رَسولون اَعمال 6:9 - کتاب مقدس به زبان تالشی شمالی

⁹ دومله چَن نفر ایلَه عبادتگاهی اَعضا کا که چَیی نوم معروف بِه’آزاد بییَه کَسون عبادتگاه‘، بَه، اِستیفانی نَه بَحث بَکَردین. اَوِن قیرَوانی یهودیون کا و اِسکندریه و کیلیکیه و آسیا اَهالی کا بینَه.

کتاب مقدس به زبان تالشي - گویش مرکزی

⁹ چَی به دوملَه چَن نَفر کن ایلَه عیبادَتگاهی شِن بینَه و چَی نوم آزاد آبَه اون عیبادَتگا معروف بَه، استیفانینَه بحث اَکَرینَه. اَیِن قیرَوانی یهودیونکا و اسکندَریَه و کیلیکیَه و آسیا آدَمونکا بین.

رَسولون اَعمال 6:9 Iomraidhean Croise

مَتّی 10:17

شِمَه هَواس مردمی کا بِبو. چوم اَوِن شِمَه دادگاه اون تحویل بَداین و اِشتَن عِبادتگاه اون کا شِمَه شِلاق ژَنِن.

مَتّی 23:34

چوم اَز پیغمبرون و حکیم آدَمون و معلِمون ویسا آکَرِم شِمَه وَر و شِمَه، بعضی اَوون کا کِشَه و مصلوب کَرَه و بعضی اون نی شَمَه عِبادتگاه اون کا شِلاق ژَنَه و شهر بِه شهر بَشیرون و اَوون اَذیت آزار بَکَردیرون.

مَتّی 27:32

وختی کارا بَشین بِرون، ایلَه مِردی نَه دیمادیس بینَه که قیرَوونی اَهالی بَه و چَیی نوم شمعون بَه، و اَئی مجبور کَردِشونَه كه عیسی صَلیبی چَیی دومله بِبَره.

مَرقُس 13:9

«امّا شِمَه اِشتَن ویرا بِبییَه، چوم اَوِن شِمَه مَحکمَه اون تحویل بَداین و عِبادتگاه اون کا شِمَه ژَنِن. شِمَه چِمِن واسی فرماندارون و پاُتشا اون حضوری کا بَمَندیرون تا چَوون پیشی کا شهادتی بِدییَه.

انجیل لوقا 21:12

امّا گِردِ اِم چییون اِتِفاق دَلَکِه پیش، شِمَه دَستگیر بَکَردین و اَذیت آزار بَکَردین. شِمَه عبادتگاه اون و زندانون تحویل بَداین. و چِمِن نومی واسی، شِمَه بَبَردین پاُتشا اون و فَرماندارون وَر.

رَسولون اَعمال 11:20

امّا چَوون دیلَه کا چَند نفر قِپرس و قیرَوانی اَهالی کا بینَه. اَوِن وختی آرَستینَه اَنطاکیه، یونانیون نَه نی گَف ژَندِشونَه و عیسایِ خِداوندی خوشَ خَوَری اَوون نی آدوشونَه.

رَسولون اَعمال 13:1

اَنطاکیه کلیسا کا، پیغمبرِن و مُعلِمِنی بینَه: بَرنابا، شَمعون معروف بِه نیجِر، لوکیوسِ قیرَوانی، و مَنائِن که هیرودیسِ حاکمی ناتَنی یَه بِرا بَه و شائول.

رَسولون اَعمال 13:45

ولی وختی یَهودییِن جماعتی ویندِشونَه، حسودی کا پُور آبینَه و بی حرمتی نَه پولسی گفون نَه مخالفت کَردِشونَه.

رَسولون اَعمال 15:23

دومله ایلَه نامه چَوون دَسی نَه ویسا آکَردِشونَه، که اَیی کا نیویشته بییَه بَه: « چَمَه طرفی نَه که شِمَه بِرا ایمونَه، هَم رسولِن و هَم مَشایخ، غِیر یهودیَه بِرااونی را که اَنطاکیَه، سوریَه و کیلیکیه کا اینَه، سلام!

رَسولون اَعمال 15:41

وختی پولس، سوریه و کیلیکیه کا دَوییَری، اوآ کلیسا اون تقویت بَکَردی.

