نامَه اَفسوسی کلیسارا 1:12 - کتاب مقدس به زبان تالشی شمالی

¹² تا اَمَه که اوّلین کسونی بیمونَه که بِه مسیح اُمید داریمون، چَیی جلالی ستایش بِکَرَم.

کتاب مقدس به زبان تالشي - گویش مرکزی

¹² تا اَمه کن اَولین نفَرِنی بیمون کن مسیح کا اومید داریمون، چَی شکوه جلالی، ستایش بکرَم.

نامَه اَفسوسی کلیسارا 1:12 Iomraidhean Croise

یوحنا 14:1

عیسی واتِشه: «شِمَه دیل پریشون مَبو. بِه خِدا ایمان بِدارَه؛ بَه مِن نی ایمان بِدارَه.

نامَه اَفسوسی کلیسارا 1:6

تا چَیی پُر جلالَ فیض ستایش بِبو، هَ فیضی که اِشتَن عزیزگِرامی دیلَه کا اَمَه بَرکت آدوعَشه.

نامَه اَفسوسی کلیسارا 2:7

تا اَ زمانونی کا که بومَی، اَ اِشتَن بَرکَ فیضی، اِشتَن میهروونی واسطه نَه نسبت بِه اَمَه مسیح عیسی کا نیشون بِدَه.

نامَه اَفسوسی کلیسارا 3:21

کلیسا دیلَه کا و مسیحْ عیسی دیلَه کا، گِردِه نَسلون دیلَه کا، تا اَبَد جلال بَر خِدا بِبو! آمین.

دوّمین نامَه تَسالونیکی کلیسا را 2:13

امّا اِی بِرااِنی که خِدا را عزیز گِرامی ایرونه، اَمَه بَسی همیشه خِدا شِمَه واسی شُکر بِکَرَم، چوم خِدا شِمَه نوبری شیوار اِنتخاب کَردِشه که نجات پیدا بِکَرَه، اَ تقدیسی واسطه نَه که خِدا روح نَه اَنجام بَبی و حقیقتی ایمان داشتِه نَه.

دِوُّمین نامَه تیموتائوسیرا 1:12

اِمی واسی یَه که اِنتَه عذاب کَشِم، امّا عار نیمَه، چیرا که بَزنیم بِه کی ایمان وَردَمه و قانع بیمَه که اَ، بَشای اَ چیی که بَه مِن دَسپاردَشَه تا اَ روز محافظت بِکَرِه.

یعقوبی نامَه 1:18

اَ، اِشتَن اِراده نَه کلامی حقیقتی نَه اَمَه خلق کَردِشه تا چَیی مخلوقاتی نوبَر بِبییَم.

پطروسی اوّلین نامَه 1:21

شِمَه که چَیی واسطه نَه بِه خِدا ایمان وَردَرونه، اَ خِدایی که اَیی مَردَه اون دیلَه کا زِنده آکَردِشه و جلال دوشَه، تا شِمَه ایمان و امید بِه خِدا بِبو.