نامَه اَفسوسی کلیسارا 1:17 - کتاب مقدس به زبان تالشی شمالی

¹⁷ تا چَمَه خِداوند عیسایِ مسیح خِدا، اَ پُر جلال دَده، حکمت و مکاشفه روح آدَه شِمَه، تا اَیی آزونَه،

کتاب مقدس به زبان تالشي - گویش مرکزی

¹⁷ تا چَمَه خداوند عیسی مسیح خدا، اَ پور جلالَه دَدَ، حیکمت و موکاشفَه روح بشمَه بدَرِ، تا بَی آزنَه،

نامَه اَفسوسی کلیسارا 1:17 Iomraidhean Croise

مَتّی 11:25

هَ موقع عیسی واتِشه: «اِی دَده، اِی آسِمون و زمینی خِداوند، تِه شُکور بَواتیم كه اِم چییون، دانایون و عاقل آدَمون کا نِین آکَردَرَه و خِردَنون را آشکار آکَردَرَه.

مَتّی 11:27

چِمِن آسِمونی یَه دَده گِردِ چیون بَه مِن دَسپاردَشَه. هیچکس دَده غِیراز زوعَه آنِزونِه، و هیچکس زوعَه غیراز دَده آنِزونِه، و اَ کسونی که زوعَه پیستِشَه دَده اَوون را آشکار آکَرِه.

مَتّی 16:17

عیسی واتِشه: «اِی شَمعون، یونا زوعَه! خَسَه تِه بِبو! چوم اِنسان، اِمی بَه تِرا آشکار آکَردَه نیشَه، بَلکَم چِمِن آسِمونی یَه دَده اِمی بَه تِرا آشکار آکَردِشه.

مَتّی 20:33

اَوِن واتِشونَه: «اِی آقا، اَمَه پیستِمونَه چَمَه چِمِن بِوینِن.»

مَتّی 6:13

اَمَه اِمتحانون کا مَدَرَن، بَلَکم اَمَه اَ شریری کا نجات بِدَه، [چوم پاُتشایی و قدرت و جلال تا اَبَد اِشتِه شِنَه. آمین.]

انجیل لوقا 12:12

چوم هَ ساعتی کا، روح القدس شِمَه آموجِه که بَسی چِه بوآجَه.»

انجیل لوقا 2:14

«عَرش بَرینی کا خِدا را جلال بِبو، و زمینی کا مردمی را که خِدا اَوون کا راضی یَه صُلح و سلامتی بِبو.»

انجیل لوقا 21:15

چوم اَز، شِمَه اِنتَه قدرت گَف ژَندِه و حکمتی بَدایم که هیچ گِله شِمَه دِشمنون کا نیمَشان اَیی نَه مقاومت یا مخالفت بِکَرِن.

یوحنا 14:17

یعنی روح حقیقت که دنیا نیمَشا اَیی قبول بِکَره، چوم که اَیی نِه بَویندی و نِه آزونِه. شِمَه اَیی آزونَه، چوم که اَ شِمَه نَه بَمَندی و شِمَه دیلَه کا بَبی.

یوحنا 14:26

امّا اَ یاور، یعنی روح القدس، که دَده اَیی چِمِن نومی نَه ویسا آکَرِه، اَ گِرد چییون شِمَه یاد بَدای و هَر چِه اَز شِمَه نَه واتِمَه، شِمَه یاد بواَردی.

یوحنا 16:3

اِم کارون بَکَردین، چوم نِه دَده آزونِن، نِه مِن.

یوحنا 17:3

و اَبَدی یَه زندگی اِمَه که، اَوِن فقط تِه که خِدای یگانه حقیقییش، و عیسایِ مسیحی که تِه اَیی ویسا آکَردَرَه، آزونِن.

یوحنا 20:17

عیسی اَیی نَه واتِشه: «بَه مِن دَس مَژَن، چوم حَلا دَده وَر کفا را شَه نیمَه. امّا بِش چِمِن بِرا اون وَر و اَوون نَه بوآج که چِمِن دَده وَر و شِمَه دَده وَر، چِمِن خِدا وَر و شِمَه خِدا وَر بَشیم کفا.»

رَسولون اَعمال 6:10

ولی اَوِن نیمَشاین اَ حکمت و خِدا روح پیشی کا که اِستیفان چَیی واسطه نَه گَف ژَنی، مقاومت بِکَرین.

رَسولون اَعمال 7:2

اِستیفان واتِشه: «اِی بِرا اِن و اِی دَده اِن، چِمِن گفون گوش بِدییَه! پُر جلالَ خِدا، وختی که چَمَه جَّد اِبراهیم پیغمبر، بِین‌النهرینی منطقه کا بَه و حَلا کوچ کَردَش نِبَه حَرانی را، اَیی را ظاهر آبَه

رومی کلیسارا نامه 1:28

اوآنه که خِدا آزونِستِه چَوون را اِرزِشِشی نِبه، خِدا نی اَوون، چَوون فاسِدَه فیکرون نَه وِل آکَردِشه تا اِشتَن بَدَه کارون اَنجام بِدَن.

