه کا شکل بِگِرِه،

نامَه اَفسوسی کلیسارا 1:17

تا چَمَه خِداوند عیسایِ مسیح خِدا، اَ پُر جلال دَده، حکمت و مکاشفه روح آدَه شِمَه، تا اَیی آزونَه،

نامَه اَفسوسی کلیسارا 1:23

کلیسایی که چَیی بَدنَ، و چَیی پُوری گِردِ چییون گِردِ چییون دیلَه کا پُور بَکَردی.

نامَه اَفسوسی کلیسارا 2:15

رسم و رسوماتی که شریعتی اَحکامی دیلَه کا بَه باطل آکَردِشه، تا اِشتَن دیلَه کا اَ دِ گِله عوض، ایلَه تازه آدمی بِه وجود بواَرِه، تا صُلح و سلامتی برقرار بِکَرِه،

نامَه اَفسوسی کلیسارا 4:12

تا مقدّسون خِدمتی کاری را حاضیر آکَرِن، مسیح بَدنی بینا کَردِه واسی،

نامَه اَفسوسی کلیسارا 4:3

تَقَّلا بِکَرَه تا اَ ایلَه بییِه ای که خِدا روح کا یَه، صُلح و سلامتی کا غَم بَرَه.

نامَه اَفسوسی کلیسارا 4:5

ایلَه خِداوند، ایلَه ایمان، ایلَه تعمید؛

نامَه فیلیپی کلیسا را 3:10

تا مسیح و چَیی زِنده آبییِه قدرتی آزونِم و چَیی رَنجون کا شَریک بِبوم، چَیی مرگی کا، چَیی شیوار بِبوم،

نامَه فیلیپی کلیسا را 3:8

راس راسی، از گِردِ چییون اِمی واسی که چِمِن خِداوند مسیحْ عیسی آزونستِه را، گِردِ چییون کا کَفاتَرَه، ضَرر بَزنیم. چَیی واسی نی گِردِ چییون از دَس دوعَمَه و اِمون گِردی هیچ بَزنیم تا چِمِن نفع مَسیح بِبو،

نامَه کُولُسی کلیسا را 1:28

اَمَه اَیی اِعلام بَکَردیمون، و گِردی هُشدار بَدایمون و گِردی تَمون حکمتی نَه تعلیم بَدایمون، تا گِردی یالَ آدَمون شیوار مَسیح کا، بواَرَم خِدا وَر.

نامَه کُولُسی کلیسا را 2:2

تا دیلگرم بِبون، و هَتَه که مُحبتی کا یَندی نَه متحدی نَه و اَ کاملَ اِطمینان و بی حد و اندازه پُوری کا، که فهمی کا بِه دَس بومَی بهره بِبَرَه و هِم راه کا، خِدا سِرّی، یعنی مَسیح آزونِن،

نامَه، عِبرانیه نَتاجَه مسیحیونرا 5:14

امّا سَنگینَ غذا یالَ آدَمون شِنَه، کسونی را که وِرَه تمرین کَردِه نَه اِشتَن قدرت تشخیص دوعِه، تربیت کَردَشونَه تا بِشان چاک و بَدی تشخیص بِدَن.

پطروسی دومین نامه 1:4

که اِم چییون اِشتَن یال و با اِرزِشَه وعده اون واسطه نَه بَمون بَخشِستَشه، تا چَوون واسطه نَه طبیعت الهی کا شریک بِبییَه و اَ فسادی کا که هَواهَوسی واسی دنیا دیلَه کا وجود دارِه،آزاد بِبییَه.

پطروسی دومین نامه 3:18

بَلکَم چَمَه خِداوند و چَمَه نجات دهنده عیسایِ مسیح آزونِستِه و فیضی کا رُشد بِکَرَه، که حِسَه نَه تا اَبَد اَیی را جلال بِبو! آمین.

یوحنا اوّلین نامَه 5:20

هِنته نی بَزنیمون که خدا زوعَه اومَه و بَمون فهم آدوعَشه تا اَیی که حقیقتَه آزونَم، و اَمَه اَیی کا ایمونه که حقیقتَه، یعنی چَیی زوعَه، عیسی مسیح کا. اَ، خِدای حقیقی و اَبَدی یَه زندگی اِستَه.