نامَه اَفسوسی کلیسارا 2:10 - کتاب مقدس به زبان تالشی شمالی

¹⁰ چوم اَمَه خِدا دَسی کاریمونه، و مسیحْ عیسی کا خلق بَیمونه تا چاکَه کارون اَنجام بِدییَم، اَ کارونی که خِدا پیشتَری کا آمادَه آکَردِشه تا چَوون دیلَه کا قدم پِگِرَم.

کتاب مقدس به زبان تالشي - گویش مرکزی

¹⁰ اِمی خونه کن خدا بالی سِی آکردَ چیی ایمون، و مسیح عیسی کا خلق آبیمون، تا چاکَه کار اَنجوم بدَرَم، اَ کارِنی کن خدا ناردَکَر آمادَ آکردشَه تا اَوونکا گَل بِژَنَم.

نامَه اَفسوسی کلیسارا 2:10 Iomraidhean Croise

مَتّی 5:16

اِنتَه نی بِدارَه شِمَه نور مردمی چِمی پیشی کا شَفق بِژَنَه تا شِمَه چاکَ كارون بِوینن و شِمَه آسِمونی یَه دَده، سِتایش بِکَرِن.

یوحنا 3:21

امّا کسی که دُرست کارون اَنجام بَدای بومَی نوری وَر تا آشکار آبو که چَیی کارِن خِدا کمکی نَه اَنجام بَیینَه.»

رَسولون اَعمال 9:31

اِنتَه کلیسا، گِردِ یهودیه، جَلیل و سامِرَه کا آرامش گِتِشه و قوّت بَگتی. ایماندارِن خِداوندی ترسی کا زندگی بَکَردین و روح القدسی تشویقی نَه هَر روز چَوون تعداد وِر بَبی.

رَسولون اَعمال 9:36

یافا شهری کا ایلَه شاگِردی زندگی بَکَردی که چَیی نوم طابیتا بَه. یونانیون زوونی کا طابیتا نَه دورکاس بَواتین که چَیی معنی پِرزَه یَه. اِم ژِن اِشتَن، چاکَ کارون را وقف کَردَش بَه و فقیر فُقرا کمک بَکَردی.

رومی کلیسارا نامه 8:1

بَس حِسَه کسونی را که مسیحْ عیسی کا مَندینه، دِ هیچ محکومیتی نییَه،

رومی کلیسارا نامه 8:29

چوم کسونی که خِدا پیشتَری آزونِستَشه، پیشتر، اَوون مُعیین کَردِشه تا چَیی زوعَه شیوار بِبون، تا اَتَه مسیح، اِشتَن وِرَه بِرااون دیلَه کا، اَوّلین خِردَن بِبو.

اوّلین نامَه قورَنتیانیرا 3:9

چوم که اَمَه خِدا همکارونیمونه. شِمَه خِدا کِشت و کارَه زمین و خِدا عِمارتی رونه.

دوومین نامه قرنتیانیرا 5:17

بَس اَگم ایی نفر مسیح دیلَه کا بِبو، تازه خِلقتی اِستَه. هَر چیی که کَنه بَه دِ تَمون آبَه؛ حِسَه، گِردِ چیی اِن تازه آبَیینه!

دوومین نامه قرنتیانیرا 5:5

خِدایَه که اِم هدفی را اَمَه حاضِیر آکَردَشَه و روح القدوسی، ایلَه بَیانه ای شیوار بَمون آدوعَشه.

دوومین نامه قرنتیانیرا 9:8

و خِدا بَشای هَر نعمتی شِمَه را وِر آکَرِه تا همه چی کا همیشه شِمَه گِردِ اِحتیاجون قَدَر بِدارَه و هَر چاکَه کاری کا فَت و فراوون بِدارَه.

نامه غلاطیَه کلیسارا 6:15

چوم نِه خَتنَه چیی اِستَه و نِه خَتنَه‌ نِبییِه؛ اَ چی که مُهمَه تازه خِلقَتَه.

