رَسولون اَعمال 4:21 - کتاب مقدس به زبان تالشی شمالی

²¹ شورا اَعضا، بعد از اِم که پطرس و یوحنا وِر تهدید کَردِشونَه اَوون وِل آکَردِشونَه، چوم مردمی واسی رایی نِتلَفتِشونَه که اَوون مجازات بِکَرِن. چوم که گِردِ مردم، چییونی واسی که اِتِفاق دَلَکه بَه، خِدا ستایش بَکَردین.

کتاب مقدس به زبان تالشي - گویش مرکزی

²¹ شورا آدَمِن، پِطروس و یوحنا برکَه تَهدید کَردِ بَه دوملَه آهَشتِشون، اِمی خونه کن راهی چَوون مجازات کَردِ را پَیدا نِکَردِشون. اِمی خونِه کن آدَمِن گِرد، اَ چییون ایتفاق دگِنِسته خونه، خدا ستایش اَکَرینَه.

رَسولون اَعمال 4:21 Iomraidhean Croise

مَتّی 15:31

مردم وختی ویندِشونَه لالِن گَف ژَنِن، اِفلیجِن سالِم آبون، شِلِن راه بَشین و کورِن بَویندین، تعجب کَردِشونَه و اِسرائیلی خِدا ستایش کَردِشونَه.

مَتّی 21:46

با اِم که رایی دومله گردین که اَئی دستگیر بِکَرین، امّا مردمی کا تَرسین چوم اَوِن عیسی ایلَه پیغمبر بَزنین.

مَتّی 26:5

امّا اَوِن واتِشونَه: «اِم كاری نَبی عیدی روزون کا اَنجام بِدَن، نَبادا مردم شورش بِکَرِن.»

مَتّی 9:33

وختی عیسی دیوی اَیی کا بَرکَردِشه، اَ لالَ مِردی زَوون آبَه. مردم تعجب کَردِشونَه و واتِشونَه: «اِنتَه رَه چیی هَرگز اِسرائیلیون دیلَه کا ویندَه مون نییَه.»

مَتّی 9:8

وختی مردم اِم اِتِفاقی ویندِشونَه تَرسینَه و خِدا سِتایش کَردِشونَه که اِنتَه رَه اِختیاری آدوعَشه اِنسانون.

انجیل لوقا 13:17

وختی عیسی اِمی واتِشه، چَیی مخالِفِن گِرد خجالت بینَه، امّا مردم گِرد، گِردِ عجیب کارونی کا که عیسی بَکَردی شاد بینَه.

انجیل لوقا 20:19

توراتی معلِمِن و سَران کاهِنِن چِمی دومله بینَه که هَ ساعتی کا اَیی دَستگیر بِکَرِن چوم زونِستِشونَه که اَ مَثَّلی چَوون درباره بَواتی، امّا مردمی کا تَرسین.

انجیل لوقا 20:6

اَگم بوآجَم، ”اِنسانی طرفی کا بَه“، گِرد مردم اَمَه سِنگسار بَکَردین، چوم اَوِن قانِع بَه اینَه که یحیی ایلَه پیغمبر بَه.»

انجیل لوقا 22:2

و سَران کاهِنِن و توراتی معلِمِن ایلَه راهی دومله گردین که عیسی بِکِشین، چوم مردمی کا تَرسین.

انجیل لوقا 5:26

گِردِ اَوِن اِم ماجرا کا حَیرون بینَه، خِدا ستایش کَردِشونَه و تَرس چَوون جانی کا دَلَکَه بَه، و بَواتین: «اوری چِنتَه رَه عجیبَ چییونی ویندِمونَه.»

رَسولون اَعمال 4:17

ولی تا اِم جریان اِمی کا وِرتَر مردمی دیلَه کا چُو دَلَکه نییَه، بَسی اِم مِردَکون قَدغَن بِکَرَم که دِ عیسی نومی درباره هیچکسی نَه گف مَژَنِن.»

رَسولون اَعمال 4:22

چوم اَ شَلَ مِردی که معجزه‌ نَه شفا گِتَش بَه، چِل سالی کا نی وِرتَر سیند داری.

رَسولون اَعمال 5:13

امّا بقیه جرئت نِکَرین چَوون مُلحق بِبون، هَر‌ چَن گِردِ مردم اَوون وِر اِحترام بَناین.

رَسولون اَعمال 5:26

دومله معبدی نگهبانون فرمانده، مأمورون نَه شینَه و رسولون وَردِشونَه، امّا نِه زورکی، چوم تَرسین مردم اَوون سِنگسار بِکَرِن.

رَسولون اَعمال 5:40

بَس اَوِن گامالائیلی نصیحتی گوش دوشونَه و رسولون دَخوندِشه، اَوون شِلاق ژَندِشونَه و قَدغَن کَردِشونَه که دِ عیسی نومی کا گَفی مَواجِن، اَ موقع اِجازه دوشونَه رسولِن بِشون.