نامَه اَفسوسی کلیسارا 1:4 - کتاب مقدس به زبان تالشی شمالی

⁴ چوم دنیا خَلق بییِه پیش، اَمَه مسیح دیلَه کا اِنتخاب کَردِشه تا چَیی حضوری کا مقدّس و بی‌عیب بِبَیم. محبتی کا،

کتاب مقدس به زبان تالشي - گویش مرکزی

⁴ اِمی خونه کن دِنیا خلق بِه بَه نَه، اَمَش چَی دلَکا اینتخاب کردِش تا چَی حِضوریکا بی عَیب و موقدَّس ببَم، و موحبَتیکا

نامَه اَفسوسی کلیسارا 1:4 Iomraidhean Croise

مَتّی 24:22

اَگم خِدا اَ روزون کِتا مَکَری، هیچ بَشری سالمَ جان بِه دَر نِبَری، امّا اَ کسونی واسی که اِنتخاب بَیینَه، خِدا اَ روزون کِتا آکَرِه.

مَتّی 24:24

چوم دروعَه مسیح اِن و دروعَه پیغمبرِن بومَین، و اِنتَه یالَ نیشونه اونی بواَردین و معجزه اونی بَکَردین که اَگم بِشان، حتی اَ کسونی که اِنتخاب بَیینَه نی گمراه بِکَرِن.

مَتّی 24:31

اِنسانی زوعَه اِشتَن ملائیکه اون شیپوری بِلنده سَسی نَه ویسا آکَرِه و ملائیکه اِن، اَ کسونی که خِدا اَوون انتخاب کَردشَه دنیا چار گوشه نَه، آسِمونی اِم سَر تا اَ سَری نَه، جمع آکَرِن.

مَتّی 25:34

دومله پاُتشا کسونی نَه که چَیی راست طرفی کا مَندینَه بَواتی: ”اِی کسونی که چِمِن دَده، شِمَه بَرکت دوعَشَه، بایَه و اَ پاُتشایی كه دنیا اول بُنیادی کا شِمَه را آمادَه بییَه، بِه اِرث بِبَرَه.

یوحنا 10:16

اَز دییَر گوسَندونی هِستِمَه که اِم طَوله شِن نینَه. اَوون نی بَسی بواَرِم و اَوِن نی چِمِن سَسی گوش بَداین. اَ موقع ایلَه رَمَه بَبین ایلَه شوونَه نَه.

یوحنا 15:16

شِمَه مِن اِنتخاب کَردَه نیرونَه، بَلکَم اَز شِمَه اِنتخاب کَردَمه و تعیین کَردَمه تا بِشَه و میوه بواَرَه و شِمَه میوه بومونِه، تا هَر چیی دَده کا چِمِن نومی نَه بِپییَه آدَه شِمَه.

یوحنا 17:24

اِی دَده، پیستِمَه کسونی که بَه مِن آدوعَرَه نی، جِگایی کا که اَز اِستیمَه مِنَه بِبون، تا چِمِن جلالی دَیِسِن، جلالی که تِه مِن آدوعَرَه؛ چوم پیش اَز اِم که دنیا خلق بِبو تِه مِنَه خِش بیش.

رَسولون اَعمال 13:48

وختی غِیریهودیِن اِمی دَرَسِشونَه، شاد آبینَه و خِداوندی کلامی حُرمت کَردِشونَه؛ و کسونی که اَبَدی یَه زندگی را مُقَدر بَه بینَه، ایمان وَردِشونَه.

رَسولون اَعمال 15:18

اِم چییون قَدیمی کا مَعلوم کَردَشه.“

رَسولون اَعمال 18:10

چوم اَز بَه تِنه ایمَه و هیچکس نیمَشا بَه تِن هُجوم بواَرَه تا اِشتِه سَر بَلایی بواَرِه، چوم که از اِم شهری کا وِرَه آدَمونی هِستِمَه.»

رومی کلیسارا نامه 8:33

کییَه که خِدا اِنتخاب بییَه اون بُختون بِژَنه؟ خِدایَه که اَوون صالِح بِه حساب بواَردی!

اوّلین نامَه قورَنتیانیرا 1:8

اَ، تا آخِر شِمَه پابَرجا غَم بَردی، تا چَمَه خِداوند عیسایِ مسیح روزی کا بی تقصیر بِبییَه.

