نامَه کُولُسی کلیسا را 3:4 - کتاب مقدس به زبان تالشی شمالی

⁴ وختی مسیح، که شِمَه زندگی یَه، آشکار بِبو، دومله شِمَه نی اَیی نَه جلالی کا آشکار بَبیرون.

کتاب مقدس به زبان تالشي - گویش مرکزی

⁴ وقتی مسیح کن شمَه زندَگییَه، اَیر آبو، چَی به دوملَه شمَه نی بَینَه شکوه جَلالینَه اَیر آنَّب.

نامَه کُولُسی کلیسا را 3:4 Iomraidhean Croise

مَتّی 13:43

اَ زمان صالحَ آدَمِن اِشتَن دَده پاُتشایی کا، آفتاوی شیوار شَفق ژَنِن. هَر کسی دَرَسَه گوش هِستِشه دَرَسِه.

انجیل لوقا 17:30

روزی که اِنسانی زوعَه ظهور بِکَرِه نی هِنتَه بَبی.

یوحنا 11:25

عیسی واتِشه: «قیامَت و زندگی اَزیمَه. کسی که بَه مِن ایمان بواَرِه، حتی اَگم بِمِرِه، هَنی زِنده آبو.

یوحنا 14:3

و اَ موقع که شیمَه و جِگایی شِمَه را حاضیر آکَردِمَه، هَنی بومَیم و شِمَه بَبَردیم چِمِن وَر، تا اوآ کا که اَز مَندیمَه شِمَه نی بِبییَه.

یوحنا 14:6

عیسی اَیی نَه واتِشه: «اَز راه و حقیقت و زندگی اِستیمَه؛ هیچکس نیمَشا بِشو آسِمونی یَه دَده وَر مَگم چِمِن واسطه نَه.

یوحنا 17:24

اِی دَده، پیستِمَه کسونی که بَه مِن آدوعَرَه نی، جِگایی کا که اَز اِستیمَه مِنَه بِبون، تا چِمِن جلالی دَیِسِن، جلالی که تِه مِن آدوعَرَه؛ چوم پیش اَز اِم که دنیا خلق بِبو تِه مِنَه خِش بیش.

یوحنا 20:31

امّا اِمِن نیویشته بینَه تا باوَر بِکَرَه که عیسی هَ مسیح موعودَه، عیسی خِدا زوعَه یَه، و تا اِم باوَری نَه چَیی نومی کا زندگی بِدارَه.

رَسولون اَعمال 3:15

شِمَه، اَ کسی که زندگی سرچشمۀ بَه کِشتِرونَه، امّا خِدا اَیی مَردَه اون دیلَه کا زِنده آکَردِشه و اَمَه چَیی شاهِدونی مونَه،

رومی کلیسارا نامه 8:18

چِمِن نظر اِمَه که، اِم دنیا عَذابِن، اَ جلالی نَه که چَمَه دیلَه کا آشکار بَبی، نییَب مقایسه کَردِه.

رومی کلیسارا نامه 8:19

چوم که خِلقت، تمون اِشتیاقی نَه خِدا زوعَه اون ظاهر آبییِه منتظرَه.

اوّلین نامَه قورَنتیانیرا 1:7

هَتَه که شِمَه، چَمَه خِداوند عیسایِ مسیح آگردِستِه مُنتظِریرونه، هیچ هدیه ای کا بی نصیب نیرونه.

اوّلین نامَه قورَنتیانیرا 15:43

ذِلّتی کا کاشته بَبی، عِزتی کا پِرِزِه. ضَعفی کا کاشته بَبی، قوّتی کا پِرِزِه.

دوومین نامه قرنتیانیرا 4:17

چوم که چَمَه اِم روک و زو دَوییَرِن رَنجِن، اَمَه را اَبَدی یَه جلال بواَردی که اَ رَنجون نَه بَرابری نِکَرِه.

نامه غلاطیَه کلیسارا 2:20

از مسیح نَه صلیبی سَری کا مصلوب بیمَه، و اِم دِ از نیمَه که زِندگی بَکَردیم، بَلکَم مسیح اِستَه که چِمِن دیلَه کا زندگی بَکَردی؛ و اِم زِندگی که حِسَه جِسمی کا بَکَردیم، خِدا زوعَه ایمانی نه یَه که مِنَه خِش بَه و اِشتَن جانی چِمن واسی فیدا کَردِشه.

نامَه فیلیپی کلیسا را 3:21

اَ که چَمَه ذَلیلَ بَدنی عوض آکَرِه تا چَیی جَلال گِتَه بَدنی شیوار بِبییَم، اَ قدرتی نَه که اَیی قوت بَدای تا گِردِ چییون اِشتَن فرمانبُردار بِکَرِه.