رومی کلیسارا نامه 15:6

تا یَندی نَه یَکدیل و یَک زَوون، چَمَه خِداوند عیسایِ مسیح دَده، یعنی خِدا پرستش بِکَرَه.

اوّلین نامَه قورَنتیانیرا 12:8

چوم که ایی نفری خِدا روح واسطه نَه، حِکمتی کلام آدوعَه بَبی، هَ روح واسطه نَه به ایی نفر دییَر معرفتی کلام.

اوّلین نامَه قورَنتیانیرا 14:6

حِسَه اِی بِرااِن، اَگم از بام شِمَه وَر و دییَر زَوونون نَه گَف بِژَنِم، چِه مَنفعتی شِمَه را هِستِشه، مَگم اِم که مکاشفه، دانایی، نبوّت یا ایلَه تعلیمی شِمَه را بِدارِم؟

اوّلین نامَه قورَنتیانیرا 2:10

خِدا اِشتَن روح واسطه نَه، اِم چییون اَمَه را آشکار آکَردَشَه. چوم که خِدا روح گِردِ چیون گَردِه، حتی خِدا عَمیقترین سِرّون نی.

اوّلین نامَه قورَنتیانیرا 2:8

اِم دورَه زمونه حاکِمِن هیچ گِله، اِم حِکمتی نفهمِستِشونه، چوم اَگم اَیی فهمِستَشون بَه، خِداوندِ جَلالی مصلوب نِکَرین.

دوومین نامه قرنتیانیرا 12:1

از بَسی هِنتَه اِفتخار بِکَرِم. هَر چَن که اَیی کا هیچ نفعی نِبَرِم، حِسَه چِمِن اِفتخاری، رویااون و خِداوندی مکاشفاتی واتِه را اِدامه بَدایم.

نامَه اَفسوسی کلیسارا 1:3

مُتوارک بِبو خِدا و چَمَه خِداوند عیسایِ مسیح دَده، که اَمَه مسیح کا هَر بَرکت روحانی نَه،آسِمونی یَه جِگا اون کا بَرکت دوعَشَه.

نامَه اَفسوسی کلیسارا 3:5

اَ سِرّی که قدیمی یَه نَسلون دیلَه کا، آدَمون زوعَه اون را آشکار آبَه نِبَه، هَتَه که حِسَه روح القدوسی واسطه نَه، چَیی مقدّسَ رسولون و پِیغمبرون را آشکار آبَه.

نامَه اَفسوسی کلیسارا 4:13

تا وختی که گِرد ایمانی کا ایلَه بِبییَم و هَتَه نی خِدا زوعَه آزونِستِه کا ایلَه بِبییَم و اِنتَه ایلَه کامِلَ اِنسانی قَدَر یال بِبییَم، تا آرَستَم مسیح بِلَندَه قامتی قَدَر.

نامَه فیلیپی کلیسا را 3:15

چَمَه دیلَه کا کسونی که یالَ آدَمی نَه، بَسی اِنتَه فیکر بِکَرِن؛ و اَگم هَر چی کا ایجور دییَر فیکر بَکَردیرون، خِدا اِمی نی شِمَه را آشکار بَکَردی.

دِوُّمین نامَه تیموتائوسیرا 2:25

بَسی کسونی که مخالفی نَه، نرمی نَه اِصلاح بِکَرِه، شاید خِدا اَوون توبه عطا بِکَرِه، تا حقیقتی آزونِن،

نامَه تیتوسیرا 1:1

پولُسی طرفی کا، خِدا نوکر و عیسایِ مسیح رسول، که تعیین بیمَه تا خِدا اِنتخاب بییَه اون ایمانی تقویت بِکَرِم و اَ حقیقتی که دینداری نَه مطابقَه بوآجِم،

یعقوبی نامَه 2:1

چمِن بِرا اِن، شِمَه که بِه چَمَه خِداوند عیسایِ مسیح، اَ خِداوندِ جلالی ایمان دارَه، نَبی آدَمون دیلَه کا فرق بِنییَه.

پطروسی دومین نامه 1:3

چَیی قدرت الهی هَر چیی که زِندگی و دینداری را اِحتیاج دارَم اَمَه بَخشِستَشه. چَیی آزونستِه نَه یَه که اَمَه اِشتَن جلال و چاکی را دعوت کَردَشه.

پطروسی دومین نامه 3:18

بَلکَم چَمَه خِداوند و چَمَه نجات دهنده عیسایِ مسیح آزونِستِه و فیضی کا رُشد بِکَرَه، که حِسَه نَه تا اَبَد اَیی را جلال بِبو! آمین.

یوحنا موکاشیفَه 7:12

واتِشونَه: «آمین! ستایش و جلال حکمت، شُکر و حُرمت و قوّت و قدرت چَمَه خِدا را بِبو، تا اَبَد و تا اَبَد. آمین!»