نامَه اَفسوسی کلیسارا 2:11 - کتاب مقدس به زبان تالشی شمالی

¹¹ بَس ویر بواَرَه که ایی موقعی شِمَه غیر یهودیون ’خَتنَه نِبییَه‘ دَخونین، و اِشتَن ’خَتنَه بییَه‘ بَزنین- در حالی‌ که چَوون خَتنَۀ، ایلَه کار جِسمانی یَه که آدَمی دَسی نَه اَنجام بییَه بَه-

کتاب مقدس به زبان تالشي - گویش مرکزی

¹¹ پس یاد آفَنه کن بَشِمَه ایی زمانی غَیر یهودیون «سِنَت آنِبَه» خِلِه اَکَرین، و بَشتن «سِنَت آبَه» بَموستین- ایسَه اِمکن چَوون سِنَت بِه تاکَه جندَکی سرَ کن اینسانی بالینَه اَنجوم بیَه-

نامَه اَفسوسی کلیسارا 2:11 Iomraidhean Croise

مَتّی 20:7

اَوِن جَواو دوشونَه: ”چوم هیچ‌کس بَمون كاری آدوعَه نیشَه.“ باغَ صاحیب اَوون نَه واتِشه: ”شِمَه نی بِشَه چِمِن اَنگِرَه باغی کا كار بِکَرَه.“

رومی کلیسارا نامه 11:17

ولی اَگم بعضی لاخَه اِن دَوِردَه بَیینه و تِه که وَحشی یَه زیتونی لاخَه بیش، دییَر لاخه اون نه زیتونَ داری پیوند بیشَه و حِسَه زیتونَ داری بِنه شیره کا که مُقوی یَه بَردیش،

رومی کلیسارا نامه 2:26

بَس اَگم ایلَه مِردی که خَتنه بَه نییَه، شریعتی حُکمون بِه جا بواَرِه، مَگم چَیی خَتنه نِبییِه خَتنه‌ بییِه حساب نِبو؟

رومی کلیسارا نامه 2:27

بَس اَ کسی که جِسمی کا خَتنه بَه نییَه، امّا شریعتی بِه جا بواَرِه، تِه محکوم بَکَردی، تِه ایی که هَم شریعتی نیویشته بییَه حُکمون هِستِرَه، و هَم خَتنه بییِه، ولی خِدا شریعتی چاکِنی.

اوّلین نامَه قورَنتیانیرا 12:2

بَزنیرون وختی که بُت‌پرست بیرونه، گمراه بیرونه، و کَشیستَه بَبیرون لالَ بُتون طرفی را. هَر جور که بَبی شِمَه کَشونین.

اوّلین نامَه قورَنتیانیرا 6:11

بعضی شِمَه کا پیشتری اِنتَه بیرونه. امّا عیسایِ مسیحِ خِداوندی نومی کا و چَمَه خِدا روح واسطه نَه شوشتَه بیرونه، تقدیس بیرونَه و صالح حساب بَییرونَه.

نامه غلاطیَه کلیسارا 2:15

اَمَه یَهودی‌ زادَه‌ ایمونه و نِه ’گناه کارَه غیریهودی‘،

نامه غلاطیَه کلیسارا 6:12

کَسونی که پیستِشونَه اِشتَن ظاهری چاک نیشون بِدَن، شِمَه وادار بَکَردین که خَتنَه بِبییَه، فقط اِمی را که مسیح صلیبی واسی عذاب مَکَشِن.

نامَه اَفسوسی کلیسارا 2:2

و زمانی چَوون دیلَه کا زِندگی بَکَردیرون، اَ موقع که اِم دنیا راه اون کا و قدرت هوا رئیسی کا یعنی اِبلیسی کا اِطاعت بَکَردیرون، هَ روحی کا که حِسَه نی نافرمونی خِردَنون کا کار بَکَردی.

نامَه اَفسوسی کلیسارا 5:8

چوم که شِمَه ایی زمانی تاریکی کا بیرونه، امّا حِسَه خِداوندْی کا نوری رونه. بَس نوری خِردَنون شیوار رفتار بِکَرَه.

نامَه فیلیپی کلیسا را 3:3

چوم خَتنَه بییَه، اَمَه ایمونه که خِدا روح نَه پرستش بَکَردیمون، و مسیح عیسی کا فخر بَکَردیمون و چَمَه تَکیَه جِسمی سَر نییَه-

نامَه کُولُسی کلیسا را 1:21

شِمَه نی ایی موقعی خِدا نَه غریبه بیرونه، و شِمَه فیکری کا چَیی دِشمن، و اِم شِمَه شَرورانۀ کارون کا معلوم بَبی.

نامَه کُولُسی کلیسا را 2:11

و مسیح کا خَتنَه نی بَییرونه، خَتنَه‌ای که دَسی نَه اَنجام بَه نییَه، بَلکَم جِسمانی یَه بَدنی بِرون وَردِه نه، مسیح واسطه نَه خَتنه اَنجام بَه،

نامَه کُولُسی کلیسا را 2:13

و خِدا، شِمَه که شِمَه گناه اون و شِمَه خَتنَه نِبییَه جِسمی دیلَه کا مَردَه بیرونه، مَسیح نَه زِندَه آکَردِشه. اَ چَمَه خَطا اون گِردی بَخشِستِشه،

نامَه کُولُسی کلیسا را 3:11

اِم تازَه آدَمی کا، یونانی و یَهودی، خَتنه‌ بییَه و خَتنه‌ نِبییَه، بَربَر و سَکایی، نوکر یا آزاد دِ معنی نیشه، بَلکَم مَسیح گِردِ چیی یَه و گِردی دیلَه کایَه.