نامَه کُولُسی کلیسا را 3:8 - کتاب مقدس به زبان تالشی شمالی

⁸ امّا حِسَه بَسی گِردِ اِمون بِنییَه کَنار: یعنی خَشم، غضب، بَدخواهی، بُختون و بِدَه گَفِن که شِمَه گَ کا بِرون بومَین.

کتاب مقدس به زبان تالشي - گویش مرکزی

⁸ ولی ایسَه دِ پی گِردِ اِمون بَشتنکا رَت آکَرَ، یعنی غَضَب، آسرَنگِستِه، بد پیستِه، ایفترا و بَدَ گف اِشتَن گَویکا برکَردِ.

نامَه کُولُسی کلیسا را 3:8 Iomraidhean Croise

مَتّی 5:22

امّا از شِمَه نَه بَواتیم، هَر کسی اِشتَن بِرا را عصبانی آبو، محاکمه بَبی؛ و هَر کسی اِشتَن بِرا اِهانت بِکَرِه، شورا وَری کا محاکمه بَبی و هَر کس اِشتَن بِرا نَه اَحمق بوآجِه، چَیی جَزا جَهندمی آتشَه.

مَرقُس 7:22

طَمع، شِرارت، حیلَّه، هَرزه بییِه، حَسودی، بُختون، غرور و اَخمق بییِه.

رومی کلیسارا نامه 13:13

بایَه اِنتَه دُرست رفتار بِکَرم که کَسونی شَئنی کایَه که روزی روشونی کا زندگی بَکَردین. نِه عَیاشی و عَرق هَری کا، نِه زِنا و هَرزِگی کا، نَه جنگ و جَدل و حَسودی کا.

اوّلین نامَه قورَنتیانیرا 3:3

چوم که حَلا جِسمانی یَه چییون دومله کا ایرونه. وختی شِمَه دیلَه کا حَسودی و دعوا مُرافه یَه، مَگم هِم نیشون نِدَه که جِسمانی یَه چییون دومله کا ایرونه و بَشری یَه راه دیلَه کا رفتار بَکَردیرون؟

دوومین نامه قرنتیانیرا 12:20

چوم که از تَرسِم بام شِمَه وَر شِمَه اَته که اِنتظار هِستِمَه مَوینِم، و شِمَه نی اَته که اِنتظار هِسترونه، مِن مَوینه. شاید شِمَه دیلَه کا جَنگ و جَدَل، حَسودی، خشم، دِشمِنی، بُختون، غیبت، غرور و هَرکی هَرکی بِبو.

نامه غلاطیَه کلیسارا 5:15

ولی اَگم یَندی بِگَزَه و ویبَره، ویرا بِبییَه که یَندی دَسی نَه اَز بین مَشَه.

نامه غلاطیَه کلیسارا 5:20

بُت‌پرستی و جادوگری؛ دِشمَنی، جنگ دعوا، حَسودی، خَشم؛ وِرَه پیستِه، تَفرقه، دَسته دَسته کَردِه،

نامه غلاطیَه کلیسارا 5:26

بیخودی مغرور مَبییَم تا یَندی خشمگین بِکَرَم و یَندی نَه حَسودی مَکَرَم.

نامَه اَفسوسی کلیسارا 4:22

تا شِمَه قدیمَه زِندگی رَوِشی یعنی اَ قدیمَه آدَمی که دوروعَه پیستَه اون واسطه نَه فاسِد بَه، شِمَه بَدَنی کا بَرورَه.

نامَه اَفسوسی کلیسارا 4:25

بَس، دوروع واتِه بِنییَه کَنار، هَر کمیله شِمَه خَمسوعه نَه، راستی نَه گف بِژَنَه، چوم که اَمَه گِرد، یَندی نَه ایلَه اَعضا ایمونَه.

