نامَه اَفسوسی کلیسارا 1:6 - کتاب مقدس به زبان تالشی شمالی

⁶ تا چَیی پُر جلالَ فیض ستایش بِبو، هَ فیضی که اِشتَن عزیزگِرامی دیلَه کا اَمَه بَرکت آدوعَشه.

کتاب مقدس به زبان تالشي - گویش مرکزی

⁶ تا چَی پور شکوه و جلالَه فیض ستایش ببو، فییضی کن اِشتَن خاجَتی دلَکا اَمَش برَکَت آداشَه.

نامَه اَفسوسی کلیسارا 1:6 Iomraidhean Croise

مَتّی 17:5

پِطرسی گَف حَلا تمون آبَه نِبَه كه ایلَه خِری چَوون سَری کا سا دَرَفَندِشه که شَفَق ژَنی و خِری کا سَسی اومَه که بَواتی: «اِم چِمِن عزیزَه زوعَه یَه كه از اَیی کا وِر راضی ایمه؛ چَیی گفون گوش بِدییَه.»

مَتّی 20:9

کاریگرِنی كه حدود ساعت پینج اومَه بینَه کاری سَر، هَر کمیله ایی دینار ویگِتِشونَه.

مَتّی 3:17

دومله آسِمونی کا سَسی اومَه كه واتِشه: «اِم چِمِن عزیزگِرامی یَه زوعَه یَه كه اَز اَیی کا وِر راضیمَه.»

انجیل لوقا 2:14

«عَرش بَرینی کا خِدا را جلال بِبو، و زمینی کا مردمی را که خِدا اَوون کا راضی یَه صُلح و سلامتی بِبو.»

یوحنا 10:17

دَده، مِنَه اِمی واسی خِشَه که اَز چِمِن جانی آدَم تا اَیی هَنی پَس ویگِرِم.

یوحنا 3:35

دَده، زوعَه نَه خِشه و گِرد چییون چَیی اِختیاری کا نوعَشه.

رومی کلیسارا نامه 8:1

بَس حِسَه کسونی را که مسیحْ عیسی کا مَندینه، دِ هیچ محکومیتی نییَه،

دوومین نامه قرنتیانیرا 4:15

اِمِن گِرد شِمَه واسی اِستینَه، تا هَر چَدَه که خِدا فیض مردمی سَری کا وِرتَر و وِرتَر آبو، شُکرکَردِه نی خِدا جلالی را وِرتَر آبو.

دوومین نامه قرنتیانیرا 5:21

خِدا اَ، کسی که گناه آنِزونی، چَمَه واسی گناه وَج آکَردِشه، تا اَمَه، چَیی دیلَه کا خِدا صالِحی بِبییَم.

نامَه اَفسوسی کلیسارا 1:12

تا اَمَه که اوّلین کسونی بیمونَه که بِه مسیح اُمید داریمون، چَیی جلالی ستایش بِکَرَم.

نامَه اَفسوسی کلیسارا 1:14

که چَمَه اِرثی بیعانه یَه تا وختی که اَیی کاملا بِه دَس بواَرَم، تا خِدا جلال ستایش بِبو.

نامَه اَفسوسی کلیسارا 1:18

تا شِمَه دیلی چِمِن روشون آبون، تا اَ اُمیدی که خِدا شِمَه چَیی واسی دَخوندِشه آزونَه، و خِدا اَ بی حَدو اندازه و پُر جلال میراثی، مقدّسون دیلَه کا بِفهمَه،

نامَه اَفسوسی کلیسارا 2:7

تا اَ زمانونی کا که بومَی، اَ اِشتَن بَرکَ فیضی، اِشتَن میهروونی واسطه نَه نسبت بِه اَمَه مسیح عیسی کا نیشون بِدَه.

نامَه فیلیپی کلیسا را 1:11

صالِحی ثَمرَه کا پور بِبییَه که عیسایِ مسیح واسطه نَه، خِدا جلال و ستایشی را ختم بَبی.

نامَه فیلیپی کلیسا را 3:9

و چَیی دیلَه کا پیدا بِبوم، نِه چِمِن صالِحی نَه که شریعتی کا بومَی، بَلکم اَ صالِحی نَه که اَز راه ایمان بِه مسیح بِه دَس بومَی، اَ صالِحی که خِدا کایَه و طبق ایمانَه.

نامَه فیلیپی کلیسا را 4:19

و چِمِن خِدا، شِمَه گِردِ اِحتیاجاتون طبق اِشتَنِش پُرجلال دولت، مسیحْ عیسی کا بَرطرف بَکَردی.

نامَه کُولُسی کلیسا را 1:13

اَ، اَمَه تاریکی قدرتی کا رهایی دوشَه و ویسا آکَردِشَه اِشتَن عزیزَه زوعَه پاُتشایی دیلَه.

پطروسی اوّلین نامَه 2:5

شِمَه اِشتَن نی زِنده سِنگون شیواری رونَه،که روحانی یَه عمارت شِمَه کا وَج آبو، تا مقدسَ کاهنون شیوار بِبییَه و عیسایِ مَسیح واسطه نَه، روحانی یَه قِربونیونی که خِدا اَوون قبول بَکَردی، تقدیم بِکَرَه.

پطروسی اوّلین نامَه 2:9

امّا شِمَه اِنتخاب بییَه نسل و کاهنونی اِستیرونَه که شاهانَه کاهنی بَکَردین. شِمَه مقدّسَ ملّت و مردمی اِستیرونَه که خِدا مِلکی نَه، تا چَیی چاکَه صِفَتون اِعلام بِکَرَه که تاریکی کا شِمَه دعوت کَردِشَه اِشتَن عجیبَ نوری دیلَه.

پطروسی اوّلین نامَه 4:11

هَر کسی که گَف ژَنِه، خِداوندی شیوار گف بِژَنه؛ و هَر کسی که خدمت بَکَردی، اَ قدرتی نَه که خِدا آدوعَشَه خدمت بِکَرِه، تا گِردِ چییون کا، خِدا، عیسایِ مَسیح واسطه نَه جلال بِگِرِه. جلال و سلطنت تا اَبَد و تا اَبَد اَیی نَه بِبو. آمین.