رَسولون اَعمال 5:16 - کتاب مقدس به زبان تالشی شمالی

¹⁶ مردم نی دَسته‌ دَسته اورشلیمی دور و اَطرافی شَهرون کا بومَین و مریضون و کسونی که پَلیدَه روحون گیریفتار بینَه، بواَردین، و گِرد شفا بَگتین.

کتاب مقدس به زبان تالشي - گویش مرکزی

¹⁶ مَردوم نی کاولَه کاولَه اورشَلیمی اَطرافی شَهرونکا آین و آزاریون و اَیِنی کن پَلیدَ روحونکا ویلاخیستَه بین اَوَرینَه، و گِرد شفا اَگِرین.

رَسولون اَعمال 5:16 Iomraidhean Croise

مَتّی 2:16

وختی که هیرودیس ویندِشَه ستاره شناسِن اَئی گول ژَندَشونَه، وِر عصبانی آبَه و مطابق زمانی که ستاره شناسون کا تحقیق کَردَش بَه، دستور دوشَه تا بِیت لِحِمی شهری کا و چَیی اَطرافی کا گِرد دِ ساله زوعَه اون و دِ ساله کا کمتری، بِکِشِن.

مَتّی 4:24

بَس چَیی شور و شُورَت گِردِ سوریه کا دَپیچِستَه و مردم گِردِ مریضون که جور بَه جوره درد و مَرضشون اِستبَه، و تور و دیوونَه اون، غَشی اون و اِفلیجون نی بواَردین چَیی وَر و عیسی اَوون شفا بَدای.

مَتّی 8:16

مَغریب دَم، وِر تور و دیوونَه آدَمونی وَردِشونَه عیسی وَر و عیسی ایی کلمه نَه دیوون اَوون کا بَرکَردِشَه و گِرد مریضون شفا دوشَه.

انجیل لوقا 5:17

ایلَه اَ روزون کا، وختی که عیسی تعلیم بَدای فریسی فِرقه عُلما و توراتی معلِمِن نی گِردِ جلیل و یهودیه ولایتون کا و اورشلیمی شهری کا اومَه بینَه و اوآکا نِشت بینَه. خِداوندی قدرت عیسی نَه بَه تا مریضون شفا بِدَه.

انجیل لوقا 6:18

اَوِن اومَه بینَه که عیسی گَفون دَرَسِن و اِشتَن درد و مَرَضون کا شَفا بِگِرن؛ کَسونی که پَلیده روح اِن، اَوون عذاب بَداین نی شَفا گِتِشونَه.

انجیل لوقا 9:11

وختی مردم خَوَر دار بینَه، چَوون دومله راه دَلَکینَه. عیسی نی اَوون قبول کَردِشه و چَوون را خِدا پاُتشایی درباره گَف ژَندِشَه و کسونی که شَفا نیاز دارین، شَفا دوشَه.

یوحنا 14:12

«حقیقتن، شِمَه نَه بَواتیم، کسی که بَه مِن ایمان بِدارِه، اَ کارونی که اَز بَکَردیم، اَ نی بَکَردی، و حتی کارونی اَوون کا یالتَر بَکَردی، چوم که اَز بَشیم دَده وَر.

رَسولون اَعمال 4:30

و اِشتِه دَسی نی شفا دوعِه را دِراز آکَه و اِشتِه مقدّسَ خادِم، عیسی نومی کا، علامت و مُعجزه اون اَنجام بِدَه.»

رَسولون اَعمال 5:15

اِنتَه که حتی مریضون بواَردین شهری مَیدونی کا و اَوون تختون و دوشَکون سَری کا خِساوونین تا وختی پطرس اوآ کا دَوییَره، لااَقَل چَیی سا، چَوون بعضی سَر دَلَکِه و اَوِن شفا بِگِرِن.

رَسولون اَعمال 5:17

امّا کاهِن اَعظم و گِردِ کسونی که چَیی همراه بینَه یعنی صَدّوقی فِرقَه، حسودی کا دَس بِه کار بینَه

اوّلین نامَه قورَنتیانیرا 12:9

و ایی نفری هَ روح واسطه نَه، ایمان و بِه ایی نفر دییَر هَنی هَ روح واسطه نَه، شفا دوعِه عطایا.

یعقوبی نامَه 5:16

بَس، یَندی وَری کا شِمَه گناه اون اِعتراف بِکَرَه و یَندی را دعا بِکَرَه تا شفا بِگِرَه. صالح آدَمی دعا، وِرَه قُدرتی نَه عَمل بَکَردی.