نامَه کُولُسی کلیسا را 4:6 - کتاب مقدس به زبان تالشی شمالی

⁶ شِمَه گفِن هَمیشه فیضی نَه پُور و سَنجیده بِبون، تا بِزونَه هَر کَسی جَواوی چِنتَه بِدییَه.

کتاب مقدس به زبان تالشي - گویش مرکزی

⁶ شمَه گَفن اوزون فیضینَه پتلَه و سنجیدَ ببون، تا بزنَه کن هرکَسی جوابی چنتَرَ بدَرَ.

نامَه کُولُسی کلیسا را 4:6 Iomraidhean Croise

مَتّی 5:13

«شِمَه دنیا نِمِکی رونَه. امّا اَگم نِمِک اِشتَن مَزه از دَس بِدَه چِنتَه بَبی هَنی اَیی سور آکَردِه؟ دِ مَصرفی نیشَه، غِیر از اِم که اَیی فِر آدَن و مردمی پا بِنون کا بومونَه.

مَرقُس 9:50

نِمِک چاکَ، امّا اَگم نِمِک اِشتَن سوری از دَس بِدَه چِنتَه بَشایرون هَنی اَیی سور آکَرَه؟ شِمَه نی اِشتَن کا نِمِک بِدارَه و یَندی نَه صلح و صفا نَه زندگی بِکَرَه.»

انجیل لوقا 4:22

گِرد عیسی چاکی بَواتین و چَیی پور لُطفه گَفونی کا که چَیی گَ کا بِرون بومَی حَیرون بینَه و بَواتین: «بَگم اِم یوسفی زوعَه نییَه؟»

نامَه اَفسوسی کلیسارا 4:29

شِمَه گَ بَدَه گَفی را آمَبو، بَلکَم شِمَه گفِن گِرد دییَرون بینا کردِه را بِه کار با و نیازی بَرآورده بِکَرِه، و کسونی را که دَرَسِن فیض بِدارِه.

نامَه کُولُسی کلیسا را 3:16

مَسیح کلام، فَت و فراوون شِمَه دیلَه کا بومونِه؛ تَمون حِکمتی نَه یَندی پَند و تعلیم بِدییَه، مزامیر، سرودون و آوازونی نَه که خِدا روح کا یَه، شُکرکَردِه نَه و صِدق دیلی نَه خِدا را بوخونَه.

پطروسی اوّلین نامَه 3:15

بَلکَم شِمَه دیلی کا مَسیح خِداوندی مقدّس بِزونَه و اَیی اِحترام بِنییَه و هَمیشه حاضر بِبییَه تا هَر کی اَ اُمیدی دلیلی دَفَرسِه که شِمَه دیلَه کایَه، چَیی جَواوی بِدییَه، البته نرمی و اِحترامی نَه.