نامَه کُولُسی کلیسا را 2:2 - کتاب مقدس به زبان تالشی شمالی

² تا دیلگرم بِبون، و هَتَه که مُحبتی کا یَندی نَه متحدی نَه و اَ کاملَ اِطمینان و بی حد و اندازه پُوری کا، که فهمی کا بِه دَس بومَی بهره بِبَرَه و هِم راه کا، خِدا سِرّی، یعنی مَسیح آزونِن،

کتاب مقدس به زبان تالشي - گویش مرکزی

² تا آلاوین، و هَتَه کن موحَبتیکا یَندِ نَه موتَّحِدینَه و اَ کامیلَه ایطمینان و بی حدّ و اندازَ پَتلمَگیکا، کن فَهمیکا بَدَست آ، بَرَ ببَرَ و هِم راکا، خدا رازی، یعنی مسیح آزنِن،

نامَه کُولُسی کلیسا را 2:2 Iomraidhean Croise

مَتّی 11:25

هَ موقع عیسی واتِشه: «اِی دَده، اِی آسِمون و زمینی خِداوند، تِه شُکور بَواتیم كه اِم چییون، دانایون و عاقل آدَمون کا نِین آکَردَرَه و خِردَنون را آشکار آکَردَرَه.

مَتّی 11:27

چِمِن آسِمونی یَه دَده گِردِ چیون بَه مِن دَسپاردَشَه. هیچکس دَده غِیراز زوعَه آنِزونِه، و هیچکس زوعَه غیراز دَده آنِزونِه، و اَ کسونی که زوعَه پیستِشَه دَده اَوون را آشکار آکَرِه.

مَتّی 13:11

عیسی جَواو دوشَه: «آسِمونی پاُتشایی سِرّون دَرک کَردِه شِمَه آدوعَه بییَه، امّا اَوون آدوعَه بَه نییَه.

انجیل لوقا 1:1

تِئوفیلوس خان، دا حِسَه وِر اَوَنِویسِن چییونی که چَمَه دیلَه کا اِتِفاق دَلَکه

یوحنا 10:30

اَز و دَده یَکی ایمونَه.»

یوحنا 10:38

امّا اَگم اَنجام بَدایم، حتی اَگم مِن باوَر نِکَرَه، اَ کارون باوَر بِکَرَه که شِمَه بِزونَه و بِفهمَه که دَده بَه مِن کایَه و اَز دَده کا.»

یوحنا 16:15

هَر چیی دَده هِستِشه، چِمِن شِنَه. اِمی واسی واتِمَه اَ چیی که چِمِن شِنَه ویگِرِه، شِمَه را اِعلام بَکَردی.

یوحنا 17:3

و اَبَدی یَه زندگی اِمَه که، اَوِن فقط تِه که خِدای یگانه حقیقییش، و عیسایِ مسیحی که تِه اَیی ویسا آکَردَرَه، آزونِن.

یوحنا 5:17

امّا عیسی اَوون جَواو دوشَه: «چِمِن دَده حَلا کار بَکَردی، اَز نی کار بَکَردیم.»

یوحنا 5:23

تا مردم گِرد زوعَه حُرمت بِنن، هَتَه که دَده حُرمت بَکَردین. کسی که زوعَه حُرمت نِنَه، دَده ایی که اَیی ویسا آکَردَشَه نی حُرمت نوعَه نیشه.

یوحنا 6:69

و اَمَه ایمان وَردَمونَه و بَزنیمون که تِه اَ قدّوس خِداییش.

رَسولون اَعمال 4:32

گِردِ ایماندارِن یَکدیل و یَک جان بینَه و هیچکس چیی اِشتَن مال و مَنالی کا اِشتَن شِن نیمَزنی، بَلکَم گِردِ چیون کا یَندی نَه شریک بینَه.

رومی کلیسارا نامه 15:13

بِبو، خِدایی که اُمید بَدای، شِمَه شادی و صُلح و سلامتی کاملی نَه که ایمانی کایَه، پُور آکَرِه، جوری که روح القدسی قدرتی نَه، اُمیدی کا لِبالِب پُور بِبییَه.

رومی کلیسارا نامه 16:25

حِسَه جَلال اَیی بِبو که، بَشای طبق چِمِن اِنجیل و عیسی مسیح موعظه، شِمَه تقویت بِکَرِه- یعنی طبق ایلَه سِرّی آشکار آبییِه که وِرَه زمانون نِین بَه،

رومی کلیسارا نامه 2:4

یا اِم که خِدا میهرَوونی، تاو و تحمل و چَیی بَرکَ صَبری روک بَزنیش و نیمَزنیش که خِدا میهرَوونی اِمی واسی یَه که تِه راهنمایی بِکَرِه تا توبَه بِکَری؟

اوّلین نامَه قورَنتیانیرا 14:31

چوم گِرد بَشایرون نوبتی نَه نبوّت بِکَرَه تا گِرد تعلیم بِگِرِن و تشویق بِبون.

اوّلین نامَه قورَنتیانیرا 2:12

حِسَه، اَمَه نِه اِم دنیا روح، بَلکَم ایلَه روح بِه دَس وَردَمونه که خِدا کایَه تا اَ چیی که خِدا بَمون هدیه آدوعَشه، بِزونَم.

نامه غلاطیَه کلیسارا 3:28

دِ نِه یَهودی مَعنی هِستِشه نِه یونانی، نِه نوکَر نِه آزاد، نِه مِرد نِه ژِن، چوم شِمَه گِرد مسیحْ عیسی کا ایلَه ایرونه.

نامَه اَفسوسی کلیسارا 1:7

اَمَه مسیح دیلَه کا چَیی خونی واسطه نَه آزادی هِستِمونه، که اِم هَ خَطا اون بخشِستِه یَه، که اَیی، اِشتَن بَرکَ فیضی قَدر،

نامَه اَفسوسی کلیسارا 3:16

که بینا بَر اِشتَنِش جلالِ دولتمندی آدَه شِمَه تا خِدا روح واسطه نَه شِمَه باطِنی کا قوی و نیرومند بِبییَه،

نامَه اَفسوسی کلیسارا 3:3

که چِنتَه اَ سِرّ، مکاشفه نَه بَه مِرا آشکار آبَه، هَتَه که شِمَه را مختصر نیویشتَمَه.

نامَه اَفسوسی کلیسارا 6:22

اَز اَئی اِم هدفی نَه ویسا آکَرِم شِمَه وَر تا چَمَه اَحوالاتی کا خَوَردار بِبییَه، و تا اَ شِمَه دیلگرم آکَرِه.

نامَه فیلیپی کلیسا را 2:1

بَس اَگم مسیح کا دیلگرمیرونه، اَگم چَیی مُحبت شِمَه تَسلی بَدای، اَگم خِدا روحْ کا رفاقت هِستِرونه، و اَگم میهروونی و دیلَه سوجی هِستِرونه،

نامَه فیلیپی کلیسا را 3:8

راس راسی، از گِردِ چییون اِمی واسی که چِمِن خِداوند مسیحْ عیسی آزونستِه را، گِردِ چییون کا کَفاتَرَه، ضَرر بَزنیم. چَیی واسی نی گِردِ چییون از دَس دوعَمَه و اِمون گِردی هیچ بَزنیم تا چِمِن نفع مَسیح بِبو،

نامَه کُولُسی کلیسا را 1:26

یعنی اَ سِرّی که وِرَه زمانون و نَسلون کا نِین بَه، امّا حِسَه چَیی مقدّسون را آشکار آبییَه.

نامَه کُولُسی کلیسا را 1:27

خِدا اِنتَه پیستِشَه که اَوِن آزونِن که اِم سِرّ غیریهودیون دیلَه کا، چِه بَرکَ جلالی هِستِشه. اَ سِرّ اِمَه که مَسیح شِمَه دیلَه کا جلالی اُمیدَه.

نامَه کُولُسی کلیسا را 1:9

اِمی واسی، اَمَه نی اَ روزی نَه که اِمی دَرَسِمونه، شِمَه را دعا کَردِه کا دَس نِپِگتَمونه، بَلکَم هَمیشه خِدا کا پیستِمونَه تا چَیی اِرادَه آزونستِه نَه، هَر حِکمت و روحانی یَه فهمی کا پور بِبییَه؛

نامَه کُولُسی کلیسا را 2:19

اِنتَه رَه آدَم دِ سَری وَصل نییَه، اَ سَری که تمون بَدَن اَیی نَه جان بَگَتی و مفصَلون و بَندون واسطه نَه یَندی نَه غَم هَردَه بَبی و هَتَه که خِدا پیستِشَه رُشد بَکَردی.

نامَه کُولُسی کلیسا را 3:14

و چِمون گِردی سَری کا مُحبتی خَلا دَکَرَه که گِردِ چییون یَندی نَه ایلَه تمام کمالَ اِتحادی نَه پیوند بَدای.

نامَه کُولُسی کلیسا را 4:3

هَمزمان اَمَه را نی دعا بِکَرَه، تا خِدا، کلامی را اَمَه را ایلَه بَری آکَرِه تا بِشایَم مَسیح سِرّی اِعلام بِکَرَم. اَ سِرّی که از چَیی واسی حِسَه زیندانی کا ایمَه.

نامَه کُولُسی کلیسا را 4:8

اَیی ویسا آکَرِم شِمَه وَر تا چَمَه اَحوالاتی کا خَوردار بِبییَه، تا شِمَه دیلگرم آکَرِه.

اوّلین نامَه تَسالونیکی کلیسا را 1:5

چوم که چَمَه اِنجیل فقط گفی نَه آنِرَسته بِه شِمَه، بَلکَم قوّتی نَه و روح القدسی نَه و کاملَ اِطمینانی نَه آرَستَه بِه شِمَه؛ هَتَه که بَزنیرون شِمَه واسی چِنتَه شِمَه دیلَه کا رفتار کَردِمونه.

اوّلین نامَه تَسالونیکی کلیسا را 3:2

اَمَه، تیموتائوسی که چَمَه بِرا و خِدا همکار مسیح اِنجیلی کاری کایَه، ویسا آکَردِمونه شِمَه وَر تا شِمَه ایمانی کا شِمَه تقویت و تشویق بِکَرِه،

اوّلین نامَه تَسالونیکی کلیسا را 5:14

اِی بِرااِن، شِمَه کا خواهیشت بَکَردیم که تَنبلون نصیحت بِکَرَه؛ تَرسو اون تشویق بِکَرَه؛ ضَعیفون کمک بِکَرَه؛ گِردی نَه صبور بِبییَه.

اوّلین نامَه تیموتائوسیرا 3:16

راس راسی که دینداری بَرک یالَه سِرّی یَه: اَ جِسمی دیلَه کا ظاهر آبَه، خِدا روح واسطه نَه تصدیق بَه، ملائیکه اِن اَیی ویندِشونَه، قومون دیلَه کا اِعلام بَه، دنیا دیلَه کا بَیی ایمان وَردِشونه، جلالی نَه، بَردَه بَه کَفا.

نامَه، عِبرانیه نَتاجَه مسیحیونرا 10:22

بایَه صِدق دیلی نَه و کاملَه ایمانی نَه بِه خِدا نِزدیک آبییَم، و چَمَه دیلون بَدَه وِجدانی کا پاک آکَرَم و چَمَه بَدنی پاکَ آوی نَه بوشورَم.

نامَه، عِبرانیه نَتاجَه مسیحیونرا 6:11

چَمَه آرزو اِمَه که هَر‌ کمیله شِمَه کا تا آخِر هَ غیرتی نیشون بِدییَه تا شِمَه اُمید تمام کمال آشکار آبو.

پطروسی دومین نامه 1:10

بَس اِی بِرااِن، وِرتَر تَقَّلا بِکَرَه تا شِمَه دعوت و اِنتخاب بییِه ثابت بِکَرَه، چوم اَگم اِم صِفَتون بِه کار بِگِرَه هرگز نِبَلَکَه.

پطروسی دومین نامه 1:3

چَیی قدرت الهی هَر چیی که زِندگی و دینداری را اِحتیاج دارَم اَمَه بَخشِستَشه. چَیی آزونستِه نَه یَه که اَمَه اِشتَن جلال و چاکی را دعوت کَردَشه.

پطروسی دومین نامه 3:18

بَلکَم چَمَه خِداوند و چَمَه نجات دهنده عیسایِ مسیح آزونِستِه و فیضی کا رُشد بِکَرَه، که حِسَه نَه تا اَبَد اَیی را جلال بِبو! آمین.

یوحنا اوّلین نامَه 3:19

اِمی کا بَزنیمون که حقیقتی کا اِستیمونه، و بَشایمون چَمَه دیلی خِدا پیشی کا مطمئن بَکَرَم؛

یوحنا اوّلین نامَه 5:7

چوم سِه گِله اِستینه که شهادتی بَداین: