نامَه اَفسوسی کلیسارا 1:10 - کتاب مقدس به زبان تالشی شمالی

¹⁰ خِدا نَخشه اِم بَه، هَتَه که اَ وخت آرَستِه گِردِ چییون، چِه آسِمونی کا و چِه زمینی سَری کا، یَندی نَه مسیح کا جمع آکَرِه.

کتاب مقدس به زبان تالشي - گویش مرکزی

¹⁰ خدا نَقشَه اِم بَه، کن زمانی چَی وقت آرَسِه، چِه آستامونیکا و چِه زَمینی سَردِرِ، گِردی مسیح دلَکا جَم آکَرِ.

نامَه اَفسوسی کلیسارا 1:10 Iomraidhean Croise

مَتّی 25:32

و گِرد میلّتِن چَیی پیشی کا جَمع آبون و اَ، ایلَه شوونَه ای شیوار که گوسَندون، بِزّون کا جِدا آکَرِه، مردمی یَندی کا جِدا آکَرِه.

مَرقُس 1:15

و بَواتی: «چَیی وخت آرَستَه و خِدا پاُتشایی نِزدیک آبَه. توبَه بِکَرَه و اِم خوشَ خَوَری ایمان بواَرَه.»

اوّلین نامَه قورَنتیانیرا 10:11

حِسَه اِم چیی اِن چَوون سَر اومینَه تا سَرمشق بِبو و نیویشته بَه تا درس عبرتی بِبو اَمَه را که اِم دورانی کا زندگی بَکَردیمون که آخِر زمانَه.

اوّلین نامَه قورَنتیانیرا 11:3

امّا پیستِمَه بِفهمَه که هَر مِردی سَر، مسیحَه، ژِنی سَر، مِردَه، و مسیح سَر، خِدایَه.

نامه غلاطیَه کلیسارا 4:4

امّا هِنتَه که اَ مُعیَن بییَه وخت تمام کمال آرَستَه، خِدا اِشتَن زوعَه ویسا آکَردِشه که ایلَه ژِنی کا دنیا اومَه و شریعتی جیری کا دنیا اومَه،

نامَه اَفسوسی کلیسارا 1:22

و اَ گِردِ چییون مسیح پا جیری کا نوشَه، و مُعین کَردِشه که اَ، کلیسا را گِردِ چییون دیلَه کا سَر بِبو.

نامَه اَفسوسی کلیسارا 2:15

رسم و رسوماتی که شریعتی اَحکامی دیلَه کا بَه باطل آکَردِشه، تا اِشتَن دیلَه کا اَ دِ گِله عوض، ایلَه تازه آدمی بِه وجود بواَرِه، تا صُلح و سلامتی برقرار بِکَرِه،

نامَه اَفسوسی کلیسارا 3:15

که هَر خانواده‌، آسِمونی کا و زمینی سَر، اَیی کا نوم بَگتین،

نامَه اَفسوسی کلیسارا 3:2

بیدون شَک شِمَه اِم جریانی درباره دَرَسَرونه که خِدا فیضی نظارت شِمَه خِدمتی واسی بَه مِن آدوعَه بییَه.

نامَه کُولُسی کلیسا را 1:16

چوم که گِردِ چییِن چَیی واسطه نَه خَلق بینَه، آسِمونی کا و زمینی سَری کا، اَ چییونی که بَبی ویندِه یا نییَب ویندِه، چِه پاُتشایی تَختِن یا قلمروِن، رئیسِن یا قُدرتِن- گِردِ چییِن، چَیی واسطه نَه و اَییرا خلق بینَه.

نامَه کُولُسی کلیسا را 1:20

و چَیی واسطه نَه گِردِ چییون اِشتَن نَه آشتی دوشَه، چِه آسِمونی کا و چِه زمینی سَری کا، اِشتَن خونی ویکَردِه نَه صلیبی سَری کا، آشتی دوشَه.

نامَه کُولُسی کلیسا را 3:11

اِم تازَه آدَمی کا، یونانی و یَهودی، خَتنه‌ بییَه و خَتنه‌ نِبییَه، بَربَر و سَکایی، نوکر یا آزاد دِ معنی نیشه، بَلکَم مَسیح گِردِ چیی یَه و گِردی دیلَه کایَه.

نامَه، عِبرانیه نَتاجَه مسیحیونرا 1:2

امّا اِم آخِرَه روزون کا اَ اِشتَن زوعَه واسطه نَه، اَمَه نَه گَف ژَندِشَه، هَ زوعَه ایی که اَیی ایلَه وارثی شیوار گِردِ چیون کا تَعیین کَردِشه و چَیی واسطه نَه جهانی خَلق کَردِشَه.

نامَه، عِبرانیه نَتاجَه مسیحیونرا 11:40

چوم خِدا ایلَه چاکتَرَه چیی، چَمَه را حاضیر آکَردَش بَه، تا بیدون اَمَه اَوِن کامل مَبون.

نامَه، عِبرانیه نَتاجَه مسیحیونرا 9:10

بَلکَم اَوِن فقط هَردِه و هِنتِه و جور بَه جورَه غُسلون و قانونونی اِستینَه که بَدنی مربوط بَبی، و فقط تا اَ موقعی اِعتبار دارِن که خِدا تازَه تَرتیبی آدَه.

پطروسی اوّلین نامَه 1:20

اَ، دنیا خلق بییَه پیش مُعَین بَه، امّا اِم آخِر زمانون کا شِمَه را آشکار آبَه.

یوحنا موکاشیفَه 5:9

و اَوِن تازَه سرودی خَندِشونَه که بَواتی: «تِه لایقیش که اَ طوماری ویگِری و چَیی مُهرون بِچاکِنی، چوم که تِه قربونی بیشَه، و اِشتِه خونی نَه مردمی، هَر طایفه و زَوون و مردم و میلّتی کا، خِدا را خِریرَه؛