نامه غلاطیَه کلیسارا 5:13

چوم که اِی بِرااِن، شِمَه آزادی را دَعوت بَییرونه. فقط شِمَه اِم آزادی، ایلَه فرصَتی شیوار جِسمی را اِستفاده مَکَرَه، بَلکَم مُحبتی نَه، یَندی خدمَت بِکَرَه.

نامه غلاطیَه کلیسارا 5:22

امّا خِدا روح ثَمره، محبت، شادی، صُلح و سلامتی، صَبر، میهرَوونی، چاکی، وفاداری،

نامه غلاطیَه کلیسارا 5:6

چوم مسیحْ عیسی کا نِه خَتنه بییِه مُهمَه نِه خَتنه‌ نِبییِه، بَلکَم مُهم اَ ایمانی یَه که محبتی واسطه نَه کار بَکَردی.

نامَه اَفسوسی کلیسارا 2:10

چوم اَمَه خِدا دَسی کاریمونه، و مسیحْ عیسی کا خلق بَیمونه تا چاکَه کارون اَنجام بِدییَم، اَ کارونی که خِدا پیشتَری کا آمادَه آکَردِشه تا چَوون دیلَه کا قدم پِگِرَم.

نامَه اَفسوسی کلیسارا 3:17

تا ایمانی واسطه نَه، مسیح شِمَه دیلون دیلَه کا بومونِه و محبتی کا بِنَه بِژَنَه، پابَرجا بِبییَه،

نامَه اَفسوسی کلیسارا 4:2

فروتنی و ملایمت کاملی نَه؛ و صبر و محبتی نَه یَندی تحمل بِکَرَه.

نامَه اَفسوسی کلیسارا 5:2

و محبتی نَه رفتار بِکَرَه، هَتَه که مسیح اَمَه محبت کَردِشه و اِشتَن جانی چَمَه راه کا، ایلَه قِربونی و خوشبویَه هدیه‌ای شیوار خِدا تقدیم کَردِشه.

نامَه اَفسوسی کلیسارا 5:27

تا کلیسا اَ شکوهی نَه که هِستِشَه بواَرِه اِشتَن وَر، بیدون هیچ لک و چین و چروکی یا هَر چیی دییَری، تا کلیسا مقدّس و بی‌عیب بِبو.

نامَه فیلیپی کلیسا را 2:15

تا بی‌ عیب و ساده دیل، و خِدا بی عیبه خِردَن بِبییَه، ناخَلَف و گُمراهَ نسلی دیلَه کا که شِمَه نور چَوون دیلَه کا ستاره اونْ شیوار اِم دنیا کا شَفَق ژَنه،

نامَه کُولُسی کلیسا را 1:22

حِسَه اَ، اِشتَن مرگی واسطه نَه، اِشتَن جِسمانی یَه بدنی کا شِمَه آشتی دوعَشَه، تا شِمَه مقدّس و بی‌عیب و بیدون هیچ سَرکوفتی، بواَرِه خِدا وَر.

نامَه کُولُسی کلیسا را 2:2

تا دیلگرم بِبون، و هَتَه که مُحبتی کا یَندی نَه متحدی نَه و اَ کاملَ اِطمینان و بی حد و اندازه پُوری کا، که فهمی کا بِه دَس بومَی بهره بِبَرَه و هِم راه کا، خِدا سِرّی، یعنی مَسیح آزونِن،

نامَه کُولُسی کلیسا را 3:12

بَس خِدا اِنتخاب بییَه آدَمون شیوار که مقدّس و عَزیزگِرامی اینه، دیلَسوجی، میهروونی، فروتنی، ملایِم بییِه و صَبری خَلا دَکَرَه.

اوّلین نامَه تَسالونیکی کلیسا را 3:12

و هَتَه که چَمَه محبت، شِمَه را وِر آبو، خِداوند شِمَه محبتی یَندی نَه و گِردِ مردمی را وِر آکَرِه.

اوّلین نامَه تَسالونیکی کلیسا را 4:7

چوم خِدا اَمَه نِه ناپاکی را، بَلکَم مقدّس بییِه را دَعوت کَردَشه.

