نامَه اَفسوسی کلیسارا 3:12 - کتاب مقدس به زبان تالشی شمالی

¹² اَمَه مسیح کا و بِه واسطه ایمان بِه اَیی، بَشایمون جرئتی نَه و اِطمینانی نَه بِه خِدا نِزدیک آبییَم.

کتاب مقدس به زبان تالشي - گویش مرکزی

¹² اَمه مسیح دلَکا بَی ایمان داشتِه واسیطنَه، بَشامونه جورئَتینه و ایطمینانینَه خِداکا نِزِک آبه.

نامَه اَفسوسی کلیسارا 3:12 Iomraidhean Croise

یوحنا 14:6

عیسی اَیی نَه واتِشه: «اَز راه و حقیقت و زندگی اِستیمَه؛ هیچکس نیمَشا بِشو آسِمونی یَه دَده وَر مَگم چِمِن واسطه نَه.

رومی کلیسارا نامه 3:22

اِم صالِحی ای که خِدا کایَه، عیسایِ مسیح ایمان داشتِه راه نَه، و گِردِ کسونی نصیب بَبی که ایمان بواَرِن. چوم هیچ فرقی نییَه.

رومی کلیسارا نامه 5:2

اَمَه چَیی واسطه نَه، ایمانی نَه، اَ فیضی که حِسَه چَیی دیلَه کا پابَر جا ایمونه بِه دَس وَردَمونه و خِدا جلالی اُمیدی کا شادی بَکَردیمون.

دوومین نامه قرنتیانیرا 3:4

مسیح واسی یَه که اَمَه اِنتَه رَه اِطمینانی خِدا حضوری کا هِستِمونَه.

نامَه اَفسوسی کلیسارا 2:18

چوم چَیی واسطه نَه، اَمَه هر دِ گله، ایلَه روح دیلَه کا آسِمونی یَه دَده دَسترسی هِستِمونه.

نامَه، عِبرانیه نَتاجَه مسیحیونرا 10:35

بَس شِمَه اِطمینانی کا دَس مَپِگِرَه، که ایلَه یالَه پاداشی چَیی دومله کایَه.

نامَه، عِبرانیه نَتاجَه مسیحیونرا 3:6

امّا مَسیح، ایلَه زوعَه ایی شیوار خِدا کَ را وفادارَه، اَمَه چَیی کَ ایمونَه، اَگم راس راسی چَمَه اِطمینان و اِفتخاری، چَمَه اُمیدی کا مُحکم غَم بَرَم.

پطروسی اوّلین نامَه 3:18

چوم که مَسیح نی ایی کَرَه گناه اون را عذاب کَشِشَه، یعنی اَ صالِح، کسونی را که صالِح نینَه، تا اَمَه بواَرِه خِدا وَر. اَ جِسمی کا کِشتَه بَه، امّا روح کا، زِنده آبَه،

یوحنا اوّلین نامَه 2:28

حِسَه، اِی خِردَنِن، چَیی دیلَه کا بومونه تا موقعی که اَ، ظهور بِکَرِه مطمئن بِبییَم و چَیی اومِه موقع اَیی کا شرمَنده مَبییَم.

یوحنا اوّلین نامَه 3:21

اِی عزیزِن، اَگم چَمَه دیل، اَمَه محکوم مَکَرِه، خِدا پیشی کا مُطمئنیمونه؛