نامَه کُولُسی کلیسا را 3:10 - کتاب مقدس به زبان تالشی شمالی

¹⁰ و تازَه آدَمی خَلا دَکَردَرونه، که معرفت حقیقی کا هَر لحظه تازَه بَبی تا اِشتَن خالقی شیوار بِبو.

کتاب مقدس به زبان تالشي - گویش مرکزی

¹⁰ و تازَ اینسانی شِندِری دَکَردَرون، کن حَقیقیَه مَریفَتیکا هر لحظَه تازَ بَبی تا هنته اِشتَن خالقی شیوار آبو.

نامَه کُولُسی کلیسا را 3:10 Iomraidhean Croise

یوحنا 17:3

و اَبَدی یَه زندگی اِمَه که، اَوِن فقط تِه که خِدای یگانه حقیقییش، و عیسایِ مسیحی که تِه اَیی ویسا آکَردَرَه، آزونِن.

رومی کلیسارا نامه 12:2

و دِ اِم دنیا شیوار مَبییه، بَلکَم شِمَه فیکری تازه آبییِه نَه عوض آبییَه. اَ موقع بَشایرون خِدا اِراده بِفَهمَه؛ خِدا دیلی باب و کاملَ اِراده.

رومی کلیسارا نامه 13:12

شَو کارا تمون آبو و روز نِزدیکَه. پس بایَه تاریکی بَدَه کارون بِنییَم کَنار و نوری زِرِه دَکَرم.

رومی کلیسارا نامه 13:14

بَلکَم عیسایِ مسیحِ خِداوندی شخصیتی ایلَه خَلایی شیوار دَکَرَه و جِسم و هوا هَوسی را تدارک مَوینَه تا چَیی پیستَه اون بِه جا بواَره.

رومی کلیسارا نامه 6:4

بَس مرگی دیلَه کا تعمید گِتِه نَه، اَیی نه دَفن بیمونه تا هَتَه که مسیح، دَده جلالی نَه، مَردَه اون دیلَه کا زِنده آبَه، اَمَه نی ایلَه تازه زِندگی کا قدم بِنییَم.

رومی کلیسارا نامه 8:29

چوم کسونی که خِدا پیشتَری آزونِستَشه، پیشتر، اَوون مُعیین کَردِشه تا چَیی زوعَه شیوار بِبون، تا اَتَه مسیح، اِشتَن وِرَه بِرااون دیلَه کا، اَوّلین خِردَن بِبو.

دوومین نامه قرنتیانیرا 3:18

و گِردِ اَمَه که بی نِقابَ دیمی نَه، خِداوندی جَلالی، ایلَه آواینه شیوار دَیِسَم، هَ شِکلی شیوار، جلالی کا بِه ایلَه جلالی که وِرتَرَه عوض آبییَم؛ و اِم خِداوندی کا شروع بَبی که، روح اِستَه.

دوومین نامه قرنتیانیرا 4:16

بَس نا اُمید نِبییَم. هَر چَن چَمَه ظاهر کارا از بِین بَشی، چَمَه باطن روز‌ بَه‌ روز تازَه تَر آبو.

دوومین نامه قرنتیانیرا 4:6

چوم هَ خِدایی که واتِشَه: «نور تاریکی دیلَه کا دَتاوِه،» اِشتَن نوری چَمَه دیلون کا دَتاوِستِشه تا خِدا جلالی آزونِستِه نَه مسیح دیمی کا، اَمَه نورانی آکَرِه.

دوومین نامه قرنتیانیرا 5:17

بَس اَگم ایی نفر مسیح دیلَه کا بِبو، تازه خِلقتی اِستَه. هَر چیی که کَنه بَه دِ تَمون آبَه؛ حِسَه، گِردِ چیی اِن تازه آبَیینه!

نامه غلاطیَه کلیسارا 3:27

چیرا که شِمَه گِرد که مسیح کا تعمید گِتَرونه، مسیح شِمَه بَدنی کا دَکَردَرونه.

نامه غلاطیَه کلیسارا 6:15

چوم نِه خَتنَه چیی اِستَه و نِه خَتنَه‌ نِبییِه؛ اَ چی که مُهمَه تازه خِلقَتَه.

نامَه اَفسوسی کلیسارا 2:10

چوم اَمَه خِدا دَسی کاریمونه، و مسیحْ عیسی کا خلق بَیمونه تا چاکَه کارون اَنجام بِدییَم، اَ کارونی که خِدا پیشتَری کا آمادَه آکَردِشه تا چَوون دیلَه کا قدم پِگِرَم.

نامَه اَفسوسی کلیسارا 2:15

رسم و رسوماتی که شریعتی اَحکامی دیلَه کا بَه باطل آکَردِشه، تا اِشتَن دیلَه کا اَ دِ گِله عوض، ایلَه تازه آدمی بِه وجود بواَرِه، تا صُلح و سلامتی برقرار بِکَرِه،

نامَه کُولُسی کلیسا را 3:12

بَس خِدا اِنتخاب بییَه آدَمون شیوار که مقدّس و عَزیزگِرامی اینه، دیلَسوجی، میهروونی، فروتنی، ملایِم بییِه و صَبری خَلا دَکَرَه.

نامَه کُولُسی کلیسا را 3:14

و چِمون گِردی سَری کا مُحبتی خَلا دَکَرَه که گِردِ چییون یَندی نَه ایلَه تمام کمالَ اِتحادی نَه پیوند بَدای.

نامَه فیلیمونیرا 1:6

و دعا بَکَردیم که اِشتِه ایمانی شریک بییِه، کمک بِکَرِه که هَر چاکَه چیی درباره که مسیح واسی چَمَه دیلَه کا دَرییَه، ایلَه تمام کمالَ آزونِستِه ثَمر بواَرِه.

نامَه، عِبرانیه نَتاجَه مسیحیونرا 6:6

و دومله ایمانی کا آگَردِن، دِ نییَب اَوون هَنی از نو توبه را وَردِه، چیرا که اَوِن هَنی بِه ضرر اِشتَن، خِدا زوعَه مصلوب بَکَردین و گِردی وَری کا اَیی بی‌حرمت بَکَردین.

یوحنا اوّلین نامَه 2:3

اِمی کا بَزنیمون اَئی آزونَم اَگم چَیی اَحکامون اَنجام بِدییَم.

یوحنا اوّلین نامَه 2:5

امّا اَ کسی که چَیی کلامی اَنجام بَدای، حقیقتن که خِدا محبت اَیی کا کاملَه. اِمی کا بَزنیمون اَیی کا اِستیمونه که:

یوحنا موکاشیفَه 21:5

و اَ تخت‌نشین واتِشه: «دَیِس، از گِردِ چییون تازه آکَرِم.» و هَنی واتِشه: «اِمی بینیویس چوم اِم گَفِن راستی نَه و بَبی اَیی اِعتماد کَردِه.»