نامَه اَفسوسی کلیسارا 1:9 - کتاب مقدس به زبان تالشی شمالی

⁹ اَ اِشتَن اِراده سِرّی بَمون آزونیشَه. بینا بَر اِشتَنِش پیستَه که مسیح کا آشکار آکَردِشه.

کتاب مقدس به زبان تالشي - گویش مرکزی

⁹ اَ اِشتَن ایرادَ رازی اَمَش آمونِسته. اِشتَن خواستَه واتَنه کن مسیح کا دیار آکَردِش.

نامَه اَفسوسی کلیسارا 1:9 Iomraidhean Croise

مَتّی 13:11

عیسی جَواو دوشَه: «آسِمونی پاُتشایی سِرّون دَرک کَردِه شِمَه آدوعَه بییَه، امّا اَوون آدوعَه بَه نییَه.

انجیل لوقا 12:32

«اِی روکَ رَمَه، مَتَرسَه، چوم شِمَه آسِمونی یَه دَده شادی اِمَه که اَ پاُتشایی آدَه شِمَه.

انجیل لوقا 2:14

«عَرش بَرینی کا خِدا را جلال بِبو، و زمینی کا مردمی را که خِدا اَوون کا راضی یَه صُلح و سلامتی بِبو.»

رَسولون اَعمال 13:48

وختی غِیریهودیِن اِمی دَرَسِشونَه، شاد آبینَه و خِداوندی کلامی حُرمت کَردِشونَه؛ و کسونی که اَبَدی یَه زندگی را مُقَدر بَه بینَه، ایمان وَردِشونَه.

رَسولون اَعمال 2:23

هَ عیسی، طبق خِدا اِراده و نَخشه شِمَه تسلیم بَه و شِمَه، شَرورَه آدَمون دَسی نَه، اَیی صلیبی سَری کا مصلوب کَردِرونَه و کِشتِرونَه.

رَسولون اَعمال 4:28

تا اَ چییونی اَنجام بِدَن که اِشتِه دَس و اِشتِه اِرادَه، پیشتری مُعیَن کَردَش بَه.

رومی کلیسارا نامه 11:25

اِی بِرااِن، نِپیستِمه اِم سِرّی کا بیخَوَر بِبییَه- نَبادا اِشتَن دانا بِزونَه- که دیل سختی بعضی اِسرائیلی یون سَری کا حُکمفرما بییَه، تا کسونی تعداد که قَرارَه غیریهودیون دیلَه کا بِه مسیح ایمان بواَرِن کامِل آبو.

رومی کلیسارا نامه 8:28

بَزنیمون کسونی حقی کا که خِدا نَه خِشی نَه و طبق چَیی پیستَه دعوت بَیینه، گِردِ چییِن یَندی نَه چَوون خیریَتی را کار بَکَردین.

اوّلین نامَه قورَنتیانیرا 1:21

چوم اوآنه که بینا بَر خِدا حکمت، دنیا نِشاستِشَه حکمتی راه نَه خِدا آزونِه، خِدا اِنتَه صلاح ویندِشه که هِم نادونی راه نَه، که اَمَه موعظه بَکَردیمون، کسونی که ایمان بواَردین، نجات بِدَه.

نامه غلاطیَه کلیسارا 1:12

چوم اَز اَیی هیچ اِنسانی کا ویگِتَه نیمَه، و کسی نی اَیی مِن آموتَه نیشَه؛ بَلکَم عیسایِ مسیح اَیی بَه مِرا آشکار آکَردِشَه.

نامه غلاطیَه کلیسارا 1:15

ولی وختی اَ کسی که حتی چِمِن نَنه اِشکمی نَه مِن اِشتَن کاری را وقف کَردَش بَه و اِشتَن فیضی واسطه نَه مِن دعوت کَردِشه، چَیی خوشحالی اِمی کا بَه که،

نامه غلاطیَه کلیسارا 1:16

اِشتَن زوعَه بَه مِن کا آشکار آکَرِه تا غیریهودیون دیلَه کا اَیی اِعلام بِکَرِم، اَ موقع از جسم و خونی نَه مشورت نِکَردِمه،

نامَه اَفسوسی کلیسارا 1:11

اَمَه چَیی دیلَه کا وارِثون بَیمونه، چوم بینا بَر چَیی پیستَه که گِردِ چییون مطابق اِشتَن اِراده اَنجام بَدای، پیشتری اِنتخاب بَه بیمونَه.

نامَه اَفسوسی کلیسارا 1:8

هَر حکمتی کا و کامِلَ فهمی کا، فَت و فَراوون بَمون آدوعَشَه.

نامَه اَفسوسی کلیسارا 3:11

اِم هَ هدفی بَه که خِدا، صِفته نَه اَیی داری که خِدا اَیی چَمَه خِداوند مسیحْ عیسی کا انجام دوشَه.

اوّلین نامَه تیموتائوسیرا 3:16

راس راسی که دینداری بَرک یالَه سِرّی یَه: اَ جِسمی دیلَه کا ظاهر آبَه، خِدا روح واسطه نَه تصدیق بَه، ملائیکه اِن اَیی ویندِشونَه، قومون دیلَه کا اِعلام بَه، دنیا دیلَه کا بَیی ایمان وَردِشونه، جلالی نَه، بَردَه بَه کَفا.

دِوُّمین نامَه تیموتائوسیرا 1:9

خِدایی که اَمَه نجات دوشَه و ایلَه مقدّسَ زندگی را دَخوندِشه. اِمی نِه چَمَه کارون واسی، بَلکم اِشتَنِش فیض و هدفی واسی، که مسیح عیسی کا دنیا صِفته نَه، آدوشَه اَمَه،