نامَه اَفسوسی کلیسارا 1:1

پولُسی طرفی کا کِه خِدا پیستَه نَه مسیحْ عیسی رسول اِستَه، مقدّسینی را که اَفِسُسی شهری کا مَندینه، کسونی را که مسیحْ عیسی کا وَفاداری نَه:

نامَه اَفسوسی کلیسارا 1:4

چوم دنیا خَلق بییِه پیش، اَمَه مسیح دیلَه کا اِنتخاب کَردِشه تا چَیی حضوری کا مقدّس و بی‌عیب بِبَیم. محبتی کا،

نامَه اَفسوسی کلیسارا 2:13

امّا حِسَه مسیحْ عیسی کا، شِمَه که زمانی دور بیرونه، مسیح خونی واسطه نَه نِزدیک اومیرونه.

نامَه اَفسوسی کلیسارا 2:15

رسم و رسوماتی که شریعتی اَحکامی دیلَه کا بَه باطل آکَردِشه، تا اِشتَن دیلَه کا اَ دِ گِله عوض، ایلَه تازه آدمی بِه وجود بواَرِه، تا صُلح و سلامتی برقرار بِکَرِه،

نامَه اَفسوسی کلیسارا 2:2

و زمانی چَوون دیلَه کا زِندگی بَکَردیرون، اَ موقع که اِم دنیا راه اون کا و قدرت هوا رئیسی کا یعنی اِبلیسی کا اِطاعت بَکَردیرون، هَ روحی کا که حِسَه نی نافرمونی خِردَنون کا کار بَکَردی.

نامَه اَفسوسی کلیسارا 2:6

و خِدا اَمَه مسیح نَه زِنده آکَردِشه و آسِمونی یَه جِگا اون کا مسیحْ عیسی نَه نیشوندِشه،

نامَه اَفسوسی کلیسارا 4:1

بَس از که خِداوندی واسی زِندانی کا ایمَه، خواهیشت بَکَردیم که شِمَه اَ دَعوتی شئنی کا که شِمَه کا بییَه، رفتار بِکَرِه،

نامَه اَفسوسی کلیسارا 4:24

و تازه آدَمی شِمَه بَدَنی کا دَکَرَه، که صالحی و قدّوسیت حقیقی کا، خِدا شیوار خَلق بییَه بِبو.

نامَه فیلیپی کلیسا را 1:6

و از مُطمئِنیمَه اَ که شِمَه دیلَه کا چاکَه کاری شروع کَردَشه، تا مسیح عیسی آگَردِستِه روز، اَیی کامل آکَرِه.

نامَه فیلیپی کلیسا را 2:13

چوم خِدایَه که شِمَه دیلَه کا اِشتَن خشنودی را کار بَکَردی، هَم اِراده کا هَم عَملکردی کا.

نامَه کُولُسی کلیسا را 1:10

تا شِمَه رفتار، خِداوندی شَئنی کا بِبو و بِشایَه اَیی کاملا خوشحال آکَرَه: هَر چاک کاری کا ثمر بواَرَه و خِدا آزونستِه کا رُشد بِکَرَه

نامَه کُولُسی کلیسا را 3:10

و تازَه آدَمی خَلا دَکَردَرونه، که معرفت حقیقی کا هَر لحظه تازَه بَبی تا اِشتَن خالقی شیوار بِبو.

دوّمین نامَه تَسالونیکی کلیسا را 2:17

شِمَه دیلون تَسلی بِدَه و هَر چاکه کار و گفی کا پابَرجا بِکَرِه.

اوّلین نامَه تیموتائوسیرا 2:10

بَلکَم چاکَه کارون نَه، هَتَه که اَ ژِنکونی شَئنی کایَه که اِدِعا بَکَردین دینداری نَه.

اوّلین نامَه تیموتائوسیرا 5:10

و چاکَه کارون اَنجام دوعِه را معروف بِبو، یعنی: اِشتَن خِردَنون یال آکَردَش بِبو، غریبنواز بِبو، مقدّسون پایون شوشتَش بِبو، و دَردمَندون ویرا بِبو، و اِشتَن وقف هَر جورَه چاکه کار کَردشون بِبو.

