نامَه اَفسوسی کلیسارا 1:13 - کتاب مقدس به زبان تالشی شمالی

¹³ شِمَه نی اَیی کا، وختی که حقیقتی کلامی، که شِمَه هَ نجاتی اِنجیلَ دَرَسِرونَه و اَیی ایمان وَردِورنَه، روح‌ القدسِ موعودی نَه مُهر بیرونَه،

کتاب مقدس به زبان تالشي - گویش مرکزی

¹³ و شمه نی چَی دلَکا، وقتی کن حَییقتی کَلامی، کن هَه شمَه اِنجیل نیجاتَه درَستِرون و بَی ایمانِرون وردَ، ؛ خدا موقدسَه روح نَه کن وعَدَشون دوعَه یَه مُهر بیرون،

نامَه اَفسوسی کلیسارا 1:13 Iomraidhean Croise

انجیل لوقا 11:13

بَس اَگم شِمَه که بَدَه آدَمونی اِستیرونَه بَزنیرون چِنتَه چاکَ هِدیه اون شِمَه خِردَنون آدییَه، چِندی وِرتَر آسِمونی یَه دَده، روح القدسی آدَه اَ کسونی که اَیی کا پیستِشونَه.»

انجیل لوقا 24:49

اَز اَ چیی که چِمِن آسِمونی یَه دَده وَعده دوعَشَه شِمَه را ویسا آکَرِم؛ امّا تا وختی که خِدا قدرت آسِمونی کا شِمَه پور آکَرِه، اِم شهری کا بومونَه.»

یوحنا 1:17

چوم شریعت موسی واسطه نَه آدوعَه بَه، و فیض و حقیقت عیسی مسیح واسطه نَه اومَه.

یوحنا 14:26

امّا اَ یاور، یعنی روح القدس، که دَده اَیی چِمِن نومی نَه ویسا آکَرِه، اَ گِرد چییون شِمَه یاد بَدای و هَر چِه اَز شِمَه نَه واتِمَه، شِمَه یاد بواَردی.

یوحنا 15:26

«امّا وختی اَ یاور که دَده وَری کا شِمَه را ویسا آکَرِم بومَی، یعنی هَ روح حقیقت که دَده وَری کا بومَی، اَ چِمِن درباره شهادتی بَدای.

یوحنا 3:33

هَر کسی که چَیی شهادتی قبول بِکَرِه، تائید بَکَردی که خِدا حقیقتَه.

یوحنا 6:27

خوراکی واسی که اَز بِین بَشی کار مَکَرَه، بَلکَم خوراکی واسی کار بِکَرَه که تا اَبَدی یَه زندگی بَمَندی، خوراکی که اِنسانی زوعَه شِمَه بَدای. چوم خِدا، هَ آسِمونی یَه دَده اَیی مهر تایید ژَندَشه.»

رَسولون اَعمال 1:4

وختی عیسی رسولون همراه بَه اَوون دستور دوشَه که: «اورشلیمی شهری کا مَشَه، بَلکَم اَ وعده ای منتظر بِبییَه که آسِمونی یَه دَده وعده دوعَش بَه و واتِشه: هَتَه که بَه مِن کا دَرَسَرونَه،

رَسولون اَعمال 13:26

«اِی بِرا اِن، اِی اِبراهیم پیغمبری خِردَنون نَسل، و اِی خِدا تَرسِنی که شِمَه دیلَه کا اینَه! اِم نجات بخشَه پَیغوم اَمَه را ویسا آبَه.

رَسولون اَعمال 2:33

عیسی بَردَه بَه کَفا خِدا راستَ دَسی را و آسِمونی یَه دَده کا، روح‌ القدسِ موعودی ویگِتِشه و ویکَردِشه چَمَه سَری کا، اِمی که حِسَه بَویندیرون و دَرَسَه.

رومی کلیسارا نامه 1:16

چوم از اِنجیلی کا عار نِدارِم، چیرا که اِنجیل خِدا قوّتَه، هَر کسی نجاتی را که ایمان بواَرِه، اوّل یَهود و دومله غِیریَهود.

رومی کلیسارا نامه 4:11

اِبراهیم خَتنه نیشونه ویگِتِشه تا چَیی صالِحی را مُهری بِبو که خَتنه‌ بییِه پیش و ایمانی نَه چَیی نصیب بییَه بَه. اِنتَه، اَ گِردِ کسونی دَده یَه که بیدون خَتنه ایمان بواَردین تا اَوِن نی صالِح بِه حساب بان.

رومی کلیسارا نامه 6:17

امّا خِدا را شُکر، شِمَه که پیشتری گناه نوکرون بیرونه، حِسَه صِدق دیلی نَه اَ تعلیمی کا اِطاعت بَکَردیرون که خِدا شِمَه آدوعَشه.

