نامَه اَفسوسی کلیسارا 1:11 - کتاب مقدس به زبان تالشی شمالی

¹¹ اَمَه چَیی دیلَه کا وارِثون بَیمونه، چوم بینا بَر چَیی پیستَه که گِردِ چییون مطابق اِشتَن اِراده اَنجام بَدای، پیشتری اِنتخاب بَه بیمونَه.

کتاب مقدس به زبان تالشي - گویش مرکزی

¹¹ اَمه نی چَی دلَکا واریثِن آمونَب، اِمی خونه کن چَی خواستنَه کن هَمه چییون اِشتَن ایرادَ واتنَه اَنجوم دَرِ، ناردَکَر تَیین آبَه بیمون.

نامَه اَفسوسی کلیسارا 1:11 Iomraidhean Croise

رَسولون اَعمال 13:48

وختی غِیریهودیِن اِمی دَرَسِشونَه، شاد آبینَه و خِداوندی کلامی حُرمت کَردِشونَه؛ و کسونی که اَبَدی یَه زندگی را مُقَدر بَه بینَه، ایمان وَردِشونَه.

رَسولون اَعمال 2:23

هَ عیسی، طبق خِدا اِراده و نَخشه شِمَه تسلیم بَه و شِمَه، شَرورَه آدَمون دَسی نَه، اَیی صلیبی سَری کا مصلوب کَردِرونَه و کِشتِرونَه.

رَسولون اَعمال 20:27

چوم از کسی حقی کا کوتاهی نِکَردِمَه، بَلکَم خِدا پیغومی کامل، گِردی را اِعلام کَردَمَه.

رَسولون اَعمال 20:32

«حِسَه از شِمَه دَسپارِم بِه خِدا و چَیی فیض بَخشَ کلامی که بَشای شِمَه بَنا بِکَرِه و گِردِ کَسونی دیلَه کا که تَقدیس بَیینَه، اِرث آدَه.

رَسولون اَعمال 26:18

تا چَوون چِمون آکَری، جوری که تاریکی کا نوری را، و شیطانی قدرتی کا آگَردِن خِدا طرف، تا چَوون گناه اِن بَخشِسته بِبون، و اَ ایمانی واسی که بَه مِن هِستِشونَه، کسونی دیلَه کا که مقدّس بَیینه، جِگا بِدارِن.“

رَسولون اَعمال 4:28

تا اَ چییونی اَنجام بِدَن که اِشتِه دَس و اِشتِه اِرادَه، پیشتری مُعیَن کَردَش بَه.

رومی کلیسارا نامه 11:34

«چوم کییَه که خِداوندی فیکری بِزونه یا کییَه که چَیی مُشاوِر بِبو؟»

رومی کلیسارا نامه 8:17

اَگم خِدا خِردَنویمونه، بَس وارثون نی اِستیمونه، یعنی خِدا وارثِن و مَسیح نَه اِرثی کا شریکیمونه. بِه شرطی که اَمَنی اَیی نه عذاب بِکَشَم، تا اَمَه نی اَیی نَه جلال بِگِرَم.

رومی کلیسارا نامه 8:28

بَزنیمون کسونی حقی کا که خِدا نَه خِشی نَه و طبق چَیی پیستَه دعوت بَیینه، گِردِ چییِن یَندی نَه چَوون خیریَتی را کار بَکَردین.

رومی کلیسارا نامه 8:29

چوم کسونی که خِدا پیشتَری آزونِستَشه، پیشتر، اَوون مُعیین کَردِشه تا چَیی زوعَه شیوار بِبون، تا اَتَه مسیح، اِشتَن وِرَه بِرااون دیلَه کا، اَوّلین خِردَن بِبو.

رومی کلیسارا نامه 8:30

و کسونی که پیشتَری تعیین کَردَشه نی، دَخوندَشه؛ و کسونی که دَخوندَشه، صالِح بِه حساب وَردِشه؛ و کسونی که صالِح بِه حساب وَردِشه نی، جلال بَخشِستِشه.

رومی کلیسارا نامه 9:11

هَر چَن پیش اَز اِم که اَوِن دنیا بان، و چاکَه کار یا بَدَه کار اَنجام بِدَن- اِمی واسی که خِدا هدف اِشتَنِش اِنتخابی کا پابَرجا بومونِه، نِه کارون واسی، بَلکَم چَیی واسطه نَه که دعوت بَکَردی-

نامه غلاطیَه کلیسارا 3:18

چوم اَگم اِرث شریعتی کا بِبو، دِ وعده کا نییَه؛ امّا خِدا اَیی وعده راه نَه آدوشَه اِبراهیمی.

نامَه اَفسوسی کلیسارا 1:14

که چَمَه اِرثی بیعانه یَه تا وختی که اَیی کاملا بِه دَس بواَرَم، تا خِدا جلال ستایش بِبو.

نامَه اَفسوسی کلیسارا 1:18

تا شِمَه دیلی چِمِن روشون آبون، تا اَ اُمیدی که خِدا شِمَه چَیی واسی دَخوندِشه آزونَه، و خِدا اَ بی حَدو اندازه و پُر جلال میراثی، مقدّسون دیلَه کا بِفهمَه،

نامَه اَفسوسی کلیسارا 1:5

اَ بینا بَر اِشتَنِش پیستَه و اِراده، اَمَه پیشتری اِشتَن فرزندخوندگی را مُعین کَردِشه تا عیسایِ مسیح واسِطه نَه خِدا زوعَه اون بِبییَم؛

نامَه اَفسوسی کلیسارا 1:8

هَر حکمتی کا و کامِلَ فهمی کا، فَت و فَراوون بَمون آدوعَشَه.

نامَه اَفسوسی کلیسارا 1:9

اَ اِشتَن اِراده سِرّی بَمون آزونیشَه. بینا بَر اِشتَنِش پیستَه که مسیح کا آشکار آکَردِشه.

نامَه اَفسوسی کلیسارا 3:11

اِم هَ هدفی بَه که خِدا، صِفته نَه اَیی داری که خِدا اَیی چَمَه خِداوند مسیحْ عیسی کا انجام دوشَه.

نامَه کُولُسی کلیسا را 1:12

دَده شُکر بوآجَه که شِمَه قابِل کَردِشَه که اَ میراثی دیلَه کا که مقدسِن، نوری دیلَه کا هِستِشونه اَمَه شریک کَردَشَه.

نامَه کُولُسی کلیسا را 3:24

چوم بَزنیرون که شِمَه پاداش اِرثی اِستَه که خِداوندی کا ویگِرَه. شِمَه خِداوند مسیح خدمت بَکَردیرون.

نامَه تیتوسیرا 2:14

که اِشتَن جانی چَمَه راه کا آدوشَه، تا هَر شِرارتی کا اَمَه رهایی بِدَه و اِشتَرا پاکَه مردمی وَج آکَرِه که چَیی اِشتَن شِن بِبون که چاک کارون را غِیرت بِدارِن.

نامَه تیتوسیرا 3:7

تا چَیی فیضی نَه، صالِح بِه حساب بایَم، و طبق اُمیدی که اَبَدی یَه زِندگی را هِستِمونه، وارِثون بِبییَم.

نامَه، عِبرانیه نَتاجَه مسیحیونرا 6:17

بَس، اَ موقع که خِدا پیستِشَه وِرتَر نیشون بِدَه چَیی وعده، وارثون را عوض آنییَب، اَیی قَسَّمی نَه تضمین کَردِشَه،

یعقوبی نامَه 2:5

عزیزَه بِرا اِن، گوش بِدییَه! مَگم خِدا اِم دنیا فَقیرون اِنتخاب کَردَه نیشه تا ایمانی کا دولتمند بِبون و اَ پاُتشایی بِه اِرث بِبَرِن که خِدا، بِه کسونی وعده دوعَشَه که اَیینه خِشینَه؟

پطروسی اوّلین نامَه 1:4

و اِرثی که از بِین نِشو و فاسید نییَب و چیلیکیستَه نییَب که شِمه را آسِمونی کا غَم هَردَه بییَه؛

پطروسی اوّلین نامَه 3:9

بَدی، بَدی نَه و فَشی، فَشی نَه جَواو مَدییَه، بَلکَم چَیی عوض بَرَکت طلب بِکَرَه، چوم اِمی واسی دَعوت بَییرونَه تا بَرکت بِه دَس بواَرَه.