نامَه اَفسوسی کلیسارا 2:5 - کتاب مقدس به زبان تالشی شمالی

⁵ حتی وختی که چَمَه خَطااون دیلَه کا مَردَه بیمونَه، اَمَه مسیح نَه زِنده آکَردِشه- شِمَه فیضی راه نَه نجات پیدا کَردَرونه-

کتاب مقدس به زبان تالشي - گویش مرکزی

⁵ حتی وقتی کن اِشتَن خطا اونکا مردَ بیمون، اَمَش مسیح نَه زندَ آکردِش، شمَه فیضی راه نَه نیجات گَتَرون؛

نامَه اَفسوسی کلیسارا 2:5 Iomraidhean Croise

انجیل لوقا 15:24

چوم چِمِن اِم زوعَه مَردَه بَه، هَنی زِنده آبَه؛ ژون آبَه بَه، پیدا بَه!“ بَس دَمَندینَه شادی کَردِه.

یوحنا 5:21

چوم هَتَه که دَده مَرده اون زِنده آکَرِه و اَوون زندگی بَبَخشِستی، زوعَه نی هَر کی که پیستِشَه، زندگی بَبَخشِستی.

یوحنا 6:63

خِدا روحَه که زِنده بَکَردی؛ جِسمی را هیچ فایده ایی نییَه. گَفونی که اَز شِمَه نَه بَواتیم، روح و زندگی اِستینَه.

رَسولون اَعمال 15:11

ولی اَمَه ایمان هِستِمونَه که عیسایِ خِداوندی فیضی کا یَه که اَمَه نِجات پیدا بَکَردیمون، هَتَه که اَوِن نی نجات پیدا بَکَردین.»

رومی کلیسارا نامه 16:20

خِدایی که صُلح و سلامتی هِستِشَه هِم زودیون شیطانی شِمَه پا جیری کا لِه بَکَردی. چَمَه خِداوند عیسی، فیض شِمَه نه بِبو.

رومی کلیسارا نامه 3:24

و خِدا فیضی نَه که چَمَه را ایلَه هدیه شیوارَه و اَ آزادی بَها واسطه نَه که مسیح عیسی کایَه، صالِح حساب بَبین،

رومی کلیسارا نامه 4:16

اِمی واسی، وعده، ایمانی واسطه نَه بومَی تا فیضی سَر استوار بِبو و اِبراهیمی نَسلی گِردی را ایلَه ضِمانت بِبو، یعنی نِه فقط کسونی را که شریعتی کا اِطاعت بَکَردین، بَلکَم کَسونی را نی اِستَه که اِبراهیمی ایمانی کا اِطاعت بَکَردین، که چَمَه گِردی دَده یَه.

رومی کلیسارا نامه 5:10

چوم اَگم اَ موقعی که خِدا نَه دِشمَن بیمونَه، و چَیی زوعَه مرگی واسطه نه خِدا نَه آشتی دوعَه بیمونَه، چِندی وِرتَر حِسَه که اَیی نَه آشتی کا ایمونه، چَیی زِندگی واسطه نَه اَمَه نجات پیدا بَکَردیمون.

رومی کلیسارا نامه 5:6

چوم اَ موقع که اَمَه حَلا دَرموندَه بیمونه، مَسیح بِه موقع، بی‌ خِدا اون واسی جان دوشَه.

رومی کلیسارا نامه 5:8

امّا خِدا اِشتَن محبتی بَمون اِنتَه نیشون دوشَه، اَ موقعی که اَمَه حَلا گناه کار بیمونه، مَسیح چَمَه واسی مَردَه.

رومی کلیسارا نامه 8:2

چوم شریعتی که روح زِندگی یَه مسیحْ عیسی کا، شِمَه، گناه شریعت و مرگی کا آزاد آکَردِشه؛

دوومین نامه قرنتیانیرا 13:14

خِداوندْ عیسایِ مسیح فیض، خِدا محبت و روح القدسی رفاقَت، شِمَه گِردی نَه بِبو.

نامَه اَفسوسی کلیسارا 2:1

شِمَه، شِمَه خَطا اون و گِناه اون دیلَه کا مَردَه بیرونه،

نامَه اَفسوسی کلیسارا 2:8

چوم فیضی نَه و ایمانی واسطه نَه نجات پیدا کَردَرونه. و اِم شِمَه کا نییَه؛ بَلکَم خِدا هدیه یَه،

نامَه اَفسوسی کلیسارا 5:14

چوم هَر چیی آشکار بِبو نورَه. اِمی واسی واتَه بییَه که: «اِی تِه ایی که خِتیش، پِرِز، مَردَه اون دیلَه کا، زِندَه آبَش، و مسیح اِشتَن نوری بَه تِن دَتاوونه.»

نامَه کُولُسی کلیسا را 2:13

و خِدا، شِمَه که شِمَه گناه اون و شِمَه خَتنَه نِبییَه جِسمی دیلَه کا مَردَه بیرونه، مَسیح نَه زِندَه آکَردِشه. اَ چَمَه خَطا اون گِردی بَخشِستِشه،

نامَه تیتوسیرا 2:11

چوم خِدا فیض آشکار آبییَه، اَ فیضی که گِردِ مردمی نجات بَدای،

نامَه تیتوسیرا 3:5

اَ اَمَه نجات دوشَه. اِم نجات نِه چَمَه چاکَه کارونی واسی که صالِحی کا کَردَمون بَه، بَلکَم اِشتَن رَحمتی واسی، و اَ شوشتِه ای راه کا بَه که چَیی واسطه نَه روح القدوس اَمَه تولد تازه و تازه زندگی آدوعَشَه،

یوحنا موکاشیفَه 22:21

خداوندْ عیسی فیض شِمَه گِردی نَه بِبو.آمین.