نامَه اَفسوسی کلیسارا 2:3 - کتاب مقدس به زبان تالشی شمالی

³ اَمَه نی گِرد ایی زمانی چَوون دیلَه کا چَمَه جِسمی هَواهوسی دیلَه کا زِندگی بَکَردیمون، و چَمَه جِسمی فیکرون و پیستَه اون اَنجام بَدایمون؛ و بقیه آدَمون شیوار، بینا بِه چَمَه ذات، خِدا غَضَبی محکوم بیمونه.

کتاب مقدس به زبان تالشي - گویش مرکزی

³ اَمه نی گرد ایی زمانی چَوون دِلَکا اِشتَن جندَکی هوا و هَوسی دِلَه زندَگی اَکَریمون و چَمه جندَکی خواستَه اِن و فکرون اَنجوم اَدَریمون؛ هنته دییَرَ کَسون شیوار، اِشتَن ذاتی سَر، خدا غَضَّبیکا محکوم آبیمون.

نامَه اَفسوسی کلیسارا 2:3 Iomraidhean Croise

مَرقُس 4:19

امّا اِم دنیا نِگرانی اِن و مال دنیا وسوسه و دییَر چییون هَوس، چَوون دیلی دیلَه دَشو و خِدا کلامی خَفه بَکَردی و بی‌ثَمر بَکَردی.

یوحنا 1:13

اَ خِردَنِن جِسمی کا دنیا اومَه نینَه، گوشت و خونی کا نی دنیا اومَه نینَه، اِنسانی پیستَه کا نی نِبینَه، بَلکَم خِدا کا دنیا اومینَه.

یوحنا 8:44

شِمَه، شِمَه دَده اِبلیسی شِنیرونَه و چَیی پیستَه چییون اَنجام بَدایرون. اَ صِفته نَه آدَمکِش بَه و حقیقتی نَه کاریش نییَه، چوم هیچ حقیقتی اَیی کا نییَه. هَر موقع دوروع بَواتی، اِشتَن شخصیتی کا بَواتی؛ چوم که دروعه واج و دوروعه واجون دَده یَه.

رَسولون اَعمال 14:16

گِذَشتَه کا خِدا گِردِ غیریهودیه قومون نَسلون اِشتَن حال وِل آکَردِشه تا هَر کمیله اِشتَن راه را بِشون،

رومی کلیسارا نامه 1:24

بَس خِدا نی اَوون، چَوون دیلون شَهوَتون کا ناپاکی نَه وِل آکَردِشه، تا اِشتَن دیلَه کا اِشتَن بَدَنون بی‌حُرمت بِکَرِن.

رومی کلیسارا نامه 11:30

دُرست هَتَه که شِمَه ایی موقعی نسبت بِه خِدا نافرمونی بَکَردیرون، امّا حِسَه یَهودیون نافرمونی واسی، شِمَه مورد رحمت خِدا اِستیرونه،

رومی کلیسارا نامه 13:14

بَلکَم عیسایِ مسیحِ خِداوندی شخصیتی ایلَه خَلایی شیوار دَکَرَه و جِسم و هوا هَوسی را تدارک مَوینَه تا چَیی پیستَه اون بِه جا بواَره.

رومی کلیسارا نامه 2:14

چوم وختی غیریهودی اِن که شریعت نیشونه، شریعتی اَعمالی طِبق غَریزَه بِه جا بواَردین، اَوِن با اِمکه شریعت نیشونه، امّا اِشتَن، اِشتَن را شریعتی اِستینه.

رومی کلیسارا نامه 5:10

چوم اَگم اَ موقعی که خِدا نَه دِشمَن بیمونَه، و چَیی زوعَه مرگی واسطه نه خِدا نَه آشتی دوعَه بیمونَه، چِندی وِرتَر حِسَه که اَیی نَه آشتی کا ایمونه، چَیی زِندگی واسطه نَه اَمَه نجات پیدا بَکَردیمون.

رومی کلیسارا نامه 5:9

بَس اِمی واسی که حِسَه چَیی خونی واسطه نه اَمَه صالِح حساب بَییمونه، چِندی وِرتَر چَیی واسطه نَه خِدا غَضَبی کا نجات پیدا بَکَردیمون.

رومی کلیسارا نامه 6:12

بَس مَرزَه گناه شِمَه بَدنی کا که از بِین بَشی دستور بِدَه، تا چَیی پیسته اون کا اِطاعت بِکَرَه.

رومی کلیسارا نامه 7:18

چوم بَزنیم که چِمِن دیلَه کا، یعنی چِمِن جِسمی دیلَه کا، هیچ چاکَ چیی نییَه. چوم پیستِمَه اَ چیی که دُرستَه اَنجام بِدَم، امّا نیمَشام اَیی اَنجام بِدَم.

