نامَه اَفسوسی کلیسارا 2:2 - کتاب مقدس به زبان تالشی شمالی

² و زمانی چَوون دیلَه کا زِندگی بَکَردیرون، اَ موقع که اِم دنیا راه اون کا و قدرت هوا رئیسی کا یعنی اِبلیسی کا اِطاعت بَکَردیرون، هَ روحی کا که حِسَه نی نافرمونی خِردَنون کا کار بَکَردی.

کتاب مقدس به زبان تالشي - گویش مرکزی

² و زمانی چَوون دِلکا زندَگی اَکَریرون، اموقه کن اِم دِنیا راه اونکا و هوا زبقی رئیسیکا، یعنی اِبلیسییکا پیروی اَکَریرون، هه روحیکا کن هِم ایسَه نی نا فِرمونی خِردَنونکا عمل بَکَی.

نامَه اَفسوسی کلیسارا 2:2 Iomraidhean Croise

مَتّی 11:19

اِنسانی زوعَه اومَه که هَم هَرِه و هَم هِنجه؛ بَواتین: ”دَیِسه، ایلَه وِرَه هَر و عرق هَرَه آدَمَه، باجگیرون و گناه کارون رَفِقه.“ شِمَه اَعمال ثابت بَکَردی که عقل و حکمت نیرونَه.»

مَتّی 13:22

دونَه ایی که بِرّون دیلَه کا ویبَه، کسی یَه كه خِدا کلامی دَرَسِه، امّا دنیا نِگرانی اِن و مال دنیا وسوسه، خِدا کلامی خَفه بَکَردی و بی ثمَر بَکَردی.

مَتّی 13:38

مزرعه، اِم دنیا یَه؛ و چاکَ دونَه نی خِدا پاُتشایی خِردَنن اِستینَه. واشِن، اَ شَریری خِردَنِن اِستینَه؛

مَرقُس 4:19

امّا اِم دنیا نِگرانی اِن و مال دنیا وسوسه و دییَر چییون هَوس، چَوون دیلی دیلَه دَشو و خِدا کلامی خَفه بَکَردی و بی‌ثَمر بَکَردی.

انجیل لوقا 16:8

ارباب، حُقَه بازَه مِتِری عقلمَندی کا تعریف کَردِشه؛ چوم که بی ایمان مردم اِشتَن رابِطه و کارون کا خَلکی نَه، خِدا شِناس آدَمون کا عقلمَندتَری نَه.

انجیل لوقا 22:31

«اِی شمعون، اِی شمعون، دَیِس شیطان پیستِشَه تِه اِشتَه را جِدا آکَرَه هَتَه که گَندِمی چَیی پوشه کا جِدا آکَرِن.

یوحنا 12:31

حِسَه اِم دنیا داوری موقع یَه؛ حِسَه اِم دنیا رَئیس، شیطان، بِرون فِر آدوعَه بَبی.

یوحنا 13:2

سوری موقع اِبلیس یهودا اِسْخَریوط، شمعونی زوعَه؛ دیلی کا نوعَش بَه که عیسی دِشمِنی تسلیم بِکَرِه.

یوحنا 13:27

یهودا وختی لُقمه ویگتِشه، شیطان چَیی دیلَه دَشه. اَ موقع عیسی اَیی نَه واتِشه: «اَ چیی که پیستِرَه اَنجام بِدی، اَلبَحَل اَنجام بِده.»

یوحنا 14:30

وِر وخت مَندَه نییَه که شِمَه نَه گَف بِژَنِم، چوم اِم دنیا رَئیس، که شیطان بِبو، کارا بومَی. اَ هیچ اِدعایی چِمِن سَری کا نیشَه؛

یوحنا 15:19

اَگم دنیا شِن بَبیرون، دنیا شِمَه نَه اِشتَن کسون شیوار خِش بَبی. امّا چوم دنیا شِن نیرونَه بَلکَم اَز شِمَه دنیا کا اِنتخاب کَردَمه، دنیا شِمَه کا بیزارَه.