نامَه اَفسوسی کلیسارا 4:26

«عصبانی بِبییَه، امّا گناه مَکَرَه» مَرزَه شِمَه روز تَمون آبو و حَلا شِمَه عصبانی بِبییَه،

نامَه اَفسوسی کلیسارا 4:29

شِمَه گَ بَدَه گَفی را آمَبو، بَلکَم شِمَه گفِن گِرد دییَرون بینا کردِه را بِه کار با و نیازی بَرآورده بِکَرِه، و کسونی را که دَرَسِن فیض بِدارِه.

نامَه اَفسوسی کلیسارا 5:4

زِشتَه گَفِن و مِفتَه گَفِن و رَکیکَه گَفِن نی شِمَه دیلَه کا مَبو که شِمَه شئنی کا نییَه؛ چَوون عوض بَسی شُکر بِکَرَه.

نامَه کُولُسی کلیسا را 3:5

بَس، هَر چیی که شِمَه وجودی کا زَمینی یَه، بِکِشَه، یعنی بی‌عفتی، ناپاکی، هَواهَوس، بَدَه پیستَه اون و طمع که هَ بُت‌پرستی یَه.

نامَه کُولُسی کلیسا را 3:9

یَندی نَه دوروع مَواجَه، چوم شِمَه اَ قَدیمَ آدَمی چَیی کارون نَه شِمَه بَدنی کا بِرون بَروَردَرونه،

اوّلین نامَه تیموتائوسیرا 1:13

با اِم که قبلا، کُفر بَواتیم، عذاب بَدایم و توهین بَکَردیم. ولی مِن رَحم بَه، چوم که بی ایمانی کا نادونی بَکَردیم،

اوّلین نامَه تیموتائوسیرا 1:20

هیمِنائوس و اِسکندر اِم دسته‌ کااینه، که اَوون دَسپاردِمَه شیطانی دَس تا باموجِن که کُفر مَواجِن.

نامَه، عِبرانیه نَتاجَه مسیحیونرا 12:1

بَس چوم اِنتَه رَه شاهِدونی ایلَه یالَ خِری شیوار اَمَه دور آکَردَشونَه، بایَه اَمَه نی هَر بار و هَر گناهی که بَرک چَمَه دَس و پا کا دَپیچِستَه، اِشتَن کا دور آکَرَم و مقاومتی نَه اِم مسابقه‌ای کا که چَمَه ناری کا نوعَه، بیرویجَم.

یعقوبی نامَه 2:7

مَگم اَوِن کسونی نینَه که اَ شریفَه نومی که شِمَه سَری کا نوعه بییَه، کُفر بَواتین؟

پطروسی اوّلین نامَه 2:1

بَس هَر جورَه بَدی، و هَر جورَه حیلّه و دِ دیمی و حسودی، و هَر اِفتِرایی اِشتَن کا دور آکَرَه.

پطروسی دومین نامه 2:18

چوم بِلندَه سَسی نَه گفونی بَواتین که خودخواهی و نفهمی کا پُورَه، کَسونی که سختی نَه بَدَه آدَمون چَنگی کا جیوَشتَه اینَه، اِشتَن هَواهَوسون، تَلَه کا دَرَفنِن.

پطروسی دومین نامه 2:7

و اَگم لوطی که صالح بَه و شَرورَه آدَمون هَرزگی کا وازیدَه بییَه بَه، نجات دوشَه-

یهودا نامه 1:13

اِمِن دریا پُور تلاطُمَه موجون شیواری نَه که چَوون بَدَه اَعمال دریا کفی شیوار بِرون ژَنِه، و سرگَردونَ ستاره اون شیواری نَه که اَبَدی یَه ظُلمات اَوون را تعیین بییَه.

یهودا نامه 1:8

با اِم وجود، اِم مردم نی خاوونی که بَویندین تَکیه بَکَردین، اِشتَن بَدنی نِجِس آکَرِن و اِقتداری رَد آکَرِن و آسِمونی پیله تَرون کُفر بَواتین.

یوحنا موکاشیفَه 16:9

مردم گرما شدّتی کا سوتینَه و خِدا نومی که اِم بَلااون قدرتی اِستِشه، لعنت کَردِشونَه. اَوِن توبه نِکَردِشونَه و اَئی جلال نِدوشونَه.