رَسولون اَعمال 16:6

دومله، اَوِن فْریجیه و غَلاطیه منطقه اِم سَر تا اَ سَری کا دَوییَردینَه، چوم روح القدس اِجازه نِدوشَه اَوِن خِدا کلامی آرِساوونِن آسیا ایالتی را.

رَسولون اَعمال 18:24

اَ روزون کا، ایلَه یَهودی، که چَیی نوم آپولس بَه و اِسکندریه آدمون کا بَه، اومَه اَفِسُس. اَ، گفَ ژَنی کا اوستا بَه و مقدّس نیویشته اون کا وِر بَزنی؛

رَسولون اَعمال 19:10

دِ سال اِنتَه دوییَرده و اِم مدتی کا، گِردِ آسیا ایالتی مردم، چِه یَهودیی و چِه یونانی، خِداوَندی کلامی دَرَسِشونَه.

رَسولون اَعمال 19:26

امّا هَتَه که بَویندیرون و دَرَسه، اِم پولس نِه فقط اَفِسُسی کا، بَلکَم تقریباً گِردِ آسیا ایالتی کا، وِرَه یالَ جماعتی قانع و گمراه کَردَشه. اَ بَواتی خِدا اونی که آدَمی دَسی نَه وَج آبَه اینَه، خِداِن نینَه.

رَسولون اَعمال 21:27

چیی مَندَه نِبَه که تطهیری هفت روز تَمون آبی که چَن گِله یَهودی که آسیا ایالتی شِن بینَه، معبدی کا پولسی ویندِشونَه. اَوِن جماعتی آنتیریک کَردِشونَه و پولسی گِتِشونَه،

رَسولون اَعمال 21:39

پولس جَواو دوشَه: «اَز ایلَه یهودیه مِردی ایمَه و تارسوسی کیلیکیَه‌ شِنیمَه، شَهری که بی‌نوم و نِشون نییَه. خواهیشت بَکَردیم اِجازَه بِدییَه مردمی نَه گَف بِژَنِم.»

رَسولون اَعمال 22:19

«از واتِمه: ”خِداوندا، اَوِن بَزنین که اَز عبادتگاه بِه عبادتگاه بَشیم و کَسونی که بَه تِن ایمان دارین، دَرَفَنیم زندانی کا و ژَنیم.

رَسولون اَعمال 22:3

«اَز یهودیه مِردیمَه، که تارسوسِ کیلیکیه کا دنیا اومَه ایمَه. امّا اِم شهری کا یال آبَییمَه. چِمِن اَجدادی شریعتی کامِلاً، گامالائیلی وَری کا یاد گِتَمه و خِدا را غیرت داریم، هَتَه که گِردِ شِمَه اوری غیرت اِستِرونَه.

رَسولون اَعمال 23:34

فرماندار نامه خَندِشه و پولسی کا دَفَرسِشه کَمیله ایالتی شِنَه. وختی زونِستِشه کیلیکیه منطقه شِنَه،

رَسولون اَعمال 24:18

هَتَه که اِمی بِه جا بواَردیم، تطهیری آدابی اَنجام دوعَه پَش، مِن معبدی کا تِلفتِشونَه. نِه جَماعتی بَه و نِه بَلوایی بَه.

رَسولون اَعمال 26:11

چِندی کَرَه چَوون مجازات کَردِه را اِم عبادتگاه نَه بَشیم اَ عبادتگاه را و تَقَّلا بَکَردیم اَوون وادار بِکَرِم کُفر بوآجِن. جوری اَوون کا غِیض داریم که حتی تا دورَه شَهرون را نی چَوون دومله بَشیم.

رَسولون اَعمال 6:10

ولی اَوِن نیمَشاین اَ حکمت و خِدا روح پیشی کا که اِستیفان چَیی واسطه نَه گَف ژَنی، مقاومت بِکَرین.

اوّلین نامَه قورَنتیانیرا 1:20

حکیمَ آدَم کییارَه؟ توراتی معلم کییارَه؟ کسونی که اِم دورَه زمانه کا نظر بَداین کییاری نه؟ مَگم خِدا، دنیا حِکمتی نادونی کَردَه نیشَه؟

نامه غلاطیَه کلیسارا 1:21

چَیی پَش، شیمَه سوریه و کیلیکیه منطقه اون طرفی را.