یوحنا 16:11

و داوری واسی، چوم اِم دنیا رئیس، مَحکوم بییَه.

یوحنا 7:7

دنیا مردم نیمَشان شِمَه کا بیزار بِبون امّا بَه مِن کا بیزاری نَه، چوم اَز شهادتی بَدایم که چَوون کارِن بَدی نَه.

یوحنا 8:23

عیسی اَوون نَه واتِشه: «شِمَه زمینی کا ایرونَه، اَز آسِمونی کا. شِمَه اِم دنیا شِنیرونَه، از اِم دنیا شِن نیمَه.

یوحنا 8:44

شِمَه، شِمَه دَده اِبلیسی شِنیرونَه و چَیی پیستَه چییون اَنجام بَدایرون. اَ صِفته نَه آدَمکِش بَه و حقیقتی نَه کاریش نییَه، چوم هیچ حقیقتی اَیی کا نییَه. هَر موقع دوروع بَواتی، اِشتَن شخصیتی کا بَواتی؛ چوم که دروعه واج و دوروعه واجون دَده یَه.

رَسولون اَعمال 19:35

آخِرسَر، شهری داروغۀ جماعتی آروم آکَردِشه و واتِشه: «اِی اَفِسُسی مردم، کییَه که مَزونِه اَفِسُسی شهر یالَه آرتِمیسی معبدی نگهبانَه؟ کییَه که مَزونِه اَفِسُسی شهر مقدّسَ سِنگی نگهبانَه که آسِمونی کا بَلَکَه جیر؟

رَسولون اَعمال 5:3

امّا پطرس اَیی نَه واتِشه: «حَنانیا، چیرا هَشتِرَه شیطان اِشتِه دیلی اِنتَه پُور آکَرِه که روح القدسی نَه دوروع بوآجی و تِلی اَ زَمینی پولی کا بَه تِرا پِگِری؟

رومی کلیسارا نامه 12:2

و دِ اِم دنیا شیوار مَبییه، بَلکَم شِمَه فیکری تازه آبییِه نَه عوض آبییَه. اَ موقع بَشایرون خِدا اِراده بِفَهمَه؛ خِدا دیلی باب و کاملَ اِراده.

اوّلین نامَه قورَنتیانیرا 5:10

چِمِن منظور اِم نِبَه که هیچ اِم دنیا بی‌عِفتون نَه یا طمع‌ کارون نَه یا کلاهبردارون و بُت‌پرستون نَه رفت و آمَد مَکَرَه، چوم اَته بَسی تارِکِه دنیا بِبییَه.

اوّلین نامَه قورَنتیانیرا 6:11

بعضی شِمَه کا پیشتری اِنتَه بیرونه. امّا عیسایِ مسیحِ خِداوندی نومی کا و چَمَه خِدا روح واسطه نَه شوشتَه بیرونه، تقدیس بیرونَه و صالح حساب بَییرونَه.

دوومین نامه قرنتیانیرا 4:4

اِم دورَه خِدا، بی ایمانون فیکری کور کَردَشه تا مسیح اِنجیلی جلالی نوری که خِدا دیمَه، مَوینِن.

نامه غلاطیَه کلیسارا 1:4

که اِشتَن جانی چَمَه گناه اون راه کا آدوشَه، تا اَمَه، خِدا اِراده نَه و چَمَه دَده، اِم شَرَه دورانی کا رهایی بِدَه.

نامَه اَفسوسی کلیسارا 1:21

که هَر ریاست، اِقتدار و قوّتی و فرمانروایی کا، کفاتَرَه و کَفاتَر هَر نومی کا، نِه فقط اِم دورَه زمانه کا بَلکَم آینده زمانه کا نی هَتَه.

نامَه اَفسوسی کلیسارا 2:11

بَس ویر بواَرَه که ایی موقعی شِمَه غیر یهودیون ’خَتنَه نِبییَه‘ دَخونین، و اِشتَن ’خَتنَه بییَه‘ بَزنین- در حالی‌ که چَوون خَتنَۀ، ایلَه کار جِسمانی یَه که آدَمی دَسی نَه اَنجام بییَه بَه-

نامَه اَفسوسی کلیسارا 2:13

امّا حِسَه مسیحْ عیسی کا، شِمَه که زمانی دور بیرونه، مسیح خونی واسطه نَه نِزدیک اومیرونه.

