نامَه کُولُسی کلیسا را 1:4 - کتاب مقدس به زبان تالشی شمالی

⁴ چوم که اَمَه شِمَه ایمانی درباره مسیحْ عیسی کا و محبتی که گِردِ مقدّسون را هِستِرونه، دَرَسَمونه.

کتاب مقدس به زبان تالشي - گویش مرکزی

⁴ اِمی خونه کن شمه ایمانی خونه کن مَسیح عیسی دِلَکا و موحبتی کن گردِ موقدسَه آدَمون سَر دارَ، دَرَستَمونَه.

نامَه کُولُسی کلیسا را 1:4 Iomraidhean Croise

دوومین نامه قرنتیانیرا 7:7

و نِه فقط تیتوسی اومِه نَه، بَلکَم اَ تَسلی نَه که تیتوس شِمَه کا گِتَش بَه. تیتوس شِمَه حسرتی کا، غورصَه و غیرتی کا که بَه مِرا هِستِرونه، بَه مِرا خَوَر وَردِشَه، اِنتَه که مِن وِرتَر شاد آکَردِشه.

نامه غلاطیَه کلیسارا 3:26

چوم که مسیحْ عیسی کا، شِمَه گِرد، ایمانی واسطه نَه، خِدا زوعَه اِن اِستیرونه.

نامه غلاطیَه کلیسارا 3:28

دِ نِه یَهودی مَعنی هِستِشه نِه یونانی، نِه نوکَر نِه آزاد، نِه مِرد نِه ژِن، چوم شِمَه گِرد مسیحْ عیسی کا ایلَه ایرونه.

نامه غلاطیَه کلیسارا 5:6

چوم مسیحْ عیسی کا نِه خَتنه بییِه مُهمَه نِه خَتنه‌ نِبییِه، بَلکَم مُهم اَ ایمانی یَه که محبتی واسطه نَه کار بَکَردی.

نامَه اَفسوسی کلیسارا 1:15

اِمی واسی هَتَه که از نی شِمَه تعریفی دَرَسِمَه که چِه ایمانی بِه عیسایِ خِداوند اِستِرونه و شِمَه محبتی بِه گِردِ مقدّسون دَرَسِمَه،

نامَه اَفسوسی کلیسارا 6:18

و همیشه، هَمه جورَه دعا و مِنَتی نَه، خِدا روح کا دعا بِکَرَه و اِمی واسی آگا و هوشیار بِبییَه و همیشه مقاومتی نَه گِردِ مقدسون را دعا بِکَرَه.

نامَه کُولُسی کلیسا را 1:9

اِمی واسی، اَمَه نی اَ روزی نَه که اِمی دَرَسِمونه، شِمَه را دعا کَردِه کا دَس نِپِگتَمونه، بَلکَم هَمیشه خِدا کا پیستِمونَه تا چَیی اِرادَه آزونستِه نَه، هَر حِکمت و روحانی یَه فهمی کا پور بِبییَه؛

اوّلین نامَه تَسالونیکی کلیسا را 1:3

شِمَه کار که ایمانی کایَه و زحمتی که محبتی کا کَشَه و شِمَه پایداری اُمید که چَمَه خِداوند عیسایِ مسیح کایَه، خِدا و چَمَه آسمونی یَه دَده پیشی کا، ویر بَواَردیمون.

اوّلین نامَه تَسالونیکی کلیسا را 3:6

امّا حِسَه که تیموتائوس شِمَه وَری نَه آگَردِستَه چَمَه وَر و اَمَه را، شِمَه ایمان و محبتی خوشَ خَوَری وَردَشه و خَوَر دوشَه که شِمَه همیشه اَمَه چاکی نَه ویر بواَردیرون و چَمَه ویندِه را مشتاقی رونَه، هَتَه که اَمَه نی شِمَه ویندِه را مَشتاقی مونَه-

دوّمین نامَه تَسالونیکی کلیسا را 1:3

اِی بِرااِن، اَمَه بَسی همیشه خِدا شِمَه واسی شُکر بِکَرَم، دُرُست نی هِمَه، چوم شِمَه ایمان هِنتَه رُشد بَکَردی و شِمَه هَر کمیلَه محبت یَندی را وِرتَر بَبی.

نامَه فیلیمونیرا 1:5

چوم از اِشتِه محبت و ایمانی درباره که خداوندْ عیسی و گِردِ مقدّسون را هِستِرَه، دَرَسِم،

نامَه، عِبرانیه نَتاجَه مسیحیونرا 6:10

چوم که خِدا بی اِنصاف نییَه که شِمَه کار و محبتی که چَیی نومی واسی، مقدّسون خِدمتی کا نیشون دوعَه رونَه ویر بَرکَرِه، هَتَه که حَلا نی کارا بَکَردیرون.

یوحنا اوّلین نامَه 3:14

اَمَه بَزنیمون که مَرگی کا رَد آبَییمونه و آرَستَییمونه بِه زندگی، چوم بِرا اون نَه خِشیمونه. هَر کسی که محبت نِکَرِه، مرگی دیلَه کا بَمَندی.

یوحنا اوّلین نامَه 3:23

و چَیی حُکم اِمَه که چَیی زوعَه عیسای مسیح نومی ایمان بواَرَم و یَندی محبت بِکَرَم، هَتَه که بَمون دستور دوعَشَه.

یوحنا اوّلین نامَه 4:16

بَس اَمَه اَ محبتی که خِدا بَمون هِستِشه آزونِستَمونه و اَیی باور دارَم. خِدا محبتَه و کسی که محبتی دیلَه کا بَمَندی، خِدا دیلَه کا بَمَندی و خِدا چَیی دیلَه کا.