دوومین نامه قرنتیانیرا 1:22

و اَ اِشتَن مُهری چَمَه سَری کا ژَندِشَه و اِشتَن روح، ایلَه بَیانه شیوار چَمَه دیلون کا نوعَشه.

دوومین نامه قرنتیانیرا 6:7

راستَه واجی نَه، خِدا قدرتی نَه، صالح بییِه سِلاحون نَه که چَمَه راستَ دَس و چپَ دَسی کایَه؛

نامه غلاطیَه کلیسارا 3:14

اَ، اِنتَه کَردِشه تا اِبراهیم پِیغمبری بَرکت، مسیحْ عیسی کا غیریهودیون نصیب بِبو، و تا اَمَه، اَ روحی که وعده دوعَه بَه، ایمانی راه نَه ویگِرَم.

نامَه اَفسوسی کلیسارا 4:21

البته اَگم گمون بِکَرَم که چَیی درباره دَرَسَرونَه و عِین اَ حقیقتی که عیسی کایَه، تعلیم گِتِرونَه.

نامَه اَفسوسی کلیسارا 4:30

خِدا قدوسَ روح که اَیی نَه آزادی روزی را مُهر بَه ایرونه، ناراحت آمَکَرَه.

اوّلین نامَه تَسالونیکی کلیسا را 2:13

اَمَه همیشه اِمی واسی خِدا شُکور بَکَردیمون که اَ موقعی که شِمَه خِدا کلامی قبول کَردِرونه، اِم کلام که اَمَه کا دَرَسِرونه، اَیی نِه اِنسانی کلامی شیوار، بَلکَم خِدا کلامی شیوار قبول کَردِرونه، جوری که حقیقت نی اِستَه، که شِمَه ایماندارون دیلَه کا کار بَکَردی.

دِوُّمین نامَه تیموتائوسیرا 2:15

تَقَّلا بِکَه که خِدا وَری کا مقبول بِبی، ایلَه کاریگری شیوار که خجالت نِکَشِه و حقیقتی کلامی دُرست بِکار بَبَردی.

دِوُّمین نامَه تیموتائوسیرا 2:19

با اِم حال، اَ مُحکمَه پاکاری که خِدا نوعَشه، پابَرجایَه و اِمی نَه مُهر بییَه که: «خِداوند اِشتَن آدَمون آزونِه،» و «هَر‌ کسی خِداوندی نومی اِقرار بِکَرِه، بَسی نادُرستی کا دوری بِکَرِه.»

دِوُّمین نامَه تیموتائوسیرا 3:15

و چِنتَه خِردَنتی کا مقدّس نیوشته اون بَزنیش، که بَشای بَه تِن حکمت باموجِه و اَ ایمانی واسطه نَه که مسیحْ عیسی کا یَه، نجاتی را آرِساوونه.

نامَه تیتوسیرا 2:11

چوم خِدا فیض آشکار آبییَه، اَ فیضی که گِردِ مردمی نجات بَدای،

نامَه، عِبرانیه نَتاجَه مسیحیونرا 2:3

بَس اَگم اَمَه اِنتَه رَه یالَه نجاتی کا غافل بِبییَم، چِنتَه چَیی مجازاتی کا دَوَزَم؟ اِم نِجات اوّل خِداوندی واسطه نَه اِعلام بَه و دومله کسونی واسطه نَه که اَیی دَرَسِشونَه اَمَه را ثابت بَه،

یعقوبی نامَه 1:18

اَ، اِشتَن اِراده نَه کلامی حقیقتی نَه اَمَه خلق کَردِشه تا چَیی مخلوقاتی نوبَر بِبییَم.

یعقوبی نامَه 1:21

بَس هَر جورَه فِساد و هَر جورَه شِرارتی اِشتَن کا دور آکَرَه و فروتنی نَه، کلامی که خِدا شِمَه دیلی دیلَه کا نِشا کَردَشه قبول بِکَرَه. اَ کلامی که بَشای شِمَه جانون نِجات بِدَه.

پطروسی اوّلین نامَه 2:10

چِمی پیش مردمی نِبیرونَه، امّا حِسَه خِدا مردمی رونَه؛ زمانی خدا رحمتی کا محروم بیرونَه، امّا حِسَه خِدا رحمتی ویگتَرونَه.

یوحنا موکاشیفَه 7:2

دومله ایلَه دییَر ملائیکه ای ویندِمَه اَ جِگایی نَه که آفتاو کفا بومَی، شَه آسمون کفا را و خِدای زِنده مُهر اَیی نَه بَه. و بِلندَه خِلِع نَه اَ چار گِله ملائیکه که اَوون قدرت آدوعَه بَه تا زمین و دریا ضَرر بِژَنِن، دَخوندِشَه و