نامَه اَفسوسی کلیسارا 2:3

اَمَه نی گِرد ایی زمانی چَوون دیلَه کا چَمَه جِسمی هَواهوسی دیلَه کا زِندگی بَکَردیمون، و چَمَه جِسمی فیکرون و پیستَه اون اَنجام بَدایمون؛ و بقیه آدَمون شیوار، بینا بِه چَمَه ذات، خِدا غَضَبی محکوم بیمونه.

نامَه اَفسوسی کلیسارا 4:17

حِسَه اِمی بَواتیم و خِداوندی کا هَنی بَواتیم که شِمَه رفتار دِ نَبی اَ قومونی شیوار بِبو که خِدا آنِزونِن، که اِشتَن بیخودَه فیکرون نَه رفتار بَکَردین.

نامَه اَفسوسی کلیسارا 4:22

تا شِمَه قدیمَه زِندگی رَوِشی یعنی اَ قدیمَه آدَمی که دوروعَه پیستَه اون واسطه نَه فاسِد بَه، شِمَه بَدَنی کا بَرورَه.

نامَه اَفسوسی کلیسارا 5:6

مَرزَه کسی شِمَه مِفتَه گفون نَه گول بِژَنِه، چوم هِم چیوون واسی یَه که خِدا غَضَب چَوون سَر بومَی.

نامَه اَفسوسی کلیسارا 5:8

چوم که شِمَه ایی زمانی تاریکی کا بیرونه، امّا حِسَه خِداوندْی کا نوری رونه. بَس نوری خِردَنون شیوار رفتار بِکَرَه.

نامَه اَفسوسی کلیسارا 6:12

چوم که چَمَه جنگ جسم و خونی نَه یعنی آدَمی نَه نییَه، بَلکَم اَمَه رئیسون ضِد، قدرتون ضِد، و اَ تاریکی نیرواون ضِد که اِم دنیا سَری کا حاکمی نَه، شَریری روحانی یَه قُشونی ضِد، که آسِمونی یَه جِگا اون کا اینه، بَجَنگِستیمون.

نامَه کُولُسی کلیسا را 1:21

شِمَه نی ایی موقعی خِدا نَه غریبه بیرونه، و شِمَه فیکری کا چَیی دِشمن، و اِم شِمَه شَرورانۀ کارون کا معلوم بَبی.

دِوُّمین نامَه تیموتائوسیرا 4:10

چوم دیماس اِم دنیا خِش بییِه واسی مِن وِل آکَردَشَه و شَه تَسالونیکی شهری را. کریسکیس شَه غلاطیه منطقه را و تیتوس نی دَلماتیه منطقه را شَه.

یعقوبی نامَه 1:27

پاک و خالصَه دینداری خِدای دَده نَظری کا اِمَه که، یَتیمون و ویوَه ژِنَکون مصیبتی کا چَوون دَسی بِگِرَم و اِم فاسِدَه دنیا کا اِشتَن دور غَم بَرَم.

یعقوبی نامَه 1:7

اِنتَه رَه کسی خَیال مَکَرِه که خِداوندی کا چیی ویگِرِه،

یعقوبی نامَه 4:4

اِی زناکارِن، بَگم نیمَزنه دنیا نَه رَفاقَت کَردِه، خِدا نَه دِشمنی کَردِه اِستَه؟ بَس هَر کسی که دنیا نَه رَفاقت کَردِه دومله اِستَه، اِشتَن، خِدا دِشمِن بَکَردی.

پطروسی اوّلین نامَه 1:14

اَ مطیع خِردَنون شیوار، اَ هَواهَوسون شیوار مبییَه که نادونی دورانی کا داریرون.

