Biblia Todo Logo
Bìoball air-loidhne

- Sanasan -




نامَه کُولُسی کلیسا را 1:10 - کتاب مقدس به زبان تالشی شمالی

10 تا شِمَه رفتار، خِداوندی شَئنی کا بِبو و بِشایَه اَیی کاملا خوشحال آکَرَه: هَر چاک کاری کا ثمر بواَرَه و خِدا آزونستِه کا رُشد بِکَرَه

Faic an caibideil Dèan lethbhreac

کتاب مقدس به زبان تالشي - گویش مرکزی

10 تا شمَه رفتار خداوندی شائَن ببو، و بشاعَه بَی کامیلا خَش آکَرَ:هر چاکَه کاریکا بَرَ بدَرَ و خدا آزنِستِکا یال آبَه

Faic an caibideil Dèan lethbhreac




نامَه کُولُسی کلیسا را 1:10
44 Iomraidhean Croise  

شِمَه مِن اِنتخاب کَردَه نیرونَه، بَلکَم اَز شِمَه اِنتخاب کَردَمه و تعیین کَردَمه تا بِشَه و میوه بواَرَه و شِمَه میوه بومونِه، تا هَر چیی دَده کا چِمِن نومی نَه بِپییَه آدَه شِمَه.


چِمِن دَده شکوه و جلال اِنتَه آشکار بَبی که شِمَه میوه وِر بواَرَه؛ و اِنتَه ثابت بَکَردیرون چِمِن شاگِردیرونَه.


و اَبَدی یَه زندگی اِمَه که، اَوِن فقط تِه که خِدای یگانه حقیقییش، و عیسایِ مسیحی که تِه اَیی ویسا آکَردَرَه، آزونِن.


اِی بِرااِن، نِپیستِمه بی‌ خَوَر بِبییَه که چِندی کَرَه پیستِمَه بام شِمَه وَر، امّا هَر کَرَه ایی چیی پیش اومَه. پیستِمَه که شِمَه دیلَه کا نی روکَتِه محصول درو بِکَرِم، هَتَه که اَلباقی غیریهودیون دیلَه کا درو کَردَمه.


و اِبراهیم خَتنه‌ بییَه اون دَده نی اِستَه، یعنی کسونی دَده که نِه فقط خَتنه بَیینه، بَلکَم ایمانی راه کا قدم پِگِرِن، هَ راهی دیلَه کا که چَمَه دَده اِبراهیم نی پیش از اِم که خَتنه بِبو، قدم پِگِری.


بَس مرگی دیلَه کا تعمید گِتِه نَه، اَیی نه دَفن بیمونه تا هَتَه که مسیح، دَده جلالی نَه، مَردَه اون دیلَه کا زِنده آبَه، اَمَه نی ایلَه تازه زِندگی کا قدم بِنییَم.


امّا خِدا را شُکر که، همیشه مسیح کا، اَ اِشتَن پیروزی کا اَمَه راهنمایی بَکَردی و چَیی دانای یَه عطری چَمَه واسطه نَه گِردِ جِگاکا پخش آکَرِه.


چوم هَ خِدایی که واتِشَه: «نور تاریکی دیلَه کا دَتاوِه،» اِشتَن نوری چَمَه دیلون کا دَتاوِستِشه تا خِدا جلالی آزونِستِه نَه مسیح دیمی کا، اَمَه نورانی آکَرِه.


بَس چِه بَدنی کا زِندگی بِکَرَم و چِه اَیی کا دور بِبییَم، چَمَه نیّت اِمَه که اَیی راضی آکَرَم.


و خِدا بَشای هَر نعمتی شِمَه را وِر آکَرِه تا همه چی کا همیشه شِمَه گِردِ اِحتیاجون قَدَر بِدارَه و هَر چاکَه کاری کا فَت و فراوون بِدارَه.


تا چَمَه خِداوند عیسایِ مسیح خِدا، اَ پُر جلال دَده، حکمت و مکاشفه روح آدَه شِمَه، تا اَیی آزونَه،


چوم اَمَه خِدا دَسی کاریمونه، و مسیحْ عیسی کا خلق بَیمونه تا چاکَه کارون اَنجام بِدییَم، اَ کارونی که خِدا پیشتَری کا آمادَه آکَردِشه تا چَوون دیلَه کا قدم پِگِرَم.


بَس از که خِداوندی واسی زِندانی کا ایمَه، خواهیشت بَکَردیم که شِمَه اَ دَعوتی شئنی کا که شِمَه کا بییَه، رفتار بِکَرِه،


تا وختی که گِرد ایمانی کا ایلَه بِبییَم و هَتَه نی خِدا زوعَه آزونِستِه کا ایلَه بِبییَم و اِنتَه ایلَه کامِلَ اِنسانی قَدَر یال بِبییَم، تا آرَستَم مسیح بِلَندَه قامتی قَدَر.


تَقَّلا بِکَرَه بِفهمَه که چِه چیی خِداوندی راضی بَکَردی.


بَس، شِمَه هَواس وِر جمع بِبو که چِنتَه رفتار بَکَردیرون، دانایون شیوار رفتار بِکَرَه نِه نادونون شیوار.


و محبتی نَه رفتار بِکَرَه، هَتَه که مسیح اَمَه محبت کَردِشه و اِشتَن جانی چَمَه راه کا، ایلَه قِربونی و خوشبویَه هدیه‌ای شیوار خِدا تقدیم کَردِشه.


صالِحی ثَمرَه کا پور بِبییَه که عیسایِ مسیح واسطه نَه، خِدا جلال و ستایشی را ختم بَبی.