اوّلین نامَه تیموتائوسیرا 5:25

بَس چاکَه کارِن نی معلومی نَه و حتی اَوِنی که معلوم نینَه، نییَب نِین غَم هَردِه.

اوّلین نامَه تیموتائوسیرا 6:18

اَوون دستور بِدَه که چاکی بِکَرِن و چاکَه کارون دیلَه کا دولتمند بِبون، دَس و دیل باز و بَخشندَه بِبون.

دِوُّمین نامَه تیموتائوسیرا 2:21

بَس اَگم ایی نفر اِشتَن اِم چییون کا پاک غم بَرِه، قَبی بَبی که مهم کارون را اِستفادَه بَبی، قَبی مقدّس و مفید کَ صاحابی را و هَر چاکَه کاری را آمادَه یَه.

دِوُّمین نامَه تیموتائوسیرا 3:17

تا مِرد خِدا کامل بِبو، و هَر چاکَه کاری را آمادَه.

نامَه تیتوسیرا 2:14

که اِشتَن جانی چَمَه راه کا آدوشَه، تا هَر شِرارتی کا اَمَه رهایی بِدَه و اِشتَرا پاکَه مردمی وَج آکَرِه که چَیی اِشتَن شِن بِبون که چاک کارون را غِیرت بِدارِن.

نامَه تیتوسیرا 2:7

تِه اِشتَن، گِردِ چیون کا چاک کارون را ایلَه سَرمشق بِبَش. اِشتِه تعلیمی کا صاف و صادق و باوقار بِبَش،

نامَه تیتوسیرا 3:1

اَوون یادآوری بِکَه که حاکِمون و صاحبمَنصبون مطیع بِبون، و هَر چاکَه کاری را حاضیر بِبون،

نامَه تیتوسیرا 3:14

بِدا چَمَه مردم باموجِن اِشتَن، اِحتیاجاتی برطرف کَردِه واسی چاکَ کارون را وَقف بِکَرن و بی‌ ثمر مَبون.

نامَه تیتوسیرا 3:8

بَبی اِم گَفی اِعتماد کَردِه. و تِکا پیستِمَه که اِم چییون را اِصرار بِداری، تا کسونی که خِدا ایمان وَردَشونه، هَواسِشون جمع بِبو که اِشتَن وقف چاکَ کاروون بِکَرِن. اِم چیی اِن مردمی را چاک و فایدَه داری نَه.

نامَه، عِبرانیه نَتاجَه مسیحیونرا 10:24

بایَه اِم فیکری کا بِبییَم که چِنتَه یَندی تشویق بِکَرَم تا محبت بِکَرَم و چاکَه کارون اَنجام بِدییَم.

نامَه، عِبرانیه نَتاجَه مسیحیونرا 13:21

هَ خِدا شِمَه هَر چاکَه چیی نَه مجهز بِکَرِه تا چَیی اِراده اَنجام بِدییَه. تا اَ چیی نَه که خِدا راضی آکَرِه، عیسایِ مسیح واسطه نَه چَمَه دیلَه کا بِه کار بِگِرِه، هَ عیسایِ مسیح که تا اَبَد و تا اَبَد جلال اَیی نَه بِبو. آمین.

پطروسی اوّلین نامَه 2:12

بی ایمانون دیلَه کا شِمَه کِرِدِکار محترم بِبو تا کسونی که شِمَه ضِد گف ژَنِن که شِمَه اَعمال بَدَه، شِمَه چاکَه اَعمالی ویندِه نَه، روزی کا که خِدا بَویندیمون، اَیی پرستش بِکَرِن.

یوحنا اوّلین نامَه 1:7

امّا اَگم نوری کا زندگی بِکَرَم، هَتَه که خِدا نوری دیلَه کا یَه، یَندی نَه رَفاقَت اِستِمونه و چَیی زوعَه، عیسی خون، اَمَه گِردِ گناه اون کا پاک آکَرِه.

یوحنا اوّلین نامَه 2:6

اَ کسی که بَواتی اَیی کا بَمَندی، بَسی هَتَه زندگی بِکَرِه که عیسی زندگی بَکَردی.