دِوُّمین نامَه تیموتائوسیرا 1:9

خِدایی که اَمَه نجات دوشَه و ایلَه مقدّسَ زندگی را دَخوندِشه. اِمی نِه چَمَه کارون واسی، بَلکم اِشتَنِش فیض و هدفی واسی، که مسیح عیسی کا دنیا صِفته نَه، آدوشَه اَمَه،

دِوُّمین نامَه تیموتائوسیرا 2:10

اِمی واسی از گِردِ چییون، اِنتخاب بییَه اون واسی تاو بواَردیم، تا اَوِن نی اَ نجاتی که مسیحْ عیسی کایَه، اَبَدی یَه جلالی نَه بِه دَس بواَرِن.

دِوُّمین نامَه تیموتائوسیرا 2:19

با اِم حال، اَ مُحکمَه پاکاری که خِدا نوعَشه، پابَرجایَه و اِمی نَه مُهر بییَه که: «خِداوند اِشتَن آدَمون آزونِه،» و «هَر‌ کسی خِداوندی نومی اِقرار بِکَرِه، بَسی نادُرستی کا دوری بِکَرِه.»

یعقوبی نامَه 2:5

عزیزَه بِرا اِن، گوش بِدییَه! مَگم خِدا اِم دنیا فَقیرون اِنتخاب کَردَه نیشه تا ایمانی کا دولتمند بِبون و اَ پاُتشایی بِه اِرث بِبَرِن که خِدا، بِه کسونی وعده دوعَشَه که اَیینه خِشینَه؟

پطروسی اوّلین نامَه 1:2

کسونی را که طبق خِدای دَده پیشدانی و خِدا روح کاری واسطه نَه که تقدیس‌ بَکَردی، عیسایِ مَسیح اِطاعت کَردِه کا و چَیی خون که چَوون سَری کا پِشَندَه بَه، اِنتخاب بَیینه: فیض و صُلح و سلامتی فَت و فَراوون شِمه را با.

پطروسی اوّلین نامَه 1:20

اَ، دنیا خلق بییَه پیش مُعَین بَه، امّا اِم آخِر زمانون کا شِمَه را آشکار آبَه.

پطروسی اوّلین نامَه 2:9

امّا شِمَه اِنتخاب بییَه نسل و کاهنونی اِستیرونَه که شاهانَه کاهنی بَکَردین. شِمَه مقدّسَ ملّت و مردمی اِستیرونَه که خِدا مِلکی نَه، تا چَیی چاکَه صِفَتون اِعلام بِکَرَه که تاریکی کا شِمَه دعوت کَردِشَه اِشتَن عجیبَ نوری دیلَه.

پطروسی دومین نامه 3:14

بَس اِی عَزیزِن، حِسَه که اِم چییون مُنتظریرونه، تَقَّلا بِکَرَه تا چَیی نظری کا بی لَکه و بی عیب بِبییَه و صُلح و سلامتی کا بومونَه.

یوحنا اوّلین نامَه 4:16

بَس اَمَه اَ محبتی که خِدا بَمون هِستِشه آزونِستَمونه و اَیی باور دارَم. خِدا محبتَه و کسی که محبتی دیلَه کا بَمَندی، خِدا دیلَه کا بَمَندی و خِدا چَیی دیلَه کا.

یوحنا موکاشیفَه 13:8

و گِردِ کسونی که زمینی سَری کا اینَه و اَ وَحشی یَه حَیوونی پرستش بَکَردین- یعنی هَر کسی که چَیی نوم، وَرَه دفتر حیاتی دیلَه کا نیویشته بَه نییَه، هَ وَرَه ایی که دنیا صِفتَه نَه قربونی بییَه بَه.

یوحنا موکاشیفَه 17:8

اَ وحشی یَه حَیوون که ویندِرَه اِستبَه، حِسَه دِ نییَه، هِم زودیون هاویَه چاه کا بِرون بومَی و بَشی هلاکتی طرفی را. و کسونی که زمینی سَری کا اینَه و چَوون نوم دنیا خَلق بییِه نَه دفتر حَیاتی دیلَه کا نیویشته بییَه نییَه، اَ وحشی یَه حَیوونی ویندِه کا مات بَبین، چوم که اَ اِستبَه، حِسَه نییَه، و بومَی.