اوّلین نامَه تَسالونیکی کلیسا را 4:17

دومله، اَمَه که زِنده ایمونَه، و باقی مَندَه ایمونَه، اَوون نَه خِرون دیلَه کا بَردَه بَبیمون کَفا تا خِداوندی هوا کا بِوینَم، و اِنتَه همیشه خِداوندی همراه بَبیمون.

اوّلین نامَه تیموتائوسیرا 6:14

که اِم حُکمی تا چَمَه خِداوند عیسایِ مَسیح اومِه موقع، بیدون عیب و بیدون سَرکوفت غَم بَری،

دِوُّمین نامَه تیموتائوسیرا 1:1

پولُسی طرفی کا، که خِداپیستَه نَه و طبق اَ وعده ی زِندگی که مسیحْ عیسی کایَه، مسیحْ عیسی رسول اِستَه،

دِوُّمین نامَه تیموتائوسیرا 4:8

حِسَه نَه بِه بعد، اَ صالِحی تاج، بَه مِرا آمادَه یَه، تاجی که خِداوند، اَ عادلَ داور، اَ روزی کا بَه مِن آدوشَه- نِه فقط بَه مِن، بَلکَم گِردِ کسونی که چَیی ظهوری مشتاق بینَه.

نامَه تیتوسیرا 2:13

و چَمَه اَ مِوارکَه اُمیدی مُنتظِر بومونَم، یعنی چَمَه خِدای عظیم و چَمَه نجات دَهنده عیسایِ مسیح جلالی آشکار آبییِه،

نامَه، عِبرانیه نَتاجَه مسیحیونرا 9:28

بَس مسیح نی که ایی کَرَه قِربونی بَه تا وِر کسون گناه اون از بِین بِبَرِه، دوّمین کَرَه نی بومَی، ولی نِه گناه اون از بِین بَردِه را، بَلکَم تا کسونی نجات دوعِه را که ذوق و شوقی نَه چَیی چِم بِه رایی نَه.

پطروسی اوّلین نامَه 1:13

بَس شِمَه فیکرون آمادَه آکَرَه عمل کَردِه را، شِمَه هَواس جمع بِبو، و شِمَه امید تمام کمال اَ فیضی کا بِبو که عیسایِ مسیح ظهوری موقع شِمَه آدوعه بَبی.

پطروسی اوّلین نامَه 5:4

و اَ وختی که شوونَه اون رئیس ظهور بِکَرِه، اَ تاج جلالی که از بِین نِشو، بِه دَس بواَردیرون.

یوحنا اوّلین نامَه 2:28

حِسَه، اِی خِردَنِن، چَیی دیلَه کا بومونه تا موقعی که اَ، ظهور بِکَرِه مطمئن بِبییَم و چَیی اومِه موقع اَیی کا شرمَنده مَبییَم.

یوحنا اوّلین نامَه 3:2

اِی عَزیزِن، حِسَه اَمَه خِدا خِردَنیمونه، و اَ چیی که قَرارَه بِبَم حَلا آشکار آبَه نییَه. امّا بَزنیمون اَ موقع که اَ ظهور بِکَرِه، چَیی شیوار بَبیمون، چوم اَیی هَتَه که اِستَه بَویندیمون.

یوحنا اوّلین نامَه 5:12

اَ کسی که زوعَه هِستِشه، زندگی هِستِشه و اَ کسی که خِدا زوعَه نیشه زندگی نیشه.

یهودا نامه 1:24

حِسَه اَیی که بَشای شِمَه بَلَکِه کا حفظ بِکَرِه و اِشتَن پُور جلالَ حضوری کا بی‌عیب، بَرکَ شادی نَه پُور آکَرِه،

یوحنا موکاشیفَه 2:7

«اَ کسی که گوش هِستِشَه دَرَسِه، که خِدا روح کلیسا اون نَه چِه بَواتی. هَر کسی که پیروز بِبو، اِمی بَبَخشِستیم بَیی تا زِندگی داری میوه کا بَرِه که خِدا بهشتی دیلَه کایَه.

یوحنا موکاشیفَه 22:1

دومله، اَ ملائیکه زندگی بخشَ رِواری آوی بَه مِن نیشون دوشَه که بُلوری شیوار زُلال بَه و خِدا تخت و وَرَه کا ویبی.

یوحنا موکاشیفَه 22:14

خَسَه بِبو اَ کسونی که اِشتَن اَبا اون شورِن تا اِم حقّی بَدارِن که زندگی بَخشَ داری کا بَرِن و بِشان بان شهری دروازه اون دیلَه.