پطروسی اوّلین نامَه 4:3

چیرا که قدیمی کا بِه اندازه کافی شِمَه عُمری اَ کارون را نوعَه رونه که خِدانَشناسِن بَکَردین، و شِمَه زندگی بی عفتی و هَواهَوس و مستی و هَرزگی و عیش و نوش و شرم آوَرَه بُت پرستی اون نَه سَر کَردَرونَه.

پطروسی دومین نامه 2:14

چَوون چِمِن زِنا کا پُوری نَه که گناه کَردِه کا سیر آنِبون. اَوِن جَوونونی که بی ثُباتی نَه تَله کا دَرَفَنِن، چَوون دیلِن طمع کا ماهِری نَه! لَعنتی خِردَنی نَه،

یوحنا اوّلین نامَه 3:10

خِدا خِردَنِن و اِبلیسی خِردَنِن اِنتَه معلوم بَبین: هَر کسی اَ چیی که درست اِستَه اَنجام مَدَه، خِدا کا نییَه و هِنته نی اَ کسی که اِشتَن بِرا نَه خِش نییَه، خِدا کا نییَه.

یوحنا اوّلین نامَه 3:8

اَ کسی که گناه دیلَه کا زندگی بَکَردی اِبلیسی کا یَه، چوم اِبلیس هَ صِفته نَه گناهکار بَه. اِمی واسی خدا زوعَه ظهور کَردِشه تا اِبلیسی کارون باطل آکَرِه.

یوحنا اوّلین نامَه 4:4

اِی روکَه خِردَنِن، شِمَه خِدا کا ایرونه و اَوون اَفجور بَیرونه، چوم اَیی که شِمَه دیلَه کا یَه، اَیی کا که دنیا کا یَه، یالتَرَه.

یوحنا اوّلین نامَه 5:19

اَمَه بَزنیمون که خِدا کا ایمونه و گِردِه دنیا اَ شَریری قدرتی جیری کایَه.

یوحنا اوّلین نامَه 5:4

چوم هَر کسی که خِدا کا دنیا اومَه، دنیا اَفجور بَبی. چَمَه ایمان، اَ پیروزی اِستَه که دنیا شِکست دوعَشَه.

یوحنا موکاشیفَه 12:9

و یالَ اِژدها فِرآدوعَه بَه جیری را، یعنی هَ قدیمی یَه نَلتی که اِبلیس یا شیطان دَخوندَه بَبی و گِردِ دِنیا گمراه بَکَردی. اَ فِرآدوعَه بَه زمینی سَر و چَیی ملائیکه اِن نی اَیی نَه فِرآدوعَه بینَه جیر.

یوحنا موکاشیفَه 13:14

و علامتون و معجزه اون واسی که اِجازه داری اَ اوّلین وَحشی یَه حَیوونی عَوض بِه کار بگِرِه، کسونی که زمینی سَری کا اینَه گول ژَندِشَه و اَوون نَه واتِشه ایلَه مجسمه اَ وَحشی حَیوونی کا وَج آکَرَه که شمشیری نَه زخمی بییَه، ولی با اِم حال زِنده مَندَه.

یوحنا موکاشیفَه 13:8

و گِردِ کسونی که زمینی سَری کا اینَه و اَ وَحشی یَه حَیوونی پرستش بَکَردین- یعنی هَر کسی که چَیی نوم، وَرَه دفتر حیاتی دیلَه کا نیویشته بَه نییَه، هَ وَرَه ایی که دنیا صِفتَه نَه قربونی بییَه بَه.

یوحنا موکاشیفَه 16:17

هفتمین ملائیکه اِشتَن قَدَرَه هوا کا ویکَردِشَه و ایلَه بِلندَه سَسی اَ تخت و معبدی کا اومَه که بَواتی: «تَمون آبَه!»

یوحنا موکاشیفَه 20:2

و ملائیکه، اِژدها، اَ قدیمی یَه نَلتی، که هَ اِبلیس یا شیطونَه، گِتِشه و تا هَزار سال اَیی دَرَفَندِشَه زندانی کا