رومی کلیسارا نامه 9:22

چِه بَبی واتِه با اِمکه خِدا پیستِشَه اِشتَن غَضبی نیشون بِدَه و اِشتَن قدرتی نیشون بِدَه، قَبونی که چَوون را غَضب کَرَدَشه و هَلاکتی را آمادَه آبَیینه بَرکَ صبری نَه تحمل بِکَرِه،

اوّلین نامَه قورَنتیانیرا 4:7

چوم کی تِه ایی جور دییَر بَویندی؟ چِه چی هِستِره که بَه تِن آدوعَه بَه نییَه؟ بَس اَگم بَه تِن آدوعَه بییَه، چیرا جوری اِفتخار بَکَردیش که اِنگاری اِنتَه نییَه؟

دوومین نامه قرنتیانیرا 7:1

بَس اِی عَزیزِن، حِسَه که اَمَه اِم وعده‌ اون هِستِمونه، بایَه اِشتَن هَرجورَه ناپاکیِ جسم و روح کا پاک آکَرَم و خِدا ترسی نَه، مقدّس بییِه کامل آکَرَم.

نامه غلاطیَه کلیسارا 3:22

امّا مقدّس نیوشته اِن اِعلام کَردِشه که گِرد گناه دیلَه کا اَسیری نه، تا اَ وعده که ایمان بِه عیسایِ مسیح راه نَه یَه، کسونی آدوعَه بِبو که ایمان وَردَشونه.

نامَه اَفسوسی کلیسارا 2:2

و زمانی چَوون دیلَه کا زِندگی بَکَردیرون، اَ موقع که اِم دنیا راه اون کا و قدرت هوا رئیسی کا یعنی اِبلیسی کا اِطاعت بَکَردیرون، هَ روحی کا که حِسَه نی نافرمونی خِردَنون کا کار بَکَردی.

نامَه اَفسوسی کلیسارا 4:22

تا شِمَه قدیمَه زِندگی رَوِشی یعنی اَ قدیمَه آدَمی که دوروعَه پیستَه اون واسطه نَه فاسِد بَه، شِمَه بَدَنی کا بَرورَه.

نامَه کُولُسی کلیسا را 1:21

شِمَه نی ایی موقعی خِدا نَه غریبه بیرونه، و شِمَه فیکری کا چَیی دِشمن، و اِم شِمَه شَرورانۀ کارون کا معلوم بَبی.

اوّلین نامَه تَسالونیکی کلیسا را 4:13

ولی اِی بِرااِن، اَمَه نِپیستِمونَه اَ ایماندارونی درباره که مَردَه اینه بی خَور بِبییَه، نَبادا دییَر مردمی شیوار که اُمیدی نِدارِن، ماتم بِگِرَه.

اوّلین نامَه تَسالونیکی کلیسا را 5:6

بَس بقیه شیوار اِشتَن بِه خاو مَژَنَم، بَلکَم آگا و هوشیار بِبییَم.

اوّلین نامَه تیموتائوسیرا 6:9

امّا کسونی که پولدار بییِه آرزو هِستِشونه، وسوسه کا، تَله دیلَه کا دَلَکِن و وِرَه بیخودی یَه پیسته اون کا دَلَکِن که ضرر بَژَین، که مردمی نابودی و هلاکتی طرفی را کَشونِن.

نامَه تیتوسیرا 3:3

چوم که اَمَه نی ایی زَمانی نادون بیمونه، نافرمون و گمراه بیمونه، همه جورَه هَواهَوسون و خوشیون نوکر بیمونه؛ و کینه و حسودی نَه زِندگی بَکَردیمون. مردم اَمَه کا بیزار بینَه و اَمَه نی یَندی کا.

پطروسی اوّلین نامَه 1:14

اَ مطیع خِردَنون شیوار، اَ هَواهَوسون شیوار مبییَه که نادونی دورانی کا داریرون.

پطروسی دومین نامه 2:14

چَوون چِمِن زِنا کا پُوری نَه که گناه کَردِه کا سیر آنِبون. اَوِن جَوونونی که بی ثُباتی نَه تَله کا دَرَفَنِن، چَوون دیلِن طمع کا ماهِری نَه! لَعنتی خِردَنی نَه،

پطروسی دومین نامه 2:18

چوم بِلندَه سَسی نَه گفونی بَواتین که خودخواهی و نفهمی کا پُورَه، کَسونی که سختی نَه بَدَه آدَمون چَنگی کا جیوَشتَه اینَه، اِشتَن هَواهَوسون، تَلَه کا دَرَفنِن.

یوحنا اوّلین نامَه 2:16

چوم هَر چیی که دنیا دیلَه کایَه، یعنی جِسمی هوا هَوَسِن، چِمی هَوا هَوَسِن و زندگی غُرور، دَده طرفی کا نییَه بَلکَم دنیا طرفی کا یَه.

یوحنا اوّلین نامَه 2:8

با اِم حال، ایلَه تازه حُکم اِستَه که شِمَه را بَنیویشتیم که چَیی حقیقت، اَیی کا و شِمَه کا آشکارَه، چوم تاریکی دَوییَرِه و حقیقی یَه نور حِسَه نی دَمَنده دَتاویستِه.