نامَه کُولُسی کلیسا را 1:22 - کتاب مقدس به زبان تالشی شمالی

²² حِسَه اَ، اِشتَن مرگی واسطه نَه، اِشتَن جِسمانی یَه بدنی کا شِمَه آشتی دوعَشَه، تا شِمَه مقدّس و بی‌عیب و بیدون هیچ سَرکوفتی، بواَرِه خِدا وَر.

کتاب مقدس به زبان تالشي - گویش مرکزی

²² ولی ایسَه اَ بَشِمَه اِشتَن مَردِ واسیطنَه، اِشتَن جیسمانییَه تنیکا آشتیش دوعَیه، تا بَشِمَه موقدَّس و بی عَیب و بی هیچ چَمایی خدا حِضوریرا بوعرِ،

نامَه کُولُسی کلیسا را 1:22 Iomraidhean Croise

انجیل لوقا 1:75

چَیی حضوری کا، قدّوسیت و صالِحی نَه، تا عُمرِمون اِستَه.

رومی کلیسارا نامه 7:4

اِنتَه نی، اِی چِمِن بِرااِن، شِمَه نی مسیح بَدَنی واسِطه نَه، شریعتی کا مَردیرونه تا ایی نفر دییَری نَه وَصلت بِکَرَه، یعنی اَیینه که مَردَه اون دیلَه کا زِنده آبَه، تا خِدا را ثمر بواَرَم.

دوومین نامه قرنتیانیرا 11:2

چوم که از شِمَه را غیرت هِستِمَه و اِم غیرت خِدا کایَه، چوم که از شِمَه ایلَه مِردی نَه، یعنی مسیح نَه، پِیوَندی کَردِمَه، تا شِمَه، ایلَه پاکَه باکِرَه ایی شیوار دَسپارِم چَیی دَس.

دوومین نامه قرنتیانیرا 4:14

چوم بَزنیمون اَ کسی که عیسایِ خِداوندی مَردَه اون دیلَه کا زِنده آکَردِشه، اَمَه نی عیسی نَه زِنده آکَردَشَه، و شِمَه نَه بواَردی چَیی حضور.

دوومین نامه قرنتیانیرا 5:18

اِمِن گِرد خِدا کا اینه که مسیح واسطه نَه اَمَه اِشتَن نَه آشتی دوعَشَه و آشتی دوعِه خِدمتی نی بَمون دَسپَردَشه.

نامَه اَفسوسی کلیسارا 1:4

چوم دنیا خَلق بییِه پیش، اَمَه مسیح دیلَه کا اِنتخاب کَردِشه تا چَیی حضوری کا مقدّس و بی‌عیب بِبَیم. محبتی کا،

نامَه اَفسوسی کلیسارا 5:27

تا کلیسا اَ شکوهی نَه که هِستِشَه بواَرِه اِشتَن وَر، بیدون هیچ لک و چین و چروکی یا هَر چیی دییَری، تا کلیسا مقدّس و بی‌عیب بِبو.

نامَه کُولُسی کلیسا را 1:28

اَمَه اَیی اِعلام بَکَردیمون، و گِردی هُشدار بَدایمون و گِردی تَمون حکمتی نَه تعلیم بَدایمون، تا گِردی یالَ آدَمون شیوار مَسیح کا، بواَرَم خِدا وَر.

اوّلین نامَه تَسالونیکی کلیسا را 4:7

چوم خِدا اَمَه نِه ناپاکی را، بَلکَم مقدّس بییِه را دَعوت کَردَشه.

نامَه تیتوسیرا 2:14

که اِشتَن جانی چَمَه راه کا آدوشَه، تا هَر شِرارتی کا اَمَه رهایی بِدَه و اِشتَرا پاکَه مردمی وَج آکَرِه که چَیی اِشتَن شِن بِبون که چاک کارون را غِیرت بِدارِن.

نامَه، عِبرانیه نَتاجَه مسیحیونرا 10:10

اَمَه عیسایِ مسیح بَدنی قِربونی کَردِه واسطه نَه، ایی کَرَه همیشه را، چَیی را وقف بیمونَه.

نامَه، عِبرانیه نَتاجَه مسیحیونرا 10:20

ایلَه تازه و زِنده راه واسطه نَه، که اَ، اَ پَردَه میانه نَه، یعنی چَیی بَدن، چَمَه دیمی کا آکَردِشَه،

نامَه، عِبرانیه نَتاجَه مسیحیونرا 13:21

هَ خِدا شِمَه هَر چاکَه چیی نَه مجهز بِکَرِه تا چَیی اِراده اَنجام بِدییَه. تا اَ چیی نَه که خِدا راضی آکَرِه، عیسایِ مسیح واسطه نَه چَمَه دیلَه کا بِه کار بِگِرِه، هَ عیسایِ مسیح که تا اَبَد و تا اَبَد جلال اَیی نَه بِبو. آمین.

پطروسی اوّلین نامَه 3:18

چوم که مَسیح نی ایی کَرَه گناه اون را عذاب کَشِشَه، یعنی اَ صالِح، کسونی را که صالِح نینَه، تا اَمَه بواَرِه خِدا وَر. اَ جِسمی کا کِشتَه بَه، امّا روح کا، زِنده آبَه،

پطروسی دومین نامه 3:14

بَس اِی عَزیزِن، حِسَه که اِم چییون مُنتظریرونه، تَقَّلا بِکَرَه تا چَیی نظری کا بی لَکه و بی عیب بِبییَه و صُلح و سلامتی کا بومونَه.

یهودا نامه 1:24

حِسَه اَیی که بَشای شِمَه بَلَکِه کا حفظ بِکَرِه و اِشتَن پُور جلالَ حضوری کا بی‌عیب، بَرکَ شادی نَه پُور آکَرِه،