فَقَط بِدارَه شِمَه زِندگی رَوِش، مسیح اِنجیلی شَئنی کا بِبو، اَتَه که چِه بام شِمَه بِوینِم و چِه مام، شِمَه کا دَرَسِم که ایلَه روح کا پابَرجا ایرونه و یَک فیکر، یَندی نَه دوش بِه دوش، اِنجیل ایمانی واسی تَقّلا بَکَردیرون،


شِمَه کُمکِن کامل آرَستینَه چِمِن دَس و چِمِن اِحتیاجی کا نی وِرتَر هِستِمه. حِسَه که شِمَه کمکی که اِپافْرودیتوسی واسطه نَه بَه مِرا ویسا آکَردَرونَه، ویگتَمَه، حسابی تامینیمَه، شِمَه هدیه خوشبویَه عطر و مَقبولَه قِربونی یَه که خِدا راضی بَکَردی.


اِنتَه رَه آدَم دِ سَری وَصل نییَه، اَ سَری که تمون بَدَن اَیی نَه جان بَگَتی و مفصَلون و بَندون واسطه نَه یَندی نَه غَم هَردَه بَبی و هَتَه که خِدا پیستِشَه رُشد بَکَردی.


بَس هَتَه که مسیحْ عیسایِ خِداوَندی قبول کَردَرونه، اَیی کا زِندگی بِکَرَه؛


اِی خِردَنِن، شِمَه دَده نَنَه کا هَر کاری کا اِطاعَت بِکَرَه، چوم اِم، خِداوندی خوشحال بَکَردی.


کلیسا بِرونی مردمی نَه حکیمونه رَفتار بِکَرَه و هَر فُرصَتی کا چاک اِستفادَه بِکَرَه.


اَمَه هَر کمیله شِمَه، ایلَه ایلَه تشویق کَردِمونه و تَسلی دومونه و سفارش کَردِمونه تا اَتَه که خِدا شئنی کایَه زِندگی بِکَرَه، که شِمَه دعوت بَکَردی اِشتنِش پاُتشایی و جلالی را.


آخِرسَر بَس، اِی بِرااِن، اَمَه خِداوند عیسی کا شِمَه کا پیستِمونَه و مِنت بَکَردیمون، هَتَه که اَمَه کا شِمَه را آرَستَه که چِنتَه بَسی زِندگی بِکَرَه و خِدا راضی آکَرَه، هَتَه که کارا اَنجام بَدایرون، اِم کاری وِرتَر و وِرتَر بِکَرَه.


هیچ سربازی، اِشتَن خدمتی موقع، اِشتَن، اِشتَن زِندگی کارون کا گیرفتار نِکَرِه، چوم پیستِشَه اَ کسی راضی آکَرِه که اَیی خدمتی سَری کا نوعَشَه.


اَوون یادآوری بِکَه که حاکِمون و صاحبمَنصبون مطیع بِبون، و هَر چاکَه کاری را حاضیر بِبون،


بِدا چَمَه مردم باموجِن اِشتَن، اِحتیاجاتی برطرف کَردِه واسی چاکَ کارون را وَقف بِکَرن و بی‌ ثمر مَبون.


ایمانی نَه بَه که خَنوخ کَفا بَردَه بَه تا مرگی مَوینِه، و اَ پیدا نِبَه چوم خِدا اَیی بَردِشه. چیرا که پیش از اِم که کَفا بَرده بِبو، چَیی دربارَه شهادتی دوعَه بَه که خِدا اَیی کا راضی یَه.


چاکی کَردِه کا و خَلکی شَریک کَردِه کا اَ چیونی کا که هِستِرونَه غِفلت مَکَرَه، چوم خِدا اِنتَه رَه قربونیون کا راضی یَه.


هَ خِدا شِمَه هَر چاکَه چیی نَه مجهز بِکَرِه تا چَیی اِراده اَنجام بِدییَه. تا اَ چیی نَه که خِدا راضی آکَرِه، عیسایِ مسیح واسطه نَه چَمَه دیلَه کا بِه کار بِگِرِه، هَ عیسایِ مسیح که تا اَبَد و تا اَبَد جلال اَیی نَه بِبو. آمین.


چوم اَگم اِم صِفَتِن شِمَه دیلَه کا بِبون و وِر آبون، نییَرزِن چَمَه خِداوند عیسایِ مَسیح آزونستِه کا، بی اَثر و بی‌ثمر بِبییَه.


بَلکَم چَمَه خِداوند و چَمَه نجات دهنده عیسایِ مسیح آزونِستِه و فیضی کا رُشد بِکَرَه، که حِسَه نَه تا اَبَد اَیی را جلال بِبو! آمین.


و هَر چی که اَیی کا بِپییَم، ویگِرَم، چوم چَیی اَحکامی عَمَل بَکَردیمون و هَر چیی که اَیی خوشحال بَکَردی، اَنجام بَدایمون.


هِنته نی بَزنیمون که خدا زوعَه اومَه و بَمون فهم آدوعَشه تا اَیی که حقیقتَه آزونَم، و اَمَه اَیی کا ایمونه که حقیقتَه، یعنی چَیی زوعَه، عیسی مسیح کا. اَ، خِدای حقیقی و اَبَدی یَه زندگی اِستَه.


اَوِن نی کلیسا پیشی کا اِشتِه محبتی شهادتی دوعَشونه؛ بَس چاکَ کاری بَکَردیش اَگم اَوون هَتَه که خِدا شَئنی کا اِستَه، سَفری را رایی بِکَردیش.


Lean sinn:

